2 Tesalonaika 1:7 - Loina Nuahuana

⁷ Yahegwaegomi 'omi tomiya mwau, 'ida Bada Yesu galewega nata 'isulu mwayamwayauma, ma 'ina aneloseyao ta 'aiwe ganinisa wete 'i'eweyama, ma 'omi ma tauma 'ida 'aiyawasi 'i'ebwaegita.

2 Tesalonaika 1:7 ပူးပေါင်းရင်းမြစ်များ

Madiu 16:27

“Cabwa taugu Loheyaiguina yalohihilama, beno Tamagu 'ina wasawasa 'asi'asilalana, ta wete aneloseyao ba'idagwao, ma tomota 'idi paihowao 'adi maisa ya'ebwaedi.

Madiu 16:28

“Yagwaeya moisa 'oimiya 'abehega tomota tupwami sahena wa'ama'amasa 'ana siga taugu Loheyaiguina yahilama sabi loina, ma 'oina wa'ita hilegau.”

Madiu 25:31

“Cabwa taugu Loheyaiguina, ma'igu wasawasa 'asi'asilalaina, ma ma'igu aneloseyao 'alatuma, ma 'oinega 'igu wagahata wasawasa 'oina yamiyatoi sabi loina,

Madiu 25:41

“Ma taudi 'igu 'adigeyageya simiyamiya yahegwaedi, ‘Comi togala wa'ebesinegau, ma watauya 'aiwe ninima hatayana 'oina, tauna Yehoba 'i'atububuya Tomudulele ma 'ina bodao weyahidi.

Madiu 26:64

Ma Yesu 'igwaeya, “Cino gwaeina gidemusa. Ma wete yahegwaegomi beno 'abwa taugu Loheyaiguina wa'itegau Tohewaiwaina 'ina 'ebeulega yamiyatoi sabi loina, ma wete 'igu hilama wa'ita galewa yaloha debadiya.”

Maki 14:62

Ma Yesu 'igwaeya, “Cehe! Taugu! Ma wete 'abwa taugu Loheyaiguina wa'itegau Tohewaiwai moisa 'ina 'ebeulega yamiyamiya, ma wete galewa yaloha debadiyega yanaoma.”

Maki 8:38

“Ma 'eguma taiya 'owa weyahigu 'uhedeba mwadimwadina, wete 'igu he'itao weyahidi 'uhedeba mwadimwadina, ma 'uuhalegau yaso bewa galadi ma ganaganawalidi matadiya, 'abwa taugu Loheyaiguina wete yauhalego, tutaina Tamagu 'ina wasawasa maemaedanaina 'oinega yahilama ma aneloseyao wete ba'idagwao.”

Luke 16:25

“Ma Ebalahamo 'ihegwaeya, 'igwae, ‘Natugu, 'usanapuya 'abehega mwalo yawasiu mabwaiyana yaliyayamo, ma hesi Lasalo geya 'aigeda 'ebeyaliyaya 'iloba. Coinega bewa tutaina tauna ma'ina yaliyaya, ma 'owa 'umuyamuya.

Luke 17:30

“Ginauledi silatuwa 'oidiya, 'abwa wete gide tomota 'oidiya sida latu 'esa, beno tutaina taugu Loheyaiguina yahilama.

Yoni 1:3

Ma Gwae huhunaina tauna ginaula mabwaiyana 'ipaihowediya ma wete ginaula mabwaiyadi 'ihemasalahediya Yehoba ba'idana, ta geya 'eta wete tohemasalaha.

Yoni 1:51

Ma Yesu wete 'ihegwaediya 'igwae, “Yagwae moisa 'oimiya, 'abwa nata galewa huwehuweina 'u'ita, ma wete Yehoba 'ina aneloseyao 'u'itadi sihanehane ma sisulusuluma taugu Loheyaiguina 'oiguwa.”

Paihowa 1:11

ta sigwae, “MeGalili he, to'aha weyahina wa'e'ebubuna galewa? Yehoba Yesuina 'itoe pwaiya galewa, ma 'abwa 'isulu hilama, ma 'ina suluma 'ana 'ita 'abwa gide 'ina haneina nige wa'iteya.”

Paihowa 3:19

Coinega 'ilobwainegomiya wanuwabui ma 'imi puiyao 'i'ewayahuledi, ma lotohona bwebwe'ana waloba Bada tauna 'oinega,

Loma 8:17

Eema helauwedi 'i'atububuya natunaina Yesu Keliso weyahina, nata Yesu mahetedai helauwedi talobadi Yehoba 'oinega. Weyahina 'eguma Keliso mahetedai muya ta'ahali, nata wete mahetedai wasawasa taloba.

1 Kolinita 3:13

Coinega 'abwa bwa'omatana 'ana sabwelo 'oina 'ida Badaina hadaedi 'ihadadadi ma 'ida tohodi, nuwana bwebwe'adi bo galadi.

2 Kolinita 4:17

Muyamuyaedi bewa meyameyahadi tuwa, ma tuta to'uto'upanamo 'oidiya talobalobadi, ta hesi si'abihe waiwaigita ma 'abehega 'ida wasawasa bwebwe'ana hedade ma miyamiya hatayana 'abwa ta'ewa.

Epeso 1:2

Tamada Yehoba ma Bada Yesu Keliso 'idi helau 'oimiya, ma 'oinega wamiya yaliyaya.

Kolose 1:16

Weyahina Natunaina ginaula mabwaiyadi galewa ta bale'uwa huhudi, ginaulaedi ta'ita'itadi ma ginaulaedi geya tada 'itediya, gide aneloseyao bo toloinao waiwaidi bo yaluyaluwao, mabwaiyadi Yehoba 'ipaihowediya Natuna 'ina paihowega, ma Natunaina weyahina.

1 Tesalonaika 3:13

Ma 'ane 'abwa tutaina 'ida Bada Yesu, ma 'ana tohemisao silatuma, 'omi ma'imi waiwai ta nuwami 'ehaudi, Tamada Yehoba matana watoholo.

2 Timoti 2:12

Ceguma Keliso ba'idada ta 'ida miyamwau 'oidiyega ta'alama'i'ita, 'abwa ba'idada tahetoloina. Ceguma Keliso tauhale 'abwa wete 'iuhalegita.

Taito 2:13

Bewa tuta ma'ida yaliyaya 'ada to'abihetena Yesu Keliso tahemisae, tauna 'ida Yehoba waiwaina ma ma'ina wasawasa, ta 'ina hapwesa weyahina tayamwayamwa.

Ibeliu 10:27

ma hesi bwa'omatana taloba, beno 'aiwe ninima 'igabu hegumwaligita. Bewa Yehoba 'ipaihoweya 'ana 'alehao weyahidi.

Ibeliu 12:29

weyahina 'ida Yehobaina 'aiwe ganinisa gide.

Ibeliu 4:1

Cina gwae hemisaina 'abwa 'imiyamiya 'abehega 'ina 'ebe 'aiyawasi tauna 'oinega taloba, eeta 'ilobwainegita ma tamatauta 'amuge ta tupwami wabe'u ma sahena walobaloba.

Ibeliu 4:11

Ma 'ilobwainegita ma tatoho waiwai 'abehega 'ebe 'aiyawasiina taloba, ma sahena 'aigeda taiya 'ilologwahata, 'amuge ta 'ibe'u, taudi gide mwalo sibe'u 'esa.

Ibeliu 4:9

Coinega Yehoba 'ina tomota tauda 'ida 'ebe 'aiyawasi 'imiyamiya, ta 'ebe 'aiyawasiina Sabati 'ana 'aiyawasi gide.

Ibeliu 9:28

Wete gide Keliso 'ina 'amasega tauna 'ipwaoliyeya ma'aigedamo tuwa, ma baibaiwada mumugada galadi 'i'ewa yahulediya, ma 'abwa 'ihilama, ma geya 'abehega mumuga galadi 'i'ewayahule hiladi, ta hesi sabi 'abihetegita, 'eguma ma'ida nuwa'ewa tayamwayamwa.

1 Pita 3:22

tauna 'ihane pwaiya galewa, eeta bewa tuwa Yehoba 'ina 'ebeulega 'imiyamiya, ma aneloseyao ma toloinao mabwaiyadi galewa 'oina 'iloiloinaedi.

2 Pita 3:7

Ma Yehoba 'ina gwaeyega galewa ma bale'u siyamwayamwa ma loina 'ana sabwelo 'oina nata 'igabu yahuledi ma togala 'ilohesawalidi.

Yude 1:7

Taudi 'idi mumuga gidemusa tupwadi 'asa mwalohene, beno Sodoma ma Gomola ma tupwadi 'asa deidiya, weyahina pui 'ana nuwa'ewa madouna 'oinega sipaipaihowa besobeso ma 'idi 'eheloheloheyao mahetediyao sipuipui, 'oinega Yehoba 'igabudi 'aiwe 'ala'alata hatayana 'oina. Ta he'itaina bewa mabwaiyada weyahida.

Heꞌitaꞌita 1:7

Ma wa'ita 'abwa tauna galewega 'isuluma yaloha 'oinega, ma tomota mabwaiyadi eema taudi mwalo 'ana tobadiyao 'abwa si'ita, ma tomiya bale'u mabwaiyadi 'abwa sinuwagala, ma matana sidou. Gide. Emeni.

Heꞌitaꞌita 14:10

nata taudi Yehoba 'ina waini waiwaina 'oinega sinuma, ta wainiina beno Yehoba 'ina gamwasowala moisa 'isiweya gamwasowala biyona 'oina. Ma wete 'aiwe yahiyahina ma da'ule yahiyahidi tomotaedi wahidiya silotoho, Yehoba 'ina aneloseyao ta lami matadiya.

Heꞌitaꞌita 14:13

Eeta galewega 'enana yahesagoheya 'igwaeya, “Bewa 'ulele 'abehega taiyewedi 'ida Bada 'ana tohemisao, 'eguma 'abwa si'amasa, sida yaliyaya tuwa.” Ma Yaluyaluwa Tabuna wete 'igwaeya, “Moisa tuwa siyaliyaya, weyahina 'abwa si'aiyawasi 'idi paihowa madouna 'oinega, ma 'ana maisa siloba.”

Heꞌitaꞌita 20:11

Ma ya'iteya wagahata wasawasa wa'ewa'e'ena ma madouna, ma wagahataina 'ana tomiyaina matanega galewa ta bale'u sisawala, ma geya sawasawahina ta'ita hila.

Heꞌitaꞌita 21:4

Yehobaina mataneudi 'ilo'i'ilidi, weyahina geya'abwa wete 'amasa, nuwana muyamuya, bo dou 'oidiya 'ilatulatu. Weyahina tupwa miyamiyana 'igumwala pwaiya.”

Heꞌitaꞌita 22:16

“Taugu Yesu, ta 'igu anelose yahetune pwaiyawa 'oimiya, ta 'abehega ginaulaedi bewa 'ihepwailedi tohekalesiyao 'oimiya. Taugu Debida 'ina susu 'aigeda, ma taugu wete tomodaba 'asilalana.”

Heꞌitaꞌita 22:6

Ta aneloseina 'ihegwaegauwa, 'igwaeya, “Gwae bewa moisa ma dumwaluna. Bada Yehoba tauna tuwa yaluyaluwa 'ana to'ebwaya palopitao 'oidiya, ma 'ina anelose 'ihetuneyama topaihowao 'oidiya 'ihe'ita to'aha nata 'ilatuma.”

Heꞌitaꞌita 22:9

Coinega tauna 'ihegwaegauwa, 'igwaeya, “Geya'abwa gide, weyahina taugu topaihowa tuwa gide 'owa, ma tasidao taudi palopitao, ta wete taudi buki bewa 'ana tohematamatanao. Ma hesi Yehoba 'iboi namo 'oina 'u'etuluha.”

Heꞌitaꞌita 6:11

Coinega yaluyaluwaedi 'adi 'ale'o wa'ewa'e'edi 'i'ebwaediya, ta 'ihegwaediya ma tuta 'i'iunamo si'aiyawasi, 'ana siga tupwadi wete 'iyadiyao mebale'u silohe'amasidi, gide tuwa mwalo taudi silohe'amasidiya Yehoba 'ina paihowa weyahina, ma 'eguma 'adi hasihasila sawasawahina, 'oinega Yehoba mebale'u tolohe'amasaedi 'iloinaedi.