2 Kolinita 6:16 - Loina Nuahuana

¹⁶ Wete geya sowasowahina hali 'ebe hemisao talagu luhuwedi Yehoba 'ina hada 'alona. Yehoba tauna mayawasina ta 'ina hada tauda, ma 'igwaeya, “‘Taugu taudi 'oidiya yalo'asa ma 'alodiya yayawala dadana ma taugu 'idi Yehoba ma taudi 'igu tomotao!’

2 Kolinita 6:16 ပူးပေါင်းရင်းမြစ်များ

Madiu 16:16

Coinega Saimoni Pita 'ihemaiseya 'igwae. “Cowa To'abihetena, Yehoba mayawasina Natuna.”

Madiu 6:24

Topaihowa geya sawasawahina ma 'ihetopaihowa badao 'eluwa 'oidiya, 'aigeda 'ilogwahate ma hesi 'aigeda tuwamo weyahina 'ipaihowa, ma 'oinega 'aigeda 'i'ahwa bwebwe'ane ma 'aigeda 'i'ahwa galagala. Coinega geya sawasawahina ma Yehoba 'ina paihowa ma wasawasa bale'u ta'abiluwedi.

Luke 5:36

Ma wete 'aigeda gwae hegehegedi 'ihe'ote'oteteliya 'oidiya, 'igwaeya, “Geya sowasowahina 'ale'o 'ehauna tupwana ta'ewa ma 'ale'o miyamiyaina tabwabwada. Geya! Ma 'eguma gide, hesi 'ale'o hauhauna tagihegala, ma wete hauhauna tupwatupwanaina 'ale'o miyamiyana geya 'ilobwaine.

Yoni 14:23

Coinega Yesu loheyaina 'enana 'ihemaiseya 'igwae, “Taiyawedi 'omi 'eguma wahelauwegau ma 'igu gwae wamuliyedi, nata Tamagu wete 'ihelauwegomi. Ma 'oinega tauna ba'idagu 'atauyawa 'oimiya ma 'omi ma tauma tamiya hegogona.

Yoni 6:56

Taiyawedi 'omi 'eguma wahigu wa'ewa wa'ai ma bweyahigu wanuma, 'omi 'oiguwa wamiyamiya ma taugu wete 'oimiya yamiyamiya.

Loma 8:11

Ma Yehoba Yaluyaluwanega Yesu 'amasega 'i'abi hetoholo hileya, ma 'eguma 'oimiya 'imiyamiya, nata 'omi Yehoba Yaluyaluwanaina 'oinega yawasi 'ehauna 'i'ebwaya wahimi 'ama'amasidi 'oidiya.

Loma 8:9

Ma 'omi Yehoba Yaluyaluwana 'iloiloinegomi, ta 'oimiya wete 'imiyamiya, eeta waboi 'imi nuwatuhu geya 'ida loinegomiya. Weyahina 'eguma taiya Keliso Yaluyaluwana geya 'oina, tauna geya Keliso 'ina boda.

Loma 9:26

Mwalo Yehoba 'ihegwaediya, 'igwaeya, ‘Comi geya 'igu bodao’, nata bewa sibuihila ta sibwauwedi, sigwae, ‘Taudi Yehoba miyamiya hatayana natunao.’”

1 Kolinita 10:21

Cana 'ita geya bwebwe'ana 'eguma Bada 'ana biyo 'oinega wanumanuma ta 'ina 'ebe'ai 'oinega wa'ai'ai, ma wete Tomudulele 'ina paihowa wapaipaihowadi.

1 Kolinita 6:19

Coinega wanuwatuhuyahi 'abehega wahida Yaluyaluwa Tabuna 'ina hada, weyahina Yaluyaluwa Tabuina Yehoba 'oinega 'itauyama ma 'aloda 'imiyamiya, ma geya'abwa taudamo taloiloinegita, ma hesi Yehoba 'ida loinegita.

Epeso 2:20

Comi wete si'abigomiya, 'oinega tauda gide tuwa hada, ma Yesu Keliso tauna 'ida wahuwahu, tauna 'oina logidi madoudi beno Yesu 'ana tohepwailao ma palopitao,

Epeso 2:22

ma wete 'omi geya meYudiya gide wahe yowayowana, ta 'oimiyega hadaina 'i'abi'abi, ma 'abehega hadaina 'oina Yehoba Yaluyaluwana 'ilo'asa.

Epeso 3:17

ma 'ane wete 'imi hemisega Keliso 'atemiya 'ida miyamiya, ta mumugami mabwaiyana helau tuwa,

1 Timoti 3:15

ma 'eguma yaheheboi, leta bewa 'oinega 'usanapu to mumuga tauda totapwalolo 'ilobwainegita, beno tauda 'ida Yehoba mayawasina 'ina boda 'alona, weyahina tauda tohekalesiyao 'ina he'ita moisa 'ana to'ita'ita yahinao.

2 Timoti 1:14

Ma Yaluyaluwa Tabuna tauna nuwada 'imiyamiya, ta sanapu moisa 'i'ebwae pwaigowa, 'oinega sanapuina 'unuwatuhuyahi.

Ibeliu 3:6

Ma 'iyamo Keliso Yehoba 'ina hada 'ihetapewa, geya topaihowa gide, ta hesi tauna natuna moisa. Tauda taboi Yehoba 'ina hadaina tuwa, 'eguma tahemisa hataya ma'ida 'atepatu ta ma'ida yaliyaya.

Ibeliu 8:10

Bada wete 'igwaeya, 'igwae, ‘Cabwa 'igu loina hauhauna meIsileli nuwadiya yalagudi ma 'atediya yaleledi, ta 'oinega taugu 'idi Yehoba ma taudi 'igu tomotaiyao.

Yemesa 4:5

Coinega sahena Buki He'asisi 'ina hepwaila wa'ahwa'ahwa muhemuheye tutaina 'igwae, “Yaluyaluwaina Yehoba 'ilaguya 'oida nuwanuwana madouna tauda.”

1 Pita 2:5

Coinega 'omi wete gide yowayowana mayawasina, yaluyaluwami watagwaledi, ma 'oimiyega Yehoba 'ina Hada 'ida 'abi, ma nage 'oina wahetopwaoli 'ehaumi, ma Yesu Keliso 'ilemegomi ma yaluyaluwamiyega wahetopwaoli bwebwe'ana Yehoba 'oina.

1 Yoni 4:12

Geya 'eta tuta mebale'u Yehoba sida 'iteya, ma tauda hesi 'eguma tahelau hilegita beno Yehoba mahetedai, ma 'ina helau moisa 'ateda 'imiyamiya.

1 Yoni 4:15

Ceguma taiya 'owa 'u'ahwa moisa 'abehega Yesu tauna Yehoba Natuna, Yehoba 'oiuwa 'imiyamiya ma 'owa tauna 'oina 'umiyamiya.

Heꞌitaꞌita 2:1

Aneloseina totapwalolowedi Epeso 'oina 'i'ita'itayahidi 'ina leta 'ulele meEpesowedi weyahidi, ma 'ugwae: Tetela bewa 'itauyama tauna 'ipwalaedi sebeni nima 'ebeulanega 'i'abi yahidiya, ma mayale sebeni gamwagamwanidiya 'itautauya. Tauna bewa 'ina hepwaila 'oimiya, 'igwaeya,

Heꞌitaꞌita 21:3

Ma wagahata wasawasa 'oinega 'enana madouna yahesagoheya, 'igwaeya, “Cu'ita, Yehoba ma'ina tomotaiyao ba'idanao 'abwa simiyamiya, weyahina tauna ba'idadiu, ma taudi 'ina tomota. Moisa Yehoba tauna ba'idadiu,

Heꞌitaꞌita 21:7

Ma 'eguma taiya 'ihewaiwai Seitani 'oinega, nata yaliyaya yatagwala 'oina ma 'i'ahwa tamanegau, ma tauna ya'ahwa natune.