2 Kolinita 3:8 - Loina Nuahuana

⁸ Coinega tasanapuya 'abehega loina hauhauna Yaluyaluwa Tabuna 'oinega 'ina wasawasa madou hedade 'asilalaina.

2 Kolinita 3:8 ပူးပေါင်းရင်းမြစ်များ

Yoni 1:17

Yehoba 'ina loina Mosese 'oinega silatuwa. Ma hesi helau moisa ma mumuga bwebwe'adi Yesu Keliso 'oinega silatuma.

Yoni 7:39

Yesu 'ihehegwaegwae Yaluyaluwa Tabuna weyahina, ma muliyetega 'abwa 'ana tohemisaowedi Yaluyaluwa Tabuna 'oidiya 'iluhu. Tutaina beno 'oina, Yaluyaluwa Tabuna 'abwa geya tomota 'oidiya 'iluhu, weyahina Yesu 'abwa geya 'ihane 'ina 'ebeloina 'oina.

1 Kolinita 3:16

Eema wanuwatuhuyahi 'abehega tauda Yehoba 'ina Hada He'asisi, weyahina Yehoba Yaluyaluwana 'oida 'imiyamiya.

2 Kolinita 11:4

Coinega 'eguma taiya 'itautauyawa ma Yesu tetelina 'oimiya 'ilohatotowe ma geya tauma 'ima lohatoto gide, tauna 'oina watagwa tagwalegomi. Comi wasa bwebwe'ana 'oina watagwala pwaiyegomiya ta Yaluyaluwa Tabuna 'oimiya walotohoya, ma tuwa hali tetela ma hali yaluyaluwa 'oidiya watagwa tagwalegomi.

2 Kolinita 3:17

Ma Bada tauna Yaluyaluwa, ma Badaina Yaluyaluwana 'ada tolihasa.

2 Kolinita 3:6

ma sowasowahina 'ina loina hauhauna weyahina 'ahehetopaihowa. Loinaina hauhauna geya lelelelena, ma hesi Yaluyaluwa Tabuna 'oinega, weyahina loina lelelelena 'amasa 'i'ebwaegita, ma tuwa loinaina Yaluyaluwa Tabuna 'oinega yawasida miyamiya hatayana 'i'ebwaegita.

2 Kolinita 3:7

Ma loina miyamiyana 'amasa weyahina, ma dimwa tabatabadi 'oidiya silelediya ta Yehoba Mosese 'i'ebwaeya, 'asilala madouna 'alona, ta Mosese manina 'oinega 'asilala 'isaesae ma tupwana 'imiya 'amana, ma 'oinega wete 'isawala, ma tutaina Mosese manina 'isaesae meIsileli geya sowasowahina ma si'ebubu.

2 Kolinita 3:9

Loina miyamiyana 'oinega tomota yatala siloba ma hesi loina ma'ina wasawasa 'asi'asilalana. Loina hauhaunaina mumuga dumwaluna 'i'ebwaegita ta 'ina wasawasa 'asilala hedade.

Galetiya 3:14

Ma Yesu Keliso 'oinega taudi hali boda 'asa ganamuli tomotaedi yaliyaya siloba, gidemusa yaliyayaina Yehoba 'igwae hemisaeya Ebalahamo 'oina, 'abehega mabwaiyada 'ida hemisega to'aha Yehoba 'igwae hemisaeya 'i'ebwaegita, beno Yaluyaluwa Tabuna.

Galetiya 5:5

Weyahina tauda Yehoba tahemisaeya ma 'abehega 'i'ahwa bwebwe'anegita. Bewa 'ida nuwatuhuyahina Yaluyaluwa Tabuna 'oinega, eeta tauna weyahina tayamwayamwa.

Epeso 2:18

Eeta tauna 'oinega, 'omi ma tauma Yaluyaluwa 'aigeda 'oinega 'itoegita Tamada 'oina.

2 Tesalonaika 2:13

Ciyamayao, 'ida Bada 'ihelauwegomiya, weyahina tuta nugeta 'oina 'ihesinuwegomiya ma 'ane Yaluyaluwa Tabuna 'oinega 'i'abihe 'ehaugomi, ma tetela moisa wahemisae 'ami 'abihetena weyahina, 'oinega sowasowana tuta mabwaiyana weyahimi 'aloyauwedo Yehoba 'oina.

1 Pita 1:2

Comi mwalo Yehoba 'inuwatuhugomiya ma 'ane 'ihesinuwegomi 'ina tomotaiyao, eeta 'ina Yaluyaluwa Tabuna bo'i 'igihe'ehau hilegomiya, beno Natuna bweyahinega, ma 'abehega Yesu Kelisoina 'enana wahematamatane. Sowasowana helau ma nuwadaumwala simadou 'oimiya.