2 Pita 3:9 - Loina Nuahuana

⁹ Tupwana tomota 'idi nuwatuhu 'abehega Yehoba geya'abwa 'ipaipaihowadi ginaulaedi mwalo 'igwae hemisaedi. Ma 'omi geya'abwa wanuwanuwatuhu 'eguma Yehoba 'ina paihowa 'oina gide 'iheheboi, ma hesi tauna ma'ina 'alama'i'ita 'iyamweyamwegomi ma mabwaiyami wanuwabui, ma genuwana 'aigeda taiya 'ihehe'waihi mahemahetena.

2 Pita 3:9 ပူးပေါင်းရင်းမြစ်များ

Loma 13:11

Ee 'oinega bewa tutaina sawasawahina tuwa 'eguma gide wapaihowa 'esa, weyahina 'ida tuta 'i'iunamo ma 'igumwala. Yesu bo'i wahemiseya, ee 'oinega sahena wa'eno'eno ma hesi wa'o'oyatola, weyahina 'ida tuta 'i'iunamo ma 'ada To'abiheteina 'ilatuma.

Loma 13:12

Ta moisa tuwa 'i'iunamo gona 'i'adale, eema 'ane nihuwana 'ana paihowa ta'ebesine, ma ta'atububugita sabwelo 'ana paihowa weyahina.

Loma 2:4

Ma geya sowana Yehoba 'ina helau wasinasinali, weyahina 'i'atemuya muyaegomiya ta 'i'alama'i'itana ma 'abehega 'imi pui 'oidiyega 'i'abi lohihilegomi.

Loma 9:22

Ta Yehoba wete gidemusa 'ina paihowa 'iboi 'iloinae, weyahina tuta mabwaiyana togala 'oidiya 'ihe'alama'i'ita madouna 'abehega 'idi pui weyahina sahena 'ida hemahemaisedi, ma tuwa geya sida hematamataneya, ma 'inuwatuhuwa 'abehega sowasowana tuwa 'iloinaedi, 'ina gamwasowala ta 'ina waiwai matadiyega si'ita.

1 Timoti 1:16

Yehoba 'ina 'atemuyamuya 'oiguwa huhuna bewa gide, 'abehega Yesu Keliso taugu togala madouna weyahigu 'i'alama'i'ita, ma 'ane togala mabwaiyadi si'itegau ma sisanapu taudi wete 'eguma Keliso sihemisae yawasidi hataya siloba.

1 Timoti 2:4

weyahina Yehoba 'ina nuwatuhuina 'abehega tomota mabwaiyadi 'idi pui 'oidiyega 'i'abihetedi, ma he'ita moisa sisanapu.

Ibeliu 10:37

Weyahina tuta 'i'iunamo tauna Totauyamaina 'ilatuma, geya'abwa wete 'iheheboi.

1 Pita 3:20

Yaluyaluwaedi tomota yaluyaluwadi, taudi mwalohene Nowa 'ina tuta Yehoba weyahidi 'ihe'alama'i'itana ma 'abehega 'oina sihemisa, ta geya. Coinega mabwaiyadi yagewa 'oinega sidamana, ma tupwadimo bwasiyega 'i'abihetediya, beno nima 'aigeda ma 'etoi, 'i'abihetedi wagaina Nowa 'i'abiya 'oinega.

2 Pita 1:4

Ma wete 'ina gwae hemisa bwebwe'adi ma waiwaidi 'oidiyega mumuga bale'u 'ana nuwa'ubunao galadi wahasinedi, eema Yehoba 'ina mumuga bwebwe'ana waloba.

2 Pita 3:15

Ma wanuwatuhuyahi 'abehega 'ida Bada 'ina he'alama'i'ita huhuna 'abehega nuwanuwana ma 'ada 'abihetena taloba. Paulo 'iyadaina moisa, ma nuwatuhu bewa weyahina Pauloina 'oimiya 'ilele pwaiya ma'ina sanapu Yehoba 'oinega 'ilobeya.

Heꞌitaꞌita 2:21

Ma wahineina 'ina tuta ya'ebwae pwaiya ma 'abehega 'ina puiyedi 'oidiyega 'ida nuwabui, ma hesi genuwana ma 'ina logwali 'ilogwahate.