2 Kolinita 9:13 - Loina Nuahuana

¹³ Ma toweweloheyedi sida yaliyaya 'adi lema weyahina, ma hali boda wete 'adi lema 'ausaladi 'oimiyega weyahina, ma 'imi hematamatana Keliso wasana 'oina weyahina sida 'ahwa moisa, ma wete Yehoba sida hepwatuwe,

2 Kolinita 9:13 ပူးပေါင်းရင်းမြစ်များ

Madiu 5:16

Comi wete gide, 'ilobwainegomiya ma 'imi 'asilala wa'abi he'asilala tomota 'oidiya, ma 'oinega 'imi paihowa bwebwe'ana si'ita ma Tamamiu galewa sihepwatuwe.

Madiu 9:8

Ma bodaedi paihowa bewa si'iteya ma ma'idi he'asisi Yehoba sihehepwatuwe, weyahina tauna Yesu 'ana to'abihewaiwai.

Luke 6:46

“Ma to'aha weyahina wa'ahwa'ahwa badaegau, ma 'igu gwae geya wahematamatanedi.

Yoni 15:8

Ma 'eguma moisa wamuliya bwaibwainigau, nata huwaimi bwebwe'adi silatu ma 'oidiyega tomota si'ita ma Yehoba sihepwatuwe.

Paihowa 11:18

Pita 'ina gwae bewa sihesagoheya ma geya 'idi 'ebe gwaemo, ta Yehoba sihepwatuwe, sigwaeya, “Moisa tuwa, Yehoba tauna 'itagwatagwala taudi tomiya ganamuli 'oidiya 'abehega sinuwabui, ta taudi wete yawasi hataya siloba.”

Paihowa 4:21

Coinega siheliyediya ma muliyetega silihasidiya. Geya 'idi pui 'eta silobaloba ma weyahina maisa mwauna sida 'ebwaedi, ma hesi boda mabwaiyadi Yehoba sihepwatuweya.

Loma 10:16

Ma tupwadi geya sihemisa, weyahina Aiseya 'ihepwaila pwaiya weyahidi, 'igwaeya, “Bada yo, 'ino gwaeina weyahina geya si'ahwa moisaegau.”

Loma 12:8

Eema 'eguma taiya tuta baibaiwana 'iyanao 'i'abi'abi hewaiwaiyedi, ee 'ipaihowa gidemusa. Ma taiya wete tuta baibaiwana 'i'ehe'ehele, beno ma'ina 'atetagwala 'i'ehele. Ma 'eguma taiya 'ihetohanugeta, 'ida paihowa bwaibwaina. Ma 'eguma taiya ma'ina 'atemuyamuya, ee 'iyanao 'i'abi'abihetedi ma'ina yaliyaya.

Loma 15:31

ma 'ane taudi Yesu 'ana tologwahataedi Yudiya 'oina geya sowana si'abi'abi hegalegau, eema tohekalesiyao wewelohedi Yelusalema 'oina wete weyahidi, eema helauina yatauye 'oidiya 'ane siyaliyaya weyahina, ma sahena siguiguipaila.

Loma 16:26

ta bewa tutaina 'i'abi latuheya 'oida, palopitao 'idi leleyao 'oidiyega, ma wete Yehoba miyamiya hatayana 'igwaeya 'abehega tetela bewa 'asa mabwaiyadi 'ana tomotaiyao sida sanapu, ma 'ane sihemisa ma simuliye.

2 Kolinita 10:5

Cida tobwatobwaedi 'oidiyega sowasowahida tahewaiwaisine mumuga galana, he'ohe'ohe, ma gwae hane, beno ginaulaedi Yehoba 'ana hemisa si'etobodeya, ma hesi tomota 'idi nuwatuhuwao tagibuidi ma Keliso 'ina gwae sida hematamatanedi.

2 Kolinita 2:12

Mwalo yatauya Tilowasi, Keliso tetelina sabi lohatotoina, ma Yehoba 'eda bwebwe'ana 'iso'eya, 'igu lohatotoina weyahina,

2 Kolinita 8:4

Ma si'ahwa'ahwanoi waiwai 'oima ma 'eguma sowasowahina sihelau Yelusalema 'ana tohekalesiyao 'adi sagu weyahina.

2 Kolinita 9:14

ma wete sida 'ahwa'ahwanoi ma'idi nuwa'ewa weyahimi, Yehoba 'ina helau madouna 'atemiya 'ilaguya weyahina.

Galetiya 1:24

Coinega tohekalesiyaowedi Yehoba sihepwatuweya 'igu nuwabui weyahina.

1 Timoti 6:12

Ma wete tapwalolo 'ana paihowa bwebwe'adi 'oidiya 'utoho ma 'uhewaiwai, ma yawasiu miyamiya hatayana wete 'u'abiyahi, weyahina mwalo Yehoba 'ihesinuwegowa, beno tutaina 'ino hemisa 'uhepwaila latuwa tomota mabwaiyadi matadiya.

1 Timoti 6:13

Cowa Timoti yaloinaego Yehoba matana, tauna ginaula mabwaiyana yawasidi 'ana to'ebwaya, ma wete Yesu Keliso matana, tauna mwalo Ponitio Pailato 'oina gwae moisega 'igwaeya.

Ibeliu 10:23

Coinega tatoholo pa'ala ma 'ida hemisa Yesu 'oina ta'abi'abiyahi, ma tahepwaila latuwe tomota 'oidiya, weyahina Togwae hemisaina geya 'i'abo, ta hesi 'ina gwaeyedi gide 'ipaipaihowa 'esedi.

Ibeliu 13:16

Caigeda pwaoli wete Yehoba nuwanuwana madouna, beno helau tomota weyahidi ma'ida 'atemuyamuya.

Ibeliu 3:1

Ciyagwao, 'omi ma taugu Yehoba 'ihesinuwegita 'ina tupwa weyahina, 'ilobwaineya ma Yesu tanuwatuhuyahi, weyahina tauna 'ida tapwalolo 'ana tohepwaila ta wete 'ida topwaoli madouna,

Ibeliu 4:14

Cida Topwaoli Madouna ma 'ausalana 'imiyamiya, tauna Yesu, Yehoba Natuna, weyahida 'ihane pwaiya galewa, 'oinega 'ida hemisa 'oina ta'abiyahi momosi.

Ibeliu 5:9

ta 'oinega 'ina mumuga mabwaiyana dumwaluna. Tauda wete 'eguma tahematamatane 'abihetena hataya Yesuina 'oinega taloba,

1 Pita 2:9

Ma 'omi geya gide taudi, ma 'omi hesi Yehoba 'ina boda hesihesinuwaimi, 'omi Kiniina 'ina topwaoli ma 'ina tomotaiyao 'ehaumi, weyahina tupwa guguyou 'oinega 'ibwauwegomiya eeta 'ina 'asilala tobwebwe'ana hedada 'oina 'ilagugomiya, ma 'abehega 'ina paihowa bwebwe'anaina wahepwaile.

1 Pita 4:11

Ceguma taiyawedi 'omi wahetohepwaila, wahetohepwaila tuwa gidemusa Yehoba 'ina gwae wahepwaileya, ma 'eguma taiyawedi 'omi walemalema, walema tuwa 'imi waiwai mabwaiyanega, gidemusa waiwaiina 'i'ebwaegomiya, ma 'oinega paihowa mabwaiyadi 'oidiyega tomota Yesu Keliso sisanapu ma Yehoba sihepwatuwe, weyahina tauna wasawasa moisa ma tohewaiwai moisa, tuta mabwaiyana 'oidiya. Emeni.