2 Pita 2:10 - Loina Nuahuana

¹⁰ Moisa, 'eguma togalaedi Yehoba 'ina loina silogwahate, ma 'idi nuwa'ubunao bi'ibi'idi simulimuliyedi, beno 'adi maisa gala hedadena nata 'i'ebwaedi. Togalaedi wete gagasa huhudi, ma geya 'idi he'asisimo megalewa 'asi'asilalaidi 'oidiya, ma hesi si'ahwa'ahwa galaedi.

2 Pita 2:10 ပူးပေါင်းရင်းမြစ်များ

Luke 11:25

Coinega 'ihila ma 'ebemiyaina 'iloba hileya 'asi'asilalana ma 'atu'atububuna.

Luke 19:14

“Ma muliyetega badaina 'ina tomotaiyao tupwadi silogwahateya, geya nuwadi ma 'oidiya 'ihetoloina, 'oinega wasa sihesumaneya, sigwaeya, ‘Loheyaina beno geya nuwama ma 'oima 'ihetoloina.’

Paihowa 23:5

Ta Paulo 'igwaeya, “Yauwedo tasigwao! Geya yasanapu 'abehega tauna Topwaoli Madouna. Moisa tuwa Buki He'asisi 'ina hepwaila gidemusa 'igwae, 'Sahena 'imi toloina 'oina 'u'ahwa'ahwa pa'ala.’”

Loma 8:1

Coinega 'eguma Yesu Keliso mahetedai, nata geya 'eta taiya 'ina gwae mwauna 'oida 'ilagulagu.

1 Kolinita 6:9

Ceguma mumugami gidemusa geya'abwa Yehoba 'ina 'ebeloina 'oina waluhuluhu, weyahina topuiyedi mabwaiyadi Yehoba 'i'etobodediya, gidemusa tolonabwasuwaedi ma tologwaliyedi, toganawalaedi wahiwahinedimo matasidiyao sipaipaihowa, loheloheyadimo wete mahetediyao sipaipaihowa,

2 Kolinita 10:3

Moisa, bale'uwa tamiyamiya, ma hesi 'ida paihowa geya mebale'u gide.

Epeso 4:19

Coinega sigala moisa, eeta sitagwalediya mumuga sogala weyahina, ma mumuga galadi baibaiwadi nuwadi si'eweya.

Epeso 5:5

Moisa, togalaedi geya'abwa wete silugulugu Keliso ma Yehoba 'idi 'ebeloina 'oina taudi gidemusa topuiyao bo tosogala bo tobwatobwa 'adi tohamwao, weyahina tobwatobwa 'ana hamwa 'ana sanapu 'abehega 'ida hemisa talagu tobwatobwa 'oina, ma geya Yehoba 'oina.

Kolose 3:5

Coinega gogo gabulena mumugana 'oimiya walohe'amasidi, beno logwali, pui, ma henuhenuwa galadi ma hewasawasa, beno hali 'ebehemisao 'adi tuluha.

1 Tesalonaika 4:7

Weyahina Yehoba 'ihesinuwegita geya mumuga galana weyahina, ma hesi mumuga 'ehauna weyahina.

2 Timoti 3:2

Weyahina tutaedi 'oidiya nata tomota taudimo weyahidi sinuwanuwatuhu, ma wasawasa 'ana hamwa nata 'imadou 'oidiya, ta sinuwa hanehane ta sigagasa ma wete siheliya. Ma sinadiyao ma tamadiyao 'enadi nata geya sihematamatana, ta tomota 'idi paihowa bwebwe'adi weyahidi nata geya siloyauwedo.

Taito 1:7

Weyahina tohanugetao Yehoba weyahina sipaipaihowa, 'ilobwainediya ma mumugadi bwebwe'ana, ma sahena sidebadeba pa'ala nana sihehe gamwagamwagu, nuwana bwasi galana sinumanuma yauyaule, nuwana loheya 'ana to'ehunuwa, nuwana wasawasa 'ana tohamwa.

Ibeliu 13:4

Mabwaiyami hai 'ana loina wahe'asisiye ma sahena wanuwanuwa 'ubuna, weyahina tolopuiyao ta tologwaliyao 'abwa Yehoba 'iloinedi.

2 Pita 3:3

Ma nuwatuhu 'aigeda sowasowana wada sanapu nugeta 'abehega tuta 'ana 'ebe losaloha 'oina tupwadi tolotuyeya silatu, ma Bada 'ina 'eda weyahina sigwaegwae besobeso, ma taudi 'idi nuwatuhu galadi simuliyedi,

Yude 1:10

Ma togalaedi, 'eguma to'aha geya sisanapu, ma tuwa si'ahwa galagalaedi, weyahina taudi gide hebahebai totopwatula, ta 'adi lotohona siloiloinaedi, ma 'oinega siboidimo si'abi'abi hegalaedi.

Yude 1:16

Tomotaedi tolomugi ma tosinala, ma taudi 'adi lotohona 'oinega sitautauya. Wete togwaehanehane, ma 'eguma 'iyadiyao 'oidiya sigwae helau, beno tobwatobwa weyahina.

Yude 1:4

Mwauina 'ihapwesa pwaiya 'oimiya, beno tupwadi togala si'abowegomiya ma 'imi boda 'oina siluguwa, 'oinega Yehoba 'ina helau 'oida taudi 'idi he'itega sibuiya ma ganawala, ma wete 'ida Yehoba ma Bada Yesu Keliso silogwahatediya. Taudi 'idi galao weyahidi 'adi loina mwauna mwalohene Yehoba 'ina buki 'oina silele pwaiya.