2 Kolinita 8:23 - Loina Nuahuana

²³ Taito wasanapuya 'abehega ba'idagu 'apaihowa mahemahetena 'ami lema weyahina, ma tasidaowedi taudi tohekalesiyao weyahidi sipaipaihowa, ta weyahina tomota Keliso sihepwatuweya.

2 Kolinita 8:23 ပူးပေါင်းရင်းမြစ်များ

Luke 5:10

ma wete gide Saimoni 'iyanaowedi Yemesa ma Yoni, taudi Sebedi natunao. Coinega Yesu Pita 'ihegwaeya, 'igwae, “Sahena 'u'ate'ateyoho. Ma hesi bewa 'oinega ma tomota gide 'u'ona 'esedi.”

Luke 5:7

Coinega 'iyadiyao hali waga silo'uyowediya ta 'abehega sinaoma ma si'abihetedi. Coinega taudi 'idi wagega sinaoma ta waga 'eluwaedi silohemahediya, ta 'i'iunamo ma sidamana.

Yoni 13:16

Bewa yahegwae bwaibwainigomi 'abehega geya 'eta taiya topaihowa 'ina 'inapwana 'ida hanesineya. Tohewasa wete gidemusa, geya sowasowahina ma 'ana tohesumaneina 'ihanesine.

1 Kolinita 11:7

Tapwalolo 'alona loheya geya sawasawahina debana 'i'ahusam, weyahina loheya 'ana 'ita Yehoba gidemusa, ta wete 'ana hepwatu Yehoba 'ana hepwatu gidemusa. Wahine wete 'ana hepwatu loheya 'ana hepwatu gidemusa.

2 Kolinita 12:18

Mwalo Taito yaloineya ta tasidai 'aigeda ba'idana yahesumanediwa 'oimiya. To'aha Taito 'ina 'abo 'oimiya? Taito ma taugu 'ima nuwatuhu ta 'ima mumuga 'oimiya mahemahetena 'awa?

2 Kolinita 7:6

Ma Yehoba, tauna tonuwagala 'adi to'abiheyaliyaya, tauma 'i'abihe yaliyayemaiya ginaula 'eluwa 'oidiyega, beno Taito 'ina tauyama 'oinega,

2 Kolinita 8:16

Yehoba 'oina yaloyauwedo, weyahina Taito 'ina nuwatuhu madouna 'i'ebwae pwaiya, ma tauna 'i'abihetegomi, gide tauma wete 'ima nuwatuhu.

2 Kolinita 8:18

Coinega wete tasidai 'aigeda Taito ba'idana 'ahetunediwa, tauna tologuguya 'aigeda wasa bwebwe'ana weyahina, ma sanina madouna tohekalesiyao 'oidiya,

2 Kolinita 8:19

ma tohekalesiyao 'ina paihowa si'ebwaeya ta tauna ba'idamai 'asakosakowasi 'ehele weyahina sabi 'abihetegomi, ma 'oinega tomota Yehoba sihepwatuwe.

2 Kolinita 8:22

Tasidai wete 'aigeda ba'idadiu 'ahesumaneyawa, tauna 'asanapuya 'abehega tohemisa moisa 'ina paihowa baibaiwana 'oidiyega, ma bewa tuwa 'omi 'imi mumuga bwebwe'ana 'ihesagoha pwaiya ta 'ihemiseya, 'oinega nuwanuwana madouna 'ihabo'enegomi sabi 'abihetegomi wete.

2 Kolinita 8:6

Coinega Taito 'ahegwaeya, 'agwaeya, “Mwalo 'uhegaina ma meKolinita 'u'abihetediya 'idi 'ehele 'ana paihowa weyahina, 'oinega 'u'abihetedi wete ma silosalohi.”

Pilipai 2:25

Ta bewa tuwa 'igu nuwatuhu 'abehega 'ilobwaineya ma Epapilodito yahetune hileyawa 'oimiya, tauna tasigu ta mahetegu 'apaipaihowa, tuwa gide 'alolo'aleha Yesu Keliso weyahina. Epapiloditoina mwalo 'agu lema 'oimiyega 'itauyeyama,

Pilipai 4:3

Cowa wete tohanugeta, 'owa 'iyagu moisa ya'ahwanoi 'oiuwa ma wahiwahineyedi 'ulemedi, weyahina mwalo taudi mahetegwao 'apaihowa mahemahetena, wasa bwebwe'ana 'ana hepwaila 'oina, ta wete Kelemeniti ma tupwadi wete 'agu tolemao mahetemayao 'apaihowa, taudi sanidi yawasi bukiina 'alona leleleina.

Kolose 1:7

Moisa, 'iyada Epapilaina loheya bwebwe'ana, 'oinega wasaina 'ihe'ita nugetegomiya. Weyahina tauma 'ihemiyalaemaiya ta 'ihehetapewa Keliso weyahina 'oimiya.

1 Tesalonaika 2:2

Wanuwatuhuyahi wete mePilipai mwalo simumuga geyogeyoiyemaiya ta si'abihedeba mwadinemaiya, ma tuwa Yehoba tauna 'i'abihe'ate patuwemaiya ma tetelina bwebwe'ana 'ahepwaileya 'oimiya, bwagana tomota silolo'alehemai, ma 'alologuguya 'oimiya,

2 Timoti 4:10

Dimasa bo'i 'i'ebesinegauwa weyahina bale'u mumugana nuwana 'i'eweya, ta 'itauya Tesalonaika. Kelesenisi bo'i 'itauya Galetiya, ma Taito wete 'itauya Dalimetiya. Taudi 'agu tolemaedi mabwaiyadi si'ebesinegauwa.

Taito 1:4

Taito, 'owa ya'ahwa natunegowa moisa 'ida hemisa 'aigeda, 'oinega Tamada Yehoba ma 'ada to'abihetena Yesu Keliso 'idi helauwega si'abihetego ma 'umiya daumwala.

Pilimoni 1:17

Pilimoni 'owa ma taugu ta'ahwa tasineya, 'oinega 'agu helau 'oiuwega, 'eguma yahapwesawa, gide wete Onesimo 'utoehila.

Pilimoni 1:24

Gide wete taudi ba'idagwao 'apaipaihowa: Maki ma Alisitako ma Dimasa ma Luke, 'idi helau wete 'oiuwa.

3 Yoni 1:8

Coinega 'ilobwainegita ma tauda talemedi, eema taudi mahetedao tahetopaihowa mahemahetena 'eda dumwadumwaluna weyahina.