2 Kolinita 7:4 - Loina Nuahuana

⁴ Yayaliyaya pwaiya weyahimi ma yahehepwatu, ta 'igu nuwatuhu 'ibwebwe'ana pwaiya weyahimi. Bewa tuwa 'ima miyamwau, ma hesi tuwa weyahimi yayaliyaya madouna.

2 Kolinita 7:4 ပူးပေါင်းရင်းမြစ်များ

Paihowa 5:41

Ma silihasidiya ma sihapwesa, ma sitauya taudi 'idi boda 'oidiya ma'idi yaliyaya, weyahina sowasowahidi ma muyaedi silobadi Yesu sanina weyahina.

Loma 5:3

Ma wete tayaliyaya tuta mwau 'oidiya, ma 'eguma ta'alama'i'itana bewa mwauwedi 'oidiyega,

1 Kolinita 1:4

Moisa, Yehoba 'ihelauwegomiya ma ginaula mabwaiyana bwebwe'ana 'i'ebwaegomiya, gidemusa 'imi gwae bwebwe'adi ta 'imi sanapu bwebwe'adi Yesu Keliso 'oinega. Eeta tuta mabwaiyana weyahimi yaloyauwedo Yehoba 'oina.

2 Kolinita 1:14

gide wasanapu pwaiya tupwana, ma 'abwa Bada Yesu 'ina sabwelo madouna 'oina wayaliyaya tauma weyahima, ma tauma wete 'ayaliyaya weyahimi.

2 Kolinita 1:4

ma 'ima miyamwau 'oidiyega 'i'abihe yaliyayemaiya, 'oinega sowasowahima taudi tomiya mwau wete 'a'abihe yaliyayadi, weyahina 'ima 'ebe yaliyayaina Yehoba 'oinega 'alobeya sowasowahina 'alagubale 'oidiya ma taudi wete siyaliyaya.

2 Kolinita 10:8

ta loina Yehoba 'i'ebwaemaiya sabi 'abihetegomi ma hesi geya sabi 'abihegalegomi, ma 'eguma yagwaehane hedade 'igu loinaina weyahina, sahena wete 'ebedeba mwadina yalobaloba.

2 Kolinita 11:21

Ma taugu we'awe'agu, 'oinega geya yada sapigomiya, ta bewa 'ebedeba mwadina 'oiguwa. Ta 'eguma 'imi tologuguyaedi to'aha weyahidi sigwaegwae gagasa, hesi tuwa taugu yahetohe yauyaule ma yagwae gagasa ginaulaedi weyahidi.

2 Kolinita 2:14

Coinega Yehoba 'oina yaloyauwedo, weyahina Keliso 'ina waiwaiyega tuta baibaiwana 'i'abi'abi hewaiwaiyemai ma 'ima paihowega Keliso 'ana sanapu tupwa mabwaiyana 'oidiya 'idabalala gide hoya mahaina 'ausala hedade 'idabalala ma tomota sinisoniso,

2 Kolinita 3:12

Tanuwatuhu yahiya 'abehega loina hauhauna 'oinega tabwebwe'ana hataya, ma weyahina ta'atepatu,

2 Kolinita 7:14

Mwalo Taito 'imiyamiya ta yahepwatuwegomiya, ma Taito matanega 'i'ita pwaiya, 'oinega geya wete 'ebe debamwadina 'oiguwa. Ma hesi 'igu gwae mabwaiyana 'omi weyahimi 'ana moisa 'ilatu pwaiya.

2 Kolinita 8:24

Coinega 'ilobwainegomiya ma tasidaowedi wahelau bwaibwainidi, ma boda hekalesiya baibaiwadi si'ahwa moisaegomi, ma wete si'ahwa moisaemai 'ima hepwatu 'imi helauina weyahina.

Pilipai 1:14

Ta wete 'iyadao mabwaiyadi 'igu miya deliya si'iteya ma sihetahetapewa Bada 'ina paihowa 'oina, ta Yehoba 'ina gwae sihehepwaile ma'idi 'atepatu.

Pilipai 1:20

Taugu wete yahehemisa ma wete yanuwatuhu yahiya 'abehega geya'abwa yadebadeba mwadina, ta hesi yanuwatuhu yahiya 'abehega ma'igu 'atepatu bewa tuwa ma sauga mabwaiyana Keliso sanina yagihemadouwe, nuwana 'igu miya mayawasigu bale'u 'oina, nuwana 'igu 'amasa 'oina.

Pilipai 1:26

Eema 'abwa 'igu habo'ena hila 'oina, wayaliyaya madouna, beno Yesu Keliso 'ina lema 'oida.

Pilipai 2:17

Wete 'eguma 'agu 'alehao 'i'iunamo silohe'amasigau, gide sipwaoliyegau, tuwa yayaliyaya, ma 'omi wete wada yaliyaya. Mwalo tutaina Yesu wahemiseya 'ana 'ita gidemusa wapwaopwaoli Yehoba 'oina, ma 'eguma ya'amasa, 'igu 'amasaina 'omi 'imi pwaoliyedi 'iloheposeyanedi.

Kolose 1:24

Coinega sauga bewa 'agu muya yalobaloba 'omi weyahimi, ma tuwa ma'igu yaliyaya. Taugu wahigu 'ina muya ma Keliso 'ina muya 'ilohegogoneya ta 'imadouwa, tohekalesiyao weyahidi, beno taudi Keliso wahina.

1 Tesalonaika 2:19

Moisa tuwa 'omi weyahimi 'anuwatuhu yahiya, ma 'ane tutaina 'ida Bada Yesu 'ina latuhilama,

1 Tesalonaika 2:2

Wanuwatuhuyahi wete mePilipai mwalo simumuga geyogeyoiyemaiya ta si'abihedeba mwadinemaiya, ma tuwa Yehoba tauna 'i'abihe'ate patuwemaiya ma tetelina bwebwe'ana 'ahepwaileya 'oimiya, bwagana tomota silolo'alehemai, ma 'alologuguya 'oimiya,

2 Tesalonaika 1:4

Coinega tohekalesiyao tupwa mabwaiyadi matadiya 'ahehepwatuwegomi, 'agwae, “Moisa taudi Tesalonaika to'alama'i'ita hedade. Bwagana 'adi 'alehao mwau madouna si'ebwaedi, ma tuwa ma'idi 'alama'i'ita ta wete ma'idi hemisa Yehoba 'oina.”

Pilimoni 1:7

Tasigu, 'ino helauwega tohekalesiyao 'u'abihetediya ma 'adi lotohona 'i'abihe bwebwe'aneya, ma 'ino helau ta wasau bwebwe'ana yahesagoheya, ta yayaliyaya madouna.

Yemesa 1:2

Tasigwao, tuta sinaonaoma 'oidiya 'eguma 'ebe tohona baibaiwadi ma wete mwaudi walobadi, weyahidi wayaliyaya,