2 Kolinita 7:10 - Loina Nuahuana

¹⁰ Moisa, nuwagala Yehoba 'oinega ginaula 'ausalana ma 'i'abihe nuwabuigita, ma 'oinega 'abihetena taloba. Coinega sahena nuwagalaina talologwahate. Ma hesi hali nuwagala bale'u 'oinega 'abwa 'ilohe'amasigita.

2 Kolinita 7:10 ပူးပေါင်းရင်းမြစ်များ

Madiu 26:75

ma Pitaina 'inuwatuhuya Yesu 'ina gwaeina 'abehega “Muliyetega ma 'am'am 'idou ma 'owa matoi 'umwehihiyegau.” Cinuwatuhuya, ma'ina nuwagala 'ihapwesa, ta 'idouwa madouna.

Luke 15:10

Gide wete 'eguma 'aigeda togala 'inuwabui, nata Yehoba 'ina aneloseyao weyahina siyaliyaya madouna.”

Luke 18:13

“Ma hesi takesi 'ana to'ewaina bwagebwagega 'itoholowa, ta ma'ina debamwadina lumalumana 'itutuya, ma 'ituluha ta 'i'ahwanoi, 'igwaeya, ‘Yehoba yo, 'usanapu pwaigauwa 'abehega taugu togala, 'oinega 'u'atemuyemuyegau!’”

Paihowa 11:18

Pita 'ina gwae bewa sihesagoheya ma geya 'idi 'ebe gwaemo, ta Yehoba sihepwatuwe, sigwaeya, “Moisa tuwa, Yehoba tauna 'itagwatagwala taudi tomiya ganamuli 'oidiya 'abehega sinuwabui, ta taudi wete yawasi hataya siloba.”

Paihowa 3:19

Coinega 'ilobwainegomiya wanuwabui ma 'imi puiyao 'i'ewayahuledi, ma lotohona bwebwe'ana waloba Bada tauna 'oinega,

2 Kolinita 12:21

Cigu 'ateyohoina 'abehega 'eguma yatauya hilawa 'oimiya ma Yehoba 'ebedeba mwadina 'i'ebwaegau matamiya, ma taudi mwalo sipuiya, ma 'idi mumuga bi'ibi'ina ta pui ta ganawala 'oidiyega geya wanuwabui, taudi si'abihenuwa mwauwegau, ma weyahidi yada dou.

2 Kolinita 7:9

Coinega taugu yayaliyaya, geya 'imi nuwagala weyahina, ma hesi weyahina 'imi nuwagala 'oinega wanuwabuiya 'imi puiyao 'oidiyega. Cimi nuwagalaina walotohoya 'abehega Yehoba 'oinega 'inaoma, ma geya 'eta wete 'oimiya galana yapaihowa.

Ibeliu 12:17

Ma wanuwatuhuyahi 'abehega tuta muliyetega Iso gwae hemisaina 'inuweya, ta weyahina 'idouwa, ta geya sawasawahina 'i'ewahila, weyahina tasina 'i'ewa pwaiya.