2 Kolinita 3:18 - Loina Nuahuana

¹⁸ Coinega geya 'aigeda 'ahubodaboda manida 'imiyamiya, ma Bada 'ina wasawasa 'asi'asilalana 'oina ta'e'ebubuna, ta tupwana ma tupwana 'ibuibuigita tauna 'ana 'ita 'asi'asilalana gide. Paihowa bewa Badaina 'oinega, tauna yaluyaluwa tuwa.

2 Kolinita 3:18 ပူးပေါင်းရင်းမြစ်များ

Yoni 1:14

Ma Gwae huhuna 'iheloheya, ma bewa tuwa mahetedai tamiyamiya. Ma 'ina wasawasa madou hedadena 'i'abi hemaedaneya 'oima ta 'a'iteya, 'oinega 'asanapuya 'abehega tauna tuwa Yehoba natuna moisa, ma wete tauna tohelau moisa, wete mumugana mabwaiyana bwebwe'ana.

Yoni 12:41

Aiseya gwae bewa 'i'inaneya weyahina Yesu 'ina hewaiwai 'isanapu nugeteya 'oinega weyahina 'ihepwaila nugeta.

Yoni 17:22

Mwalona 'ino wasawasaina bwebwe'anaina 'u'ebwaegauwa, taudi wete gide ya'ebwae pwaidiya, ma 'oinega mabwaiyadi sida heboda 'aigeda. Gidemusa 'owa ma taugu 'aigeda.

Yoni 17:24

“Tamagu, tomotaedi 'u'ebwaegauwa, nuwanuwagu ma 'asainaina 'oina yatautauya taudi wete 'asainaina 'oina mahetegwao 'ada miyamiya ma 'oinega 'igu wasawasaina 'u'ebwaegauwa nage 'oina si'ita. Weyahina muliyetega ma bale'u bewa 'upaihoweya, taugu 'uhelauwe nugetegauwa.

Loma 12:2

Sahena bale'u mumugana 'oina watagwa tagwalegomi, ma hesi wahimi mabwaiyana watagwaledi Yehoba 'oina. Coinega 'imi nuwatuhuwao Yehoba 'i'abi hehauhaudi, ma 'ina nuwatuhu bwebwe'adi ta yaliyaliyayadi ma dumwadumwaludi wasanapudi.

Loma 13:14

Sahena bale'u mumugana weyahina tanuwanuwatuhu, ma hesiyage 'ida Bada Yesu Keliso mumuganega tatauya.

Loma 8:29

Eeta taiyawedi tauda 'ibwauwe pwaigita, beno 'igwae hemisegita ta tauda natunao, gide tuwa natunaina, eeta tauna 'ada tautuwa ma tauda 'ana 'alomauwao.

Loma 8:4

Ma bewa tutaina sowasowahida loina bwebwe'ana tamuliye, beno Yehoba Yaluyaluwana 'ina 'abihetenega, ma geya tomota mumugadiyega.

Loma 8:7

Ta 'eguma bale'u mumugana tahematamatane beno Yehoba talolo'aleha, eema geya wete sowasowahida ma Yehoba 'ina loina tamuliye,

1 Kolinita 13:12

Bewa tuwa 'ida sanapu geya madouna, gide 'alu'aluwa nuwana 'ainuwadawada gidemusa, ma hesi 'abwa 'ana moisa 'ida hapwesa 'oida. Ma taugu sanapu tupwana tuwa yasanapuya, hesi 'abwa mabwaiyana yasanapu, gidemusa bewa tuwa Yehoba 'isanapu bwaibwainigauwa.

2 Kolinita 3:17

Ma Bada tauna Yaluyaluwa, ma Badaina Yaluyaluwana 'ada tolihasa.

2 Kolinita 4:4

Taudi geya sihemisa, weyahina bale'u bewa 'ina bada 'i'abihegibu pwaidiya, ma 'oinega 'asilala sahena si'ita'ita, beno Keliso 'ina wasawasa tetelina, tauna 'ana 'ita Yehoba gidemusa.

2 Kolinita 4:6

Weyahina Yehobaina 'igwaeya, “Guguyou 'oina 'asilala 'ida saehane,” ma Yehoba 'atema 'isaesaehane, 'oinega tauna 'ina 'asilala Keliso manina 'a'ita'ita.

2 Kolinita 5:17

ma hesi wanuwatuhuyahi 'abehega taiya Keliso 'oina 'imiyamiya, tauna 'ihetomota hauhauna. Cina mumuga miyamiyaina 'igumwala pwaiya, ma hauhauna 'ilatuwa.

Galetiya 6:15

Moisa, 'wapi 'upwa geya ginaula madouna, ma 'eguma geya ta'upwa beno wete geya ginaula madouna. Ginaula madouna 'aigeda tuwamo, 'eguma Yehoba Yaluyaluwana 'igihe'ehaugita.

Kolose 3:10

Ta mumuga 'ehauna walobeya, weyahina 'ada topaihowaina sauga mabwaiyana 'i'abihe 'ehaugita, ma 'ane tauna wasanasanapu ma mumugana wahe'au'aunaowe.

1 Timoti 1:11

He'ita dumwalunaina Yehoba 'oinega, tauna 'iboi 'asilala ma yaliyaya huhuna, ma 'igu paihowa 'i'ebwaegauwa wasana yaguguyae tomota 'oidiya.

Taito 3:5

ta 'i'abihetegita, geya 'ida paihowa dumwaludi weyahidi, ma hesi tauna 'ina 'atemuyemuyega, 'oinega 'ina Yaluyaluwa Tabuna 'oinega 'ida pui 'ibuyodiya, ta 'i'abihe 'ehaugita, ta yawasida 'ehauna 'i'ebwaegita.

Yemesa 1:23

Weyahina 'eguma taiya 'ihesagohamo ma geya 'ida paihowa, tauna gide loheya 'aigeda gelasi 'oina manina 'i'iteya,

1 Yoni 3:2

Ciyagwao, bewa tuwa Yehoba 'i'ahwa natunegita ma muliyega to'aha 'ihapwesa 'oida? Beno tuwa tasanapu 'abehega 'ina hilama 'oina 'abwa 'ana 'ita tauna ta'ita, ma tauda 'ada 'ita 'ilagu buidi ma tauna gidemusa.