2 Kolinita 4:10 - Loina Nuahuana

¹⁰ Tuta mabwaiyana 'oidiya 'ana 'ita gide wahima si'ama'amasa, gidemusa Yesu 'i'amasa, ma 'oinega tomota si'ita Yesu yawasina 'oima 'ipaipaihowa.

2 Kolinita 4:10 ပူးပေါင်းရင်းမြစ်များ

Yoni 14:19

“Ci'iunamo ma ya'ebesinegomi. Ma hesi mebale'u taudi geya sihemisaegau nata geya'abwa si'ita'ita hilegau. Ma hesiyage 'omi nata moisa wa'ita hilegau mayawasigu yamiyamiya. Beno 'oinega 'omi nata wete yawasi miyamiya hatayana 'oiguwega waloba.

Loma 6:5

Weyahina 'eguma 'ina 'amasaina tauda gidemusa ta'amasa, eema 'ane tatoholo hila gidemusa tauna 'amasega 'itoholo hila.

Loma 6:8

Ma 'eguma tasanapuya 'abehega ta'amasa pwaiya Keliso mahetedai, ee tahemisae ma 'ane mayawasida mahetedai tamiya hataya.

Loma 8:36

Mwauwedi weyahina Yehoba 'ina Bukiya 'aigeda gwae gide 'igwaeya, “Sauga mabwaiyana 'ebe 'amasa 'oina 'amiyamiya, gide guyai bawedi sabi lohe'amasimai, beno 'ino paihowa weyahina.”

2 Kolinita 1:5

Moisa, Keliso 'ana muyao tauma 'alotohodiya, ma 'oinega Keliso 'ina yaliyaya 'i'ebwaemaiya, tauna 'ina yaliyaya gide.

2 Kolinita 1:9

Cana 'ita gide 'ama 'alehaowedi sida lohe'amasimai, ma hesi Yehoba tuwa sowasowahina ma to'amasa 'i'abihe toholodi, ta miyamwauina 'alobeya, 'oinega 'anuwatuhu yahiya 'abehega geya tauma 'ima waiwai, ma hesi Yehoba 'ina waiwai 'oinega 'i'abihetemaiya.

2 Kolinita 13:4

Moisa si'abi hekeloseya gide loheya we'awe'ana, ma hesi Yehoba 'ina waiwaiyega mayawasina 'imiyamiya. Tauma wete wahima we'adi tauna wahina gide, ma Keliso yawasina 'oinega sowasowahima 'aloinegomi, Yehoba 'ina waiwaiyega.

2 Kolinita 4:11

Moisa, mayawasima tuta bewa bale'uwa, ma Yesu weyahina tuta mabwaiyana 'oidiya 'ama 'alehao silolohe 'amasimai ma hesi Yesu yawasina 'wapima we'awe'adi 'alodi 'ihehetapewa.

Galetiya 6:17

Bewa tuwa ma tuta 'inaonaoma 'oidiya geya'abwa wete 'eta taiya 'igihe 'wate'wategau, weyahina wahiguwa Yesu 'ina 'ila'ilala simiyamiya, beno weyaedi yalobediya 'ina paihowa 'oina.

Kolose 1:24

Coinega sauga bewa 'agu muya yalobaloba 'omi weyahimi, ma tuwa ma'igu yaliyaya. Taugu wahigu 'ina muya ma Keliso 'ina muya 'ilohegogoneya ta 'imadouwa, tohekalesiyao weyahidi, beno taudi Keliso wahina.

2 Timoti 2:11

Gwae bewa gwae moisa 'abehega: “Ceguma Keliso ba'idada ta'amasa, 'abwa wete ba'idada yawasida bwebwe'ana taloba.

1 Pita 4:13

ma hesi wayaliyaya, ma wete wanuwatuhu 'abehega Yesu Keliso muya 'ilobeya, eeta 'omi gidemusa tuwa waloba 'ese, ma muliyetega tutaina 'ina wasawasa 'ihapwesama wayaliyaya madou hedada.

1 Pita 4:14

Ma 'eguma tomota si'ahwa galagalaegomi 'imi hemisa Keliso 'oina weyahina, wayaliyaya tuwa, weyahina Yehoba yaluyaluwana 'asi'asilalaina 'oimiya 'imiyamiya.

Heꞌitaꞌita 1:17

Ya'iteya ma 'ahena yabe'uwa gide tuwa ya'amasa. Coinega nima 'ebeulanega 'oiguwa 'i'abiya ma 'igwaeya, “Sahena 'umatamatauta, weyahina taugu 'ebe hegaina ma 'ebe losaloha.