2 Pita 1:21 - Loina Nuahuana

²¹ weyahina palopitaowedi geya siboidimo 'idi nuwatuhuwega sigwaegwaenedi, ma hesi Yehoba 'oinega, ma Yaluyaluwa Tabuna palopitao 'ihenuwa lagudiya eeta gwaeyedi sigwaenediya.

2 Pita 1:21 ပူးပေါင်းရင်းမြစ်များ

Maki 12:36

Weyahina Debida mwalo Yaluyaluwa Tabuna 'ina waiwai 'oinega Kelisoina 'i'ahwa badaeya, 'igwae: Yehoba 'ina gwae 'igu Bada 'oina, 'igwaeya, ‘Cigu 'ebeulega 'umiyatoi ma 'ana siga 'a 'alehao yalagu suluhedi 'aheu gabulena.’

Luke 1:70

Mwalona Yehoba 'ina palopitao nugenugetaidi 'ina gwaeina gidemusa sihepwaila nugeteya,

Paihowa 1:16

“Tasigwao, mwalo Yaluyaluwa Tabuna Debida 'ina gwae 'i'ebwaeya Yudasa weyahina, ma Buki He'asisi 'oina 'imiyamiya. Yudasaina mwalo mahetedai tahetohepwaila Yesu weyahina, ma hesi 'ida Bada 'itebaeya ta 'i'ebwayaeya Yesu 'ana 'alehao nimadiya. Ta 'aigeda wali Buki He'asisi 'alona Debida 'ina gwae Yudasa weyahina, bewa gide 'igwaeya, 'Cina gogo 'ibisula ma gesowana 'eta taiya loheya 'oina 'imiya.’ Ma wete 'igwaeya, 'Miyalaena tauna 'ina paihowa 'i'ewa.’ Coinega 'ilobwaineya 'ilatu gide gwae bewa 'igwae 'ese.” Pita 'ina gwae bewa gide, weyahina Yudasa 'i'amasa pwaiya. Tauna mwalo 'ina paihowa galana 'ana maisa 'i'eweya ma 'aigeda bale'u 'igimwaneya, ta bale'uina 'alona 'ibe'u talutalubu'iya, ta gamwana 'ilosabuweya, ma sinaena mabwaiyana 'ilatuwa ta tetelina meYelusalema mabwaiyadi sihesagoheya, ta 'enadiyega bale'uina sibwauweya “Akeladama,” ma 'ana sanapu “Bale'u Bweyaha.”

Paihowa 28:25

Weyahina 'idi nuwatuhuwao hagana ma hagana, 'oinega sisawala. Ta Paulo 'ina gwae 'ana 'ebelosaloha 'oidiya 'igwaeya, “Yaluyaluwa Tabuna 'ina gwae tubumiyao weyahidi gwae moisa, beno palopita Aiseya 'ahwanega 'igwaenediya:

Paihowa 3:18

Ma hesi wada nuwahila 'abehega Yehoba 'ina palopitao 'oidiyega 'ihepwaila nugeta beno To'abihetena 'ina muyao 'ilobadi, 'oinega gwaeina 'ana moisa 'ilatu pwaiya.

Ibeliu 10:15

Cabihe'ehau bewa weyahina Yaluyaluwa Tabuna ta wete Buki He'asisi 'oina 'ihe'itegita Bada 'ina gwae beno mwalohene weyahida 'ihepwaila,

Ibeliu 3:7

Coinega Yaluyaluwa Tabuna 'ihegwaegita 'igwaeya, “Nata, 'eguma 'enana wahesagohe,

Ibeliu 9:8

Bewa 'ebe'ita tomota hauhauda 'oida, Yaluyaluwa Tabuna 'oinega, ta 'oinega tasanapu 'abehega 'eguma paihowaina miyamiyaina 'abwa tapaipaihowa, geya sawasawahina ma taluhu Tupwa He'asisi Hedade 'alona. Eeta helauwao ma hebahebai loina miyamiyaina 'oinega sipwaopwaoliyedi Yehoba 'oina, ta hesi geya sawasawahidi ma tomotaedi 'atedi si'abihe'ehau, ta wahidimo si'abihe'ehau,

1 Pita 1:11

Ma Keliso Yaluyaluwana 'atediya 'ihe'ita nugetediya 'ina muyao ma 'ina wasawasa muliyetega weyahidi eeta palopitaowedi sanapu si'ebeseya to tuta 'oina ma togidega 'abihetenaina 'ida hapwesa 'esa.

Heꞌitaꞌita 19:10

Ma 'ahena yabe'u talutalubu'iya ta ya'e'etuluha 'oina, ma 'oinega 'igwaeya, “Geya'abwa gide. Taugu tuwa Yesu 'ina topaihowa 'owa gide, ma wete gide tasimwao taudi Yesu 'ana tohepwailao. Yehoba hesi 'oina 'u'etuluha.” Weyahina Yesu 'ana tohepwailao 'adi lotohona gide palopitao 'adi lotohona Yehoba yaluyaluwana 'oinega.