2 Kolinita 12:14 - Loina Nuahuana

¹⁴ Tuta 'i'iuna ma yatauyawa 'oimiya. Mwalo sauga 'eluwa yahabo'enegomiya, ma bewa nata hetoina yatauya, ma sahena 'aigeda wete mwau yalagulagu 'oimiya 'agu lema weyahina, ma hesi 'omi tuwa nuwanuwagu, ma geya nuwagu 'imi tobwatobwa. Gwagwama geya lema sida 'ebwaediya tamadiyao 'oidiya, ta tamadiyao hesi si'e'ehele natudiyao 'oidiya, 'oinega taugu 'ilobwainegauwa ma 'omi natugwao 'oimiya yada 'e'ehele.

2 Kolinita 12:14 ပူးပေါင်းရင်းမြစ်များ

Paihowa 20:33

“Mwalo taugu ba'idamiu tamiyamiya, geya nuwanuwagu 'imi wasawasao, nuwana mane, nuwana 'ale'o 'ausaladi,

1 Kolinita 10:24

Cilobwainegita ma paihowaedi tapaihowadi 'iyadao 'adi lema weyahina ma hesi sahena taboidamo 'ada lema weyahina.

1 Kolinita 10:33

Gidemusa taugu yatohotoho ma 'abehega sahena taugu 'igu nuwatuhuwega yapaipaihowa, ma hesi to'aha tomota 'idi nuwatuhu gide tuwa yapaihowa 'esa, ma siyaliyaya, ta 'oinega 'adi lema siloba Yehoba 'oinega.

1 Kolinita 11:34

Ma 'eguma taiya 'igomale, 'ina hada nobwa 'i'ai nugeta, ta 'oinega gesowana 'i'ai'ai hedade tapwalolo 'alona, tabu ma Yehoba 'igamwasowalegomi 'imi tapwalolo 'ana 'ita galana weyahina. Beno tuwa, loinaina weyahina. Ma hesi tupwana 'ami loina wete simiyamiya. Ceguma tutaina yanaowa loinaedi wete ya'abihe dumwaludi 'oimiya.

1 Kolinita 16:5

Bewa tuwa nuwanuwagu ma yatau Masidoniya ma muliyetega yanaowa 'oimiya,

1 Kolinita 4:19

Geya! Ma hesi 'eguma 'ida Bada 'itagwala, 'abwa yalomwayamwayau ma yanaowa 'oimiya, ma taudi togagasaedi yatohodi geya 'abehega 'idi gwaemo 'oidiyega ma 'idi paihowao wete ya'itadi, waiwaidi bo we'awe'adi.

1 Kolinita 9:12

Hali tohepwailao wahe'aidi, 'oinega 'ilobwainegomiya ma wete wahe'aimai. Tuwa 'a'alama'i'ita madouna, weyahina tabu ta 'ahohopa'ala 'oimiya ma Keliso tetelina walogwahate.

1 Kolinita 9:18

Beno tuwa yayaliyayamo weyahina tetela bwebwe'ana helauwega ya'ebwaegomi, ma hesi sahena yanuwanuwatuhu maisa weyahina.

1 Kolinita 9:19

Ta sahena wete tomota 'agu loina silagulagu ma hesi tomota mabwaiyadi weyahidi yapaihowa ma yada 'abihetedi.

2 Kolinita 1:15

Comi yasanapugomiya 'imi hemisa 'oima, 'oinega mwalo nuwanuwagu yahabo'enegomi maluwa ma 'ane yaliyaya waloba.

2 Kolinita 11:9

Wete tutaina 'imi tupwa yamiyamiya ma yagomagomale geya yada 'ahwanoiya 'oimiya, ma hesi tupwana tasidao Masidoniya 'oinega sitauyama ta lema si'ebwaegauwa; weyahina geya nuwagu ma mwau 'oimiya yalagu 'agu 'e'ahai weyahina. Mwalo geya 'aigeda mwau 'oimiya yalagu, ma tuta sinaonaoma 'oidiya wete sahena yalagulagu.

2 Kolinita 12:13

Wete 'igu paihowa weyahimi tuwa gide 'igu paihowa hekalesiyao mabwaiyadi weyahidi, ma 'aigedamo ginaula geya 'oimiya yapaihowa, 'agu lema mane ya'ewa'ewa hekalesiyao baibaiwadi 'oidiyega, ma 'omi 'oimiyega geya. Ciyagwao, ya'ahwanoi 'oimiya ma 'igu pui bewa wanuwasam.

Galetiya 4:19

Natugwao, tuta mabwaiyana 'imi 'italohihila weyahidi 'ategu 'imuyamuya, eema 'ana siga Keliso 'oimiya 'ilatu hila, ma 'atemiya 'ida miya, ma 'oinega 'agu lotohona 'ida bwebwe'ana hila.

Pilipai 4:1

Ciyagwao nuwagu wa'eweya moisa, ta yahelauwegomiya, ma 'abehega 'omi 'igu 'ebe yaliyaya moisa, nuwanuwagu ma loguguyaedi wamuliyedi, ma 'oidiyega watoholo pa'ala, 'ida Bada weyahina, ta tauna mahetemiu.

Pilipai 4:17

Cigu gwae bewa geya 'abehega nuwanuwagu 'ehele wada 'ebwaegau, ma hesi 'abehega 'imi 'ehele huwaina 'oimiya 'ida madou, 'ami lema moisa weyahina.

1 Tesalonaika 2:11

Weyahina mabwaiyami 'a'itayahigomiya, gide tuwa loheya natunao 'i'ita'itayahi 'esedi.

1 Tesalonaika 2:8

Ma nuwama wa'eweya, 'oinega ma'ima tagwala 'oimiya Yehoba tetelina 'ahepwaileya, ma wete taumamo 'atagwalemaiya, ma 'ahe'iya'iyagu bwaibwainigomiya.