2 Kolinita 5:11 - Loina Nuahuana

¹¹ Bewa weyahina tauna Badaina 'amatauteya ta tomota 'oidiya 'alohatotowa. Yehoba 'ima mumuga 'isanasanapu ma yanuwatuhu yahiya 'omi wete wasanasanapumai 'abehega bwebwe'ama.

2 Kolinita 5:11 ပူးပေါင်းရင်းမြစ်များ

Madiu 10:28

“Ma taudi wahimi silolohe'amasi sahena wamatamatautedi, weyahina taudi wahimimo sawasawahina ma silohe'amasi, ma yaluyaluwami geya'abwa. Ma hesi Yehoba wamataute, weyahina tauna sawasawahina ma 'asa 'ala'alatana* 'oina wahimi ma yaluyaluwami 'ilohe'amasi luwedi.

Madiu 25:46

Coinega taudi sitauya muya hataya 'oina, ma todumwalu hesi yawasi hataya siloba.”

Luke 12:5

Ma hesi Yehoba wamataute, weyahina tauna ma'ina loina ma 'ilohe'amasa nugetegomi ma muliyetega 'iula suluhegomi 'asa 'ala'alata* 'oina. Moisa tuwa, 'iboinamo wamataute!

Luke 16:31

Ta Ebalahamo wete 'igwaeya, ‘Ceguma Mosese ma palopitao 'idi gwae geya sihemisaedi, geya'abwa wete 'aigeda taiya sihehemisae, bwagana 'eguma 'aigeda to'amasa 'itoholo hila ma 'itauya 'oidiya.’”

Paihowa 13:43

Ta boda hada tapwalolowega sihapwesama, ma tupwadi meYudiya, ma tupwadi Yehoba 'ana tohemisao hali tupwa ma hali tupwa 'oidiyega, Paulo ma Banaba sihemuli tabubudiya, 'oinega Paulo ma Banaba 'oidiya siloguguya ta 'abehega Yehoba 'ina helau si'abiyahi.

Paihowa 18:13

ma sigwae, “Loheyaina bewa tomota 'itebatebaedi ta 'abehega hali tapwalolo Yehoba 'oina sipaihowa, ma bewa 'ida loina 'iligeligehi.”

Paihowa 18:4

Ma Sabati 'aigeda 'aigeda 'oidiya meYudiya 'idi hada tapwalolo 'oina 'igwaegwae toluhuwao ba'idanao, 'itotoho nuwanuwana ma sida hemisa, ma tupwadi meYudiya ma tupwadi wete ganamuli, taudi geya meYudiya, sihemisaeya.

Paihowa 19:26

Ma Paulo 'ina he'ita 'oinega tomota baibaiwadi 'ihe'itediya 'igihe nuwabuidiya, ma 'ina gwaegwae 'abehega Yehoba tomota nimadiyega si'abidi geya Yehoba moisa. Ta bewa gidemusa geya Epesomo 'oina ma hesi tupwa baibaiwadi Esiya 'alona. Ta 'omi wasanapu pwaiya, ma wa'iteya Pauloina 'ina paihowa, 'awa?

Paihowa 26:26

ma nuwatuhuwedi bewa kini Agalipa 'isanasanapudi, ta matana bewa yagwaegwae geya ma'igu debamwadina, ma yasanasanapu ginaula bewa geya 'eta wete 'i'wai'waiha, weyahina bewa geya paihowa dahwana.

Paihowa 28:23

Ma sabwelo siupaeya, ma boda madouna si'eto'autama Paulo 'ina hada, ma gonegonega 'ana siga 'iboi 'oidiya 'iguguya, Yehoba 'ina hetoloina weyahina, ta Mosese 'ina loina 'oinega, ma palopitao 'idi gwaeyao 'oidiyega, 'ihe'itediya Yesu weyahina, ta 'itohoya ma 'abehega 'i'abihe 'asilaladi.

2 Kolinita 2:17

Ma tauma geya gide tolohatoto 'abo'abowao, taudi 'idi wasawasa tuwa weyahina silolohatoto, ma hesi tauma ma'ama hemisa, gide Yehoba 'iloinemaiya, 'oinega tauna matana Keliso tetelina 'agwaegwaene moisa.

2 Kolinita 5:20

Tauma Keliso 'ana tohepwailao ta Yehoba 'oimega 'ilolohatoto 'oimiya, ma Keliso weyahina 'a'ahwanoiyegomi ma Yehoba 'oina wahe'iya'iyagu hila.

2 Kolinita 6:1

Coinega Yehoba ba'idamai 'apaipaihowa, ta 'oimiya 'a'ahwanoi ma sahena 'ina helau wa'ahwa ginaula bwagabwagae,

Galetiya 1:10

Togidega, tomota 'adi hepwatu weyahina yanuwanuwatuhu, bo Yehoba 'ana hepwatu? Ta 'eguma tomota 'idi nuwatuhu yapaipaihowa, geya sawasawahigu ma Keliso weyahina yahetopaihowa.

Epeso 5:21

Cimi he'asisi Keliso 'oina gidemusa wete 'omi waboi wahe'asisi hilegomi, ma loina wahematamatanedi.

Ibeliu 10:31

Sowasowana Yehobaina mayawasina tamataute 'amuge 'iloinaegita.

Ibeliu 12:29

weyahina 'ida Yehobaina 'aiwe ganinisa gide.

Yude 1:23

Tupwadi wete 'asa 'ala'alata deina simiyamiya, watoho ma wa'abihetedi. Tupwadi wete togalagala wa'atemuyamuyaedi ma walemedi, ma 'idi mumuga wamataute, eema mumuga bale'u 'ana tobwatobwao walogwahatedi.

Heꞌitaꞌita 20:15

Ma 'eguma taiyewedi geya sanidi 'ilobaloba yawasida bukina 'oina 'iuledi 'asa 'ala'alata 'oina.