2 Pita 1:17 - Loina Nuahuana

^17-18 Ma tutaina mwalo mahetemai 'oyai 'amiyamiya Yehoba 'enana galewega 'ahesagoheya, 'igwaeya, “Bewa Natugu moisa, tauna weyahina yayaliyaya madouna.” Ma 'enanaina Tamana 'ina tupwa 'ehauna galewega 'itauyama eeta 'oyaina debana Yehoba hepwatu ta wasawasa 'asi'asilalaina Natuna 'i'ebwaeya.

2 Pita 1:17 ပူးပေါင်းရင်းမြစ်များ

Madiu 12:18

“Wa'ita 'igu topaihowa bewa hesihesinuwaina, ma 'ateguwega yahelauweya ma'igu yaliyaya. Yaluyaluwagu yalagu 'oina ma loina dumwaludi 'ihepwailedi taudi ganamuli 'oidiya.

Madiu 17:3

Ma wete Mosese ma Ilaitiya silatuma ta Yesuina ba'idadiu sihehegwaegwae.

Madiu 17:5

Pita 'ina gwae 'abwa geya 'ilosalohi ma yaloyaloha 'asilalana 'i'ahuhe taluhidiya, ma yaloyaloha 'oinega 'enana 'aigeda sihesagoheya, 'igwae, “Bewa Natugu bwebwe'ana hedade, tauna weyahina yayaliyaya madouna, 'oinega 'ina gwaeyao wahesagohedi.”

Madiu 28:19

Coinega watauya ma 'asa mabwaiyadi 'oidiya waloguguya, ma 'oinega tomota sihemisaegau, ma wete wa'abihe babitaisodi Tamagu saninega ma Natuna Taugu saniguwega ma wete Yaluyaluwa Tabuna saninega.

Madiu 3:17

Ma hesi 'aigeda 'enana galewega 'igwaema 'igwae, “Beno natugu moisa. Tauna weyahina yayaliyaya madouna.”

Maki 1:11

Wete 'enana 'aigeda galewega 'igwaema, 'igwae, “Cowa natugu 'ausalana, weyahiu yayaliyaya madouna.”

Maki 9:7

Eeta yaloyaloha wete 'isuluwa ma 'i'ahusamudiya. Yaloyalohaina 'oinega 'aigeda 'enana sihesagoheya, 'igwae, “Bewa natugu bwebwe'ana hedada, ma 'ina gwae wahesagohe.”

Luke 10:22

Nage tutaina 'oina wete 'igwaeya, “Ginaula mabwaiyadi Tamagu nimaguwa 'ilagudiya, ma Tamagu 'iboimo 'isanapugauwa, ma Taugu wete yaboimo Tamagu yasanapuya, ma wete taiyewedi taudi 'eguma nuwanuwagu ma Tamagu yahe'itae 'oidiya, taudi wete sida sanapu.”

Luke 3:22

ma Yaluyaluwa Tabuna, mawahina 'ana 'ita gide gabubu, 'isuluma Yesu 'oina. Coinega 'aigeda 'enana galewega 'igwaema, 'igwae, “Cowa natugu moisa, weyahiu yayaliyaya madouna.”

Yoni 10:15

Gidemusa tuwa, Tamagu 'isanasanapugau ma wete taugu Tamagu yasanasanapu. Eema yawasigu yatagwaleya ma 'igu sipi weyahidi ya'amasa.

Yoni 10:36

Coinega to'aha weyahina 'igu gwae wanuwatuhuya 'abehega gwae hohopa'ala tutaina yagwaeya 'abehega taugu Yehoba natuna? Ma hesi wa'ita, taugu 'ihesinuwanegauwa ma 'ihesumanegauma ma yatauyama bale'uwa ma 'ina paihowa yapaipaihowadi.

Yoni 14:11

Coinega bewa tuwa wahemisaegau 'abehega taugu Tamagu 'oina yamiyamiya ma wete Tamagu tauna 'oiguwa 'imiyamiya. Ma 'eguma 'igu gwaeyedi geya wahehemisaedi, hede 'igu paihowaedi waiwaidi wanuwatuhudi ma 'oidiyega wahemisaegau.

Yoni 14:6

Coinega Yesu Tomasi 'ihegwaeya 'igwae, “Taugu 'eda, ma gwae moisa, ma wete yawasimi huhudi. Weyahina geya 'eta taiya sowasowahina ma Tamagu 'oina 'itauya 'eguma loheyainaina geya 'oiguwega 'itauya.

Yoni 17:21

Ya'ahwa'ahwanoi 'oiuwa ma 'abehega mabwaiyadi sida heboda 'aigeda 'oida, gide 'owa ma taugu 'aigeda tuwa. Ma 'oinega mebale'u sihemisaegau 'abehega 'owa moisa 'uhesumanegauma.

Yoni 20:17

Ma Yesu 'ihegwae hileya 'igwae, “Sahena 'u'abi'abi tohogau, weyahina 'abwa geya Tamagu 'oina yahane. Ma hesiyage 'utauya tasigwao 'oidiya, ma 'uhegwaedi 'abehega bewa tuwa taugu yahanehane Tamagu 'oina, tauna 'omi wete Tamamiu. Tauna taugu 'igu Yehoba ma 'omi wete 'imi Yehoba.”

Yoni 3:35

Eeta Yehoba natunaina 'ihelauweya, 'oinega 'ina 'ebeloina mabwaiyana natuna nimana 'ilaguya.

Yoni 5:20

Ma Tamagu 'ihelauwegauwa, 'oinega 'ina paihowa mabwaiyana to'aha gide 'ipaipaihowadi 'ihe'itegauwa. Ma wete paihowa madoudi nata 'abwa 'ihe'itegau ma yapaihowadi, 'oinega mabwaiyami nuwami sihenainaida.

Yoni 5:26

“Tamagu tauna yawasi moisa huhuna, 'oinega 'oiguwa 'itagwala ma taugu wete yawasi huhuna,

Yoni 6:27

Coinega bewa tuwa yahegwaegomi, sahena 'e'ahai gumwagumwalidi weyahidi wapaipaihowa, ma hesi 'e'ahai yawasimi miyamiya hatayana weyahidi wapaihowa. Ce'ahainaina bewa weyahina yahehegwaegwae. Loheyaiguina taugu nata ya'ebwaegomi. Weyahina Tamagu 'ina paihowa bewa weyahina 'ihesumanegauma ma yapaihowadi.”

Yoni 6:37

Tomotaedi taudi Tamagu 'i'ebwaegauwa hesi nata 'oiguwa sitauyama, ma 'eguma sitauyama 'oiguwa, nata geya'abwa yalolohesohesoiyedi.

Yoni 6:39

Cihesumanegauma ma 'igu tomotaedi 'i'ebwaegauwa 'ina nuwatuhu bewa gide ma 'abehega geya'abwa 'eta taiya 'oidiyega yahe'wadalele. Ma hesi mabwaiyadi 'amasa 'oinega yada 'abi hetoholo hiladi tuta 'ana 'ebe losaloha 'oina.

Loma 15:6

Eema 'ane mabwaiyada nuwatuhu 'aigeda 'oinega Yehoba tahepwatuwe, tauna 'ida Yehoba ma wete 'ida Bada Yesu Keliso Tamana.

2 Kolinita 1:3

Yehoba tauna 'ida Bada Yesu Keliso Tamana 'oina taloyauwedo weyahina 'iboinamo tauna 'atemuyamuya huhuna,

2 Kolinita 11:31

Yehoba tauna 'ida Bada Yesu tamana tada hepwatuwe hataya, ma tauna 'isanasanapugau 'abehega 'igu he'ote'otetela bewa gwae moisa.

Ibeliu 1:3

Ma Yehoba natunaina tamana 'ina 'asilala 'i'asi'asilalae ta tauna Yehoba 'ana 'oleya gide. Ma 'ina gwae waiwaina 'oinega ginaula mabwaiyana galewa ma bale'uwa 'i'abi'abi yahidi. Ma 'ida puiyao 'oidiyega 'ibuyogita ma muliyetega 'imiyatoiya Yehoba Tomiyahane hedade 'ina 'ebeulanega.

2 Yoni 1:3

Coinega Tamada Yehoba ma Natuna Yesu Keliso 'idi helau ma 'idi 'atemuyamuya 'oidiyega nata tamiya daumwala, ma'ida gwae moisa, eema wete ma'ida helau.

Yude 1:1

Taugu Yude, Yesu Keliso 'ina topaihowa, Yemesa tauna tasigu. Bewa 'imi leta yaleleyawa, 'omi Tamadai Yehoba 'ana hesihesinuwao, weyahina 'ihelauwegomiya ma Yesu Keliso 'i'ita'ita yahigomi.