2 Kolinita 7:13 - Loina Nuahuana

¹³ Coinega yayaliyaya pwaiya madouna. Wete Taito 'ina yaliyaya tauma 'ima yaliyaya 'ilohepoiya, weyahina Taitoina 'imi mumuga 'ausala 'oinega 'iyaliyaya.

2 Kolinita 7:13 ပူးပေါင်းရင်းမြစ်များ

Loma 12:15

Ma 'eguma toyaliyaya wa'itadi, mahetemiyao wayaliyaya. Wete gide 'eguma tohedoudou wa'itadi, mahetemiyao wahedoudou,

Loma 15:32

Ta 'eguma Yehoba 'ina nuwatuhu gide, nata ma'igu yaliyaya yatauyawa 'oimiya, ma nobwa tupwana ya'aiyawasi.

1 Kolinita 12:26

Weyahina 'eguma yahuda 'aigeda 'imuya, beno wahida mabwaiyana simuya. Wete 'eguma wahida 'aigeda ma'ina yaliyaya, beno wahida mabwaiyana siyaliyaya.

1 Kolinita 16:13

Ciyagwao wa'itayahigomi, ma ma'imi hemisa moisa watoholo pa'ala ma wahewaiwai,

1 Kolinita 16:18

Gidemusa 'omi mwalo wete si'abihe yaliyayegomiya, 'oinega bewa tuwa 'ada lotohona bwebwe'ana hedada. Loheloheyaedi wahe'asisiyanedi, ta wete taiyewedi taudi gidemusa.

2 Kolinita 2:13

ma hesi yanuwatuhuya madouna weyahina tasigu Taito geya yaloba. Coinega meTilowasi ya'ebesinediya ma yatauya Masidoniya.

2 Kolinita 2:3

Ma 'imi letaina yaleleyawa ma'igu 'atemuya ma ma'igu nuwagala ma 'igu dou, ma 'oinega tutaina 'eguma yabo'enegomi wa'abihe yaliyayegau, ma sahena yanuwanuwagala, ma hesi mabwaiyami yahemisaegomiya ma yanuwatuhu yahiya 'abehega taugu 'igu yaliyayega 'omi wete wayaliyaya. Coinega 'imi letaina yaleleyawa, geya 'abehega ya'abihe nuwa galegomi ma hesi 'igu helau madou hedade 'oimiya wasanasanapu.

2 Kolinita 7:14

Mwalo Taito 'imiyamiya ta yahepwatuwegomiya, ma Taito matanega 'i'ita pwaiya, 'oinega geya wete 'ebe debamwadina 'oiguwa. Ma hesi 'igu gwae mabwaiyana 'omi weyahimi 'ana moisa 'ilatu pwaiya.

2 Kolinita 7:15

Taito 'imi hematamatana mabwaiyana 'inuwatuhu yahiya, tutaina tauna 'oina watagwalegomiya ma'imi 'ateyoho, 'oinega nuwana wa'ewa bwaibwainiya.

2 Kolinita 7:6

Ma Yehoba, tauna tonuwagala 'adi to'abiheyaliyaya, tauma 'i'abihe yaliyayemaiya ginaula 'eluwa 'oidiyega, beno Taito 'ina tauyama 'oinega,

Pilipai 2:28

Bewa weyahina nuwanuwagu madouna ma yahetuneyawa, ma wa'ita hila 'abehega ma'ina bwebwe'ana, ma tauna weyahina wayaliyaya, ta wete 'abehega taugu 'igu 'ateyoho 'igumwala.

2 Timoti 1:16

Ma Onesipolo hesi geya weyahigu 'ideba mwadina 'igu miyamiya deliya weyahina, ma tauna tuta mabwaiyana 'i'abi'abihetegau, 'oinega 'agu lotohona 'i'abi'abihe bwebwe'ani, 'oinega Yehoba 'oina ya'ahwa'ahwanoi ma 'ane Onesipolo ma 'iyanao 'i'atemuyamuyaedi.

Pilimoni 1:20

Cae tasigu, nuwanuwagu ma Keliso saninega Onesimo 'uhelauwe, ma 'ina pui 'unuwasam, beno 'abihetena madouna 'oiguwa, ma 'ane 'agu lotohona 'ibwebwe'ana mabwaiyana.

Pilimoni 1:7

Tasigu, 'ino helauwega tohekalesiyao 'u'abihetediya ma 'adi lotohona 'i'abihe bwebwe'aneya, ma 'ino helau ta wasau bwebwe'ana yahesagoheya, ta yayaliyaya madouna.

1 Pita 3:8

Bewa 'igu gwae 'ana 'ebelosaloha 'oimiya 'abehega 'imi nuwatuhuwega ma 'ami lotohonega wahe'aigeda ma wahelau hilegomi, ma ma'imi nuwadobi wa'atemuya muyaegomi.