2 Kolinita 12:6 - Loina Nuahuana

⁶ Ma hesi 'eguma to tuta yagwae gagasa, beno gwae moisa ma geya gwae yauyaule. Ma tuwa sahena yagwaegwae gagasa, weyahina nuwanuwagu ma wanuwanuwatuhu to'aha 'igu paihowa wa'itediya, nuwana 'igu gwae wahesagohediya, bewa namo weyahidi, ma sahena to'aha wete weyahigu.

2 Kolinita 12:6 ပူးပေါင်းရင်းမြစ်များ

Loma 9:1

Ciyagwao, geya ya'abo, nuwagu 'igala moisa 'igu susuwao meIsileli weyahidi, ma tuta mabwaiyana 'ategu 'imuyamuya weyahidi, weyahina Keliso geya sida hemisaeya. Cigu gwae bewa Keliso ma Yaluyaluwana Tabuna sisanasanapu 'abehega yagwaegwae moisa.

1 Kolinita 3:5

Togidega taugu ma Apolosa weyahima wahehe'ohe'ohe? Tauma topaihowa tuwa, 'ida Bada weyahina. Cida Badaina 'ima paihowa 'i'ebwaemaiya hagadi ma hagadi 'apaipaihowadi, ma 'oinega 'omi Keliso wahemisaeya.

2 Kolinita 1:18

Gide tuwa Yehoba 'ina gwae moisa, taugu wete 'igu gwae 'oimiya gwae moisa, ma sahena yatagwatagwala 'abo'abo.

2 Kolinita 11:16

Yada hegwaegomi wete sahena wa'ahwa'ahwa yauyaulegau, ma 'eguma wa'ahwa yauyaulegau tuwa, 'ausala, ma 'igu gwae yauyaule wahesagohe, ma 'oinega tupwana yada gwae gagasa.

2 Kolinita 11:31

Yehoba tauna 'ida Bada Yesu tamana tada hepwatuwe hataya, ma tauna 'isanasanapugau 'abehega 'igu he'ote'otetela bewa gwae moisa.

2 Kolinita 12:11

Moisa, 'omi 'imi gwae weyahina yahepwaila pwaiya gide yauyauleigu. Cilobwainegomiya wa'ahwa bwebwe'anegau, ma hesi wa'ahwa galegalegauwa, eeta 'imi tohepwailao hauhaudi wa'ahwa bwebwe'anediya.

2 Kolinita 12:7

Ma Yehoba geya nuwana ma yanuwahane 'igu 'eno'ita'ita bwebwe'adi weyahidi. Coinega ginaula 'aigeda Seitani 'oinega 'i'ebwaegauwa, ta 'alogu 'ana lotohona gide ma'ana 'aliliya, ta yanuwanuwagala, ma geya sowasowahigu yanuwahane.

2 Kolinita 5:13

Ceguma 'ima gwae bewa gide gwae yauyaule beno Yehoba weyahina, ma hesi 'eguma 'ima gwae dumwaluna beno 'omi weyahimi.

2 Kolinita 7:14

Mwalo Taito 'imiyamiya ta yahepwatuwegomiya, ma Taito matanega 'i'ita pwaiya, 'oinega geya wete 'ebe debamwadina 'oiguwa. Ma hesi 'igu gwae mabwaiyana 'omi weyahimi 'ana moisa 'ilatu pwaiya.