2 Kolinita 13:5 - Loina Nuahuana

⁵ Coinega waboi watohogemi, togidega Keliso 'ana hemisa wa'abiyahiya, bo geya. Togidega, wasanapuya 'abehega Keliso 'atemiya 'imiyamiya, ma 'eguma geya, beno weyahina geya 'imi hemisamo.

2 Kolinita 13:5 ပူးပေါင်းရင်းမြစ်များ

Yoni 14:23

Coinega Yesu loheyaina 'enana 'ihemaiseya 'igwae, “Taiyawedi 'omi 'eguma wahelauwegau ma 'igu gwae wamuliyedi, nata Tamagu wete 'ihelauwegomi. Ma 'oinega tauna ba'idagu 'atauyawa 'oimiya ma 'omi ma tauma tamiya hegogona.

Yoni 15:4

Comi 'oiguwa wamiyamiya ma taugu wete 'oimiya yamiyamiya. Comi 'eguma geya'abwa 'oiguwa wamiyamiya nata geya'abwa huwaimi bwebwe'adi silagulagu. Ceda 'aigedanaina wete gide, 'eguma 'aiwe madouna laganao 'oinega simiyawasi nata laganaowedi geya huwaidi bwebwe'adi silagulagu.

Yoni 17:23

Taugu moisa 'oidiya yamiyamiya ma 'owa wete gide 'oiguwa 'umiyamiya, ma 'oinega sida heboda 'aigeda bwaibwaina. Ma 'oinega mebale'u si'itadi ma sida sanapugau 'abehega 'owa moisa 'uhesumanegauma. Ma wete sisanapugo 'abehega moisa 'uhelauwediya gidemusa 'uhelauwegauwa.

Yoni 17:26

Coinega mumugau yahe'ita pwaiyeya 'oidiya, ma 'abwa nata wete yahe'ite hiladi, ma 'oinega 'ino helauina 'ateguwa 'imiyamiya taudi 'atediya wete gidemusa 'ida miyamiya, ma taugu wete 'oidiya yada miyamiya.”

Yoni 6:56

Taiyawedi 'omi 'eguma wahigu wa'ewa wa'ai ma bweyahigu wanuma, 'omi 'oiguwa wamiyamiya ma taugu wete 'oimiya yamiyamiya.

Yoni 6:6

Hesilala bewa 'oinega Pilipi 'itohoya, ma hesi Yesu 'isanapu nugeteya to'aha nata 'ipaihowa.

Loma 1:28

Bewa 'oinega Yehoba 'ana nuwatuhu geya nuwadi, eeta Yehoba 'itagwalediya ma nuwatuhu galadi 'ilohemahadi, ma ginaulaedi geya 'adi lobwaina tuwa sipaihowadi.

Loma 8:10

Ta moisa wahidaedi 'ama'amasidi mumuga galana 'ina loinega, ma 'eguma Keliso 'oida beno yaluyaluwada geya sowana si'amasa, ma hesi mayawasidi simiya bwebwe'ana, weyahina 'i'abi hedumwalu pwaigita.

1 Kolinita 11:28

Ceguma nuwanuwada ma Bada 'ina 'ai ta'ai, nugeta mumugada weyahina tanuwatuhu, ma wete tada 'abihe dumwalugita, ma muliyetega 'e'ahaiina ta'ai, ma wete biyoina 'oinega tanuma.

1 Kolinita 11:31

Cilobwainegita ma mumugada tauda ta'abihe bwebwe'anedi tabu ta Yehoba 'iloinaegita.

1 Kolinita 3:16

Eema wanuwatuhuyahi 'abehega tauda Yehoba 'ina Hada He'asisi, weyahina Yehoba Yaluyaluwana 'oida 'imiyamiya.

1 Kolinita 6:15

Wahida beno Keliso yahuna, 'oinega geya'abwa taiya 'owa toganawala maheteu wamumuga galagala.

1 Kolinita 6:19

Coinega wanuwatuhuyahi 'abehega wahida Yaluyaluwa Tabuna 'ina hada, weyahina Yaluyaluwa Tabuina Yehoba 'oinega 'itauyama ma 'aloda 'imiyamiya, ma geya'abwa taudamo taloiloinegita, ma hesi Yehoba 'ida loinegita.

1 Kolinita 6:2

Wanuwatuhuyahi 'abehega tauda Yesu 'ana tohemisao muliyetega ginaula baibaiwadi tada loinaedi, 'oinega sawasawahimi ma ginaula 'i'iudi yatala 'oidiya waloinaedi.

1 Kolinita 9:24

Wanuwatuhuyahi 'eguma hepili 'oina mabwaiyadi sihehepili, ma hesi 'aigeda tuwa 'oidiyega 'inugeta, 'oinega 'ilobwainegita ma tatoho waiwai ma tanugeta.

1 Kolinita 9:27

Coinega wahigu yaloina pa'ale ma 'oinega sahena yamumuga besobeso, tabu ta 'igu guguya hali tomota 'oidiya mulina taugu yabe'u.

2 Kolinita 6:16

Wete geya sowasowahina hali 'ebe hemisao talagu luhuwedi Yehoba 'ina hada 'alona. Yehoba tauna mayawasina ta 'ina hada tauda, ma 'igwaeya, “‘Taugu taudi 'oidiya yalo'asa ma 'alodiya yayawala dadana ma taugu 'idi Yehoba ma taudi 'igu tomotao!’

Galetiya 2:20

Moisa, Keliso mahetegu si'abihe kelose pwaimaiya, 'oinega 'ama'amasigu, ma geya taugu yawasiguwega ma hesi Keliso yawasina 'oiguwa 'imiyamiya. Beno tuwa yamiyamiya, yawasiguina lamuna beno 'igu hemisa Yehoba Natuna 'oina. Weyahina Yesuina 'ina helauwega tauna 'itagwaleya ta weyahigu 'i'amasa.

Galetiya 4:19

Natugwao, tuta mabwaiyana 'imi 'italohihila weyahidi 'ategu 'imuyamuya, eema 'ana siga Keliso 'oimiya 'ilatu hila, ma 'atemiya 'ida miya, ma 'oinega 'agu lotohona 'ida bwebwe'ana hila.

Galetiya 6:4

Coinega 'ilobwainegomiya ma 'aigeda 'aigeda 'iboi 'ina paihowa 'ida toho ma 'isanapu mane paihowa bwebwe'ana ma mane galana, 'oinega 'eguma bwebwe'ana, 'ana hepwatu 'iboi 'ina nuwatuhu 'ana lotohona 'oinega, ma geya 'iyana 'aigeda 'ina gwae 'oinega.

Epeso 3:17

ma 'ane wete 'imi hemisega Keliso 'atemiya 'ida miyamiya, ta mumugami mabwaiyana helau tuwa,

Kolose 1:23

Beno 'eguma 'imi hemisa sahena 'iwe'awe'a, ma 'eguma watoholo pa'ala wasaina bwebwe'anaina wahesagoheya 'ana hemisa 'oina, ma sahena wa'ebe'ebesine. Wasaina 'ana lohatoto tomota mabwaiyadi bale'uwa sihesagoha pwaiya, ma taugu Paulo 'ana tohepwaila 'aigeda.

Kolose 1:27

Weyahina Yehoba nuwanuwana ma sanapu bewa mwalo dahwadahwaina ma bwebwe'ana hedade, 'abehega 'ilagulatuhe 'omi ganamuli 'oimiya, beno Keliso nuwamiya 'imiyamiya, ma tauna 'oinega wanuwatuhuyahi 'abehega tupwa wasawasa 'oina waluhu.

Kolose 2:19

Ma hesi Keliso 'ana nuwatuhu geya 'oidiya, tauna debada, ta tauda yahinao gide nimana nana 'ahena, wahina 'aigeda tuwa. Wahinaowedi sipaipaihowa 'aigeda wahi 'ana bwebwe'ana weyahina ma 'imadomadou, ta 'ana madouina Yehoba 'ina paihowega.

Kolose 2:7

Weyahina Kelisoina 'imi hemisa huhuna, ta 'ana 'abihemadou, ta 'ana 'abihepa'ala, gide 'ahe'itegomiya, ma weyahina waloyauwedo madouna.

1 Timoti 2:15

Ma bewa tutaina 'oina wahiwahine 'idi tuta henatuna 'oina, Yehoba sawasawahina 'i'abihetedi, 'eguma ma'idi hemisa, ma wete ma'idi helau, ma mumugadi 'ehauna, ta dumwaluna.

2 Timoti 3:8

Tomotaedi he'ita moisa silo'aleheya, gide taudi mwalo Yanisi ma Yamilisi Mosese silo'aleheya, ta 'adi 'ita gide taudi tohemisa ma 'atediya 'abo ma nuwatuhu galadi simiyamiya.

Taito 1:13

Palopitaina 'ina gwae bewa moisa, 'oinega 'uheliyedi ma sinuwabui ma sihemisa moisa.

Taito 1:16

Taudi sigwae 'abehega Yehoba sisanapuya, ta 'idi paihowa 'oinega Yehoba siuhaleya, weyahina taudi togala ma wete loina 'ana tosinala, 'oinega paihowa bwebwe'ana geya 'eta 'adi lobwaina.

Taito 2:2

Ma babadaedi 'uhegwaedi sahena sinumanuma yauyaule we'aha galana, ma sahena wete siyaliyaliyaya besobeso, ma hesi Yehoba sihemisa moisa, ma helau ta 'alama'i'ita 'oidiyega simaha.

Ibeliu 12:15

Wa'itayahigomi 'amuge nata 'oimiyega taiya Yehoba 'ina helau geya'abwa 'ilobaloba. Ma sahena 'aigeda taiya 'oimiyega 'ihegaina ma 'imumuga galana, 'amuge ta baibaiwadi simuliye.

Ibeliu 4:1

Cina gwae hemisaina 'abwa 'imiyamiya 'abehega 'ina 'ebe 'aiyawasi tauna 'oinega taloba, eeta 'ilobwainegita ma tamatauta 'amuge ta tupwami wabe'u ma sahena walobaloba.

Ibeliu 6:8

Ta hesi 'eguma bale'uina 'oina 'awata ma talitali sibwala, bale'uina ma'ana heliya Yehoba 'oinega, ta tuinenamo 'ilobwaineya.

Yemesa 4:4

Comi tohemisa 'abo'abowao! Ceguma bale'u mumugaina wahelauweya, beno Yehoba walo'aleheya, weyahina 'eguma taiya bale'u mumugaina nuwanuwana, tauna Yehoba 'ana 'aleha.

1 Pita 5:9

Ma geya'abwa wamatamatauta, ma hesi 'imi hemisa 'oina watoholo pa'ala, weyahina wasanapuya 'abehega 'iyadao taudi Yesu 'ana tohemisao mwauwedi silobalobadi tupwa mabwaiyana 'oidiya.

Heꞌitaꞌita 2:5

Mwalo bwebwe'ami, ma wanuwatuhu ta'eha 'oinega wabe'uwa, 'oinega wanuwabui hila ma wapaihowa bwebwe'ana, gide mwalo. Ma 'eguma 'abwa geya wanuwabui, nata yatauyawa 'oimiya ma 'imi mayale 'oimiyega ya'ewa yahule.