2 Kolinita 8:8 - Loina Nuahuana

⁸ Bewa 'igu gwae tuwa ma geya 'abehega yaloinegomi, ma yanuwatuhuya tohekalesiyao tupwana sihehetapewa 'ehele 'awawa weyahina, 'oinega 'ebetohona bewa yalaguya ma ta'ita nuwana wa'ehele bwaibwaina, bo geya.

2 Kolinita 8:8 ပူးပေါင်းရင်းမြစ်များ

Loma 12:9

Wahelau moisa. Pui waguipaile, ma mumuga bwebwe'ana hesiyage wa'abiyahi.

1 Kolinita 7:12

Bewa wete nuwatuhu tupwana taugu 'oiguwega, geya 'ida Badaina 'ina loinega, beno 'eguma taiya 'owa loheya mwaneu geya 'ihemisa Yehoba 'oina, ta 'ina nuwatuhu gidemusa ma maheteu wamiyamiya tuwa, geya'abwa 'usa'isa'ile.

1 Kolinita 7:25

Geya 'aigeda wete loina Yehoba 'i'ebwaegauwa gumalaulau taudi geya sihai weyahidi, ta hesiyage 'ihelauwegauwa ma nuwatuhu dumwalunega 'i'ebwaegauwa loinaina weyahina.

1 Kolinita 7:6

Ceguma nuwanuwami ma wahai, bwebwe'ana, ta geya'abwa yaloinaegomi 'abehega mabwaiyami wahai,

2 Kolinita 6:6

mumuga 'asilalana, sanapu, 'atemuyamuya, he'iya'iyagu, Yaluyaluwa Tabuna 'ateda, ta wete helau moisa,

2 Kolinita 8:10

Coinega nuwatuhu ya'ebwaegomi. Bolime 'igumwala nuwanuwami ma wahelau, 'oinega wahelau nugeta, ta hali boda mulimiya.

2 Kolinita 8:24

Coinega 'ilobwainegomiya ma tasidaowedi wahelau bwaibwainidi, ma boda hekalesiya baibaiwadi si'ahwa moisaegomi, ma wete si'ahwa moisaemai 'ima hepwatu 'imi helauina weyahina.

2 Kolinita 9:2

ma wete yasanapugomiya 'abehega 'eheleina weyahina wayaliyaya, 'oinega 'omi ya'ahwa bwebwe'anegomiya meMasidoniya 'oidiya, yagwaeya, “Tupwa Akaya 'oina taudi meKolinita sihetapewa pwaiya ta 'idi helau si'atububuya bolime 'igumwala 'oina.” Coinega baibaiwadi 'oidiyega wete gide sipaipaihowa 'ese.

2 Kolinita 9:7

Coinega 'omi 'aigeda 'aigeda tauna 'ina nuwatuhu 'oinega 'i'ehele, geya 'abehega lohesuhesumanega nuwana he'i'imega, ma hesi 'atetagwalega, ta bewa Yehoba 'ina 'ebe yaliyaya.

Epeso 4:15

Ma hesi 'ilobwainegita ma helauwega tagwaegwae moisa, eeta 'ida mumuga mabwaiyadi sida sinasinabwa debada Keliso 'ina mumuga gidemusa.

Epeso 6:24

Ta wete taiyawedi ba'idamiyao, 'eguma 'ida Bada Yesu Keliso sihelau hataeya, tauna 'ina 'atemuyemuyega 'ida helauwedi wete. Taugu Paulo.

Ibeliu 10:24

Cilobwainegita wete ma tauda tada he'abi'abihetena, ma 'ane tahe'iya'iyagu moisa, ma wete paihowa 'ausaladi tapaihowadi.

1 Pita 1:22

Coinega 'eda dumwadumwaluna wamuliya bwaibwainiya, beno 'oinega 'imi 'ehauhila walobeya, ma wete taudi 'iyamiyao wahelauwedi 'atemi mabwaiyana 'oinega, eeta sowasowana 'omi wete wahelau hilegomi 'aigeda 'aigeda, helau moisa 'oinega.