2 Kolinita 8:7 - Loina Nuahuana

⁷ Comi wamumuga 'ausala pwaiya 'imi paihowa baibaiwana 'oidiyega, beno hemisa ma hepwaila ma sanapu ma hepwatu ma wete 'imi helau 'oima, 'oinega sowasowahimi ma 'ehele 'ausalana wete wapaihowa.

2 Kolinita 8:7 ပူးပေါင်းရင်းမြစ်များ

Madiu 25:22

“Muliyetega loheya heluwena ma'ina tu handeledi kina 'ilatuma, ta 'ana loheposeyana tu handeledi kina wete 'i'ewedima, ma 'igwaeya, ‘Bada, tu handeledi kina 'u'ebwaegauwa ta 'ana loheposeyana tu handeledi kina wete yalobeya, ta bewa.’

Loma 15:14

Ciyagwao, yasanapu bwaibwainigomiya 'omi tomota bwebwe'ami ma sanasanapumi, sawasawahimi wete 'iyamiyao 'oidiya 'eda'eda bwebwe'ana wahe'ita.

1 Kolinita 12:13

Weyahina mabwaiyada tababitaiso, Yaluyaluwa 'aigeda 'oinega eeta taheboda 'aigeda. Tauma meYudiya ta 'omi hali tupwao 'oidiyega, ta tomiya mwau ma tomiya bwebwe'ana, ta mabwaiyada taheboda 'aigeda pwaiya Yaluyaluwa Tabuina 'oinega, tauna 'oida 'imiyamiya.

1 Kolinita 12:8

ta hesi hagadi, weyahina loheya 'aigeda 'ana heguheguyai nuwatuhu, ma 'aigeda sanapu, ginaula dahwadahwaina weyahina,

1 Kolinita 13:2

Ta wete 'eguma taugu Yehoba 'ina palopita, ta ma'igu sanapu ma sawasawahigu yahepwaila ginaula dahwadahwanidi, ma 'eguma yahemisa moisa Yehoba 'oina ma 'oinega yagwae 'oya 'oidiya, sawasawahina sitau hali tupwa, ta 'eguma geya helau 'ateguwa, taugu tuwa loheya bwagabwaga.

1 Kolinita 13:8

Helau sahena 'igumwagumwala, ta hesi taudi Yehoba 'ina palopitao 'abwa 'idi hepwailao sigumwala. Wete taudi hali 'enana ma hali 'enana 'oidiyega sigwaegwae, 'abwa 'enadiyedi sigumwala. Ma tosanapuwao 'abwa 'idi sanapu sisawala.

1 Kolinita 14:12

Yauwedo 'iyagwao, nuwanuwami ma Yehoba Yaluyaluwana 'ina heguyai 'oimiya wa'ewadi, 'oinega 'ilobwainegomiya ma watoho ma 'ami heguheguyaiyedi 'oidiyega tohekalesiyao wa'abihe waiwaiyedi.

1 Kolinita 4:7

Sahena wanuwanuwa hanehane ma 'abehega 'iyamiyao wabwebwe'ana sinediya, weyahina to'aha bwebwe'ana 'oimiya simiyamiya mabwaiyana Yehoba 'oinega walobeya, 'oinega sahena wagwaegwae hanehane.

2 Kolinita 7:7

ma wete tetelimi 'oinega, weyahina Taito 'ihegwaegauwa, 'igwaeya, “MeKolinitaedi nuwanuwadi ma 'utauya 'uhabo'enedi. Ma 'ino gwae weyahina sitagwala pwaiyediya, ta 'idi pui 'oinega sinuwabuiya ma'idi dou. Bewa ya'iteya ta yayaliyaya madouna.”

2 Kolinita 8:6

Coinega Taito 'ahegwaeya, 'agwaeya, “Mwalo 'uhegaina ma meKolinita 'u'abihetediya 'idi 'ehele 'ana paihowa weyahina, 'oinega 'u'abihetedi wete ma silosalohi.”

2 Kolinita 9:14

ma wete sida 'ahwa'ahwanoi ma'idi nuwa'ewa weyahimi, Yehoba 'ina helau madouna 'atemiya 'ilaguya weyahina.

2 Kolinita 9:8

Ma Yehobaina sowasowahina ma 'ehele mabwaiyana 'ida losiwa 'oimiya, eema tuta baibaiwana sowasowahimi, ma wete ma'ana tupwa madouna 'imi 'ehele weyahina.

Epeso 4:29

Sahena wete 'eta gwae galana wa'ina'inana, ma hesi gwae bwebwe'anamo tomota 'adi lema weyahina, to'aha tuta 'aigeda 'aigeda 'ana lobwaina weyahina wahegwaegwae, ma 'oinega taiyawedi taudi sihesagohegomi, 'imi gwaeyega nata lema siloba.

Pilipai 1:11

ma'imi paihowa bwebwe'adi Yesu Keliso 'ina waiwaiyega, ta weyahidi tomota Yehoba sihepwatuwe ma si'ahwa bwebwe'ane.

Pilipai 1:9

eeta ya'ahwa'ahwanoi weyahimi ta 'abehega wahehelau hilegomi ma 'oimiya helau 'imadou ma'imi sinasinapu ta wete ma'imi sanapu moisa,

2 Tesalonaika 1:3

Ciyamayao, 'ilobwainemaiya tuta mabwaiyana 'aloyauwedo Yehoba 'oina, 'imi hemisao ma 'imi helauwao waboi 'oimiya 'adi madou weyahina.

2 Timoti 2:1

Natugu Timoti, Yesu Keliso 'ina 'abihetenega 'uhewaiwai, ma

Ibeliu 12:28

Bewa 'ida tupwa hauhauna 'oina taluhuluhu, waiwaina ma miyamiya hatayana, 'oinega sowasowana Yehoba 'oina taloyauwedo, ma talotapwalolo to'aha 'ina nuwatuhu 'ana lobwaina gide, ta wete tada he'asisiyane ma'ida matauta,

1 Pita 1:22

Coinega 'eda dumwadumwaluna wamuliya bwaibwainiya, beno 'oinega 'imi 'ehauhila walobeya, ma wete taudi 'iyamiyao wahelauwedi 'atemi mabwaiyana 'oinega, eeta sowasowana 'omi wete wahelau hilegomi 'aigeda 'aigeda, helau moisa 'oinega.

2 Pita 3:18

Ma hesi 'ida Bada, tauna 'ada To'abihetena Yesu Keliso, 'ana sanapu ma 'ina helau 'oimiya 'imadomadou, ma tauna tahepwatu sauga bewa ta sauga baibaiwana sinaonaoma 'oidiya. Emeni. Taugu Saimoni Pita.

Heꞌitaꞌita 3:17

“Ma 'omi wagwae, ‘Taugu tohewasawasa ta ginaula mabwaiyadi sawasawahigu,’ ma geya wasanapu 'abehega 'omi tuwa towewelohe, ma hesi nuwagalagalaimi, ma wete matagibugibuimi ma bugebugewami.