2 Kolinita 11:7 - Loina Nuahuana

⁷ Mwalo Yehoba wasana 'oimiya yalohatotoweya, ma geya 'eta maisa weyahina yagwaegwae 'oimiya, 'oinega wanuwatuhuya yalopuiya weyahina taugu ya'abi suluhegauwa ma 'abehega 'omi wahane.

2 Kolinita 11:7 ပူးပေါင်းရင်းမြစ်များ

Paihowa 20:33

“Mwalo taugu ba'idamiu tamiyamiya, geya nuwanuwagu 'imi wasawasao, nuwana mane, nuwana 'ale'o 'ausaladi,

Paihowa 20:34

ma hesi wasanapu pwaigauwa 'abehega taugu 'igu paihowega 'aguwa ta 'igu tobwatobwa yalobedi, ta 'igu 'ali'eyao wete ya'abi'abihetedi.

Loma 1:1

Taugu Paulo, Yesu Keliso weyahina yahetopaihowa. Yehoba 'ihesinuwegauwa 'abehega tetelina bwebwe'ana weyahina yahetohepwaila.

1 Kolinita 9:12

Hali tohepwailao wahe'aidi, 'oinega 'ilobwainegomiya ma wete wahe'aimai. Tuwa 'a'alama'i'ita madouna, weyahina tabu ta 'ahohopa'ala 'oimiya ma Keliso tetelina walogwahate.

1 Kolinita 9:6

Taugu ma Banaba geya hesi 'oima gidemusa wada paihowa 'esa. Tauma 'aboi 'a'ita'ita yahimai, 'ima paihowa 'ana maisa 'oidiyega.

2 Kolinita 10:1

Taugu Paulo ya'ahwa'ahwanoi 'oimiya, gide Keliso 'ina mumuga nuhana 'oinega, weyahina 'omi wagwaeya, “Paulo 'ina mumuga nuhana 'eguma ba'idadai tada hegwaegwae, ma hesi bwagega 'iheliyegita.”

2 Kolinita 10:16

'oinega nuwanuwagu wasa bwebwe'ana yalohatotowe taudi 'asa bwagabwaga 'oidiya, ma hesi gesowana yagwaehane 'eguma yapaihowa tuwa taudi wasa bwebwe'ana sihesagoha pwaiya 'oidiya.

2 Kolinita 12:13

Wete 'igu paihowa weyahimi tuwa gide 'igu paihowa hekalesiyao mabwaiyadi weyahidi, ma 'aigedamo ginaula geya 'oimiya yapaihowa, 'agu lema mane ya'ewa'ewa hekalesiyao baibaiwadi 'oidiyega, ma 'omi 'oimiyega geya. Ciyagwao, ya'ahwanoi 'oimiya ma 'igu pui bewa wanuwasam.

2 Kolinita 2:12

Mwalo yatauya Tilowasi, Keliso tetelina sabi lohatotoina, ma Yehoba 'eda bwebwe'ana 'iso'eya, 'igu lohatotoina weyahina,

1 Tesalonaika 2:9

Ciyamayao, wanuwatuhuya mwalo 'ima paihowa 'oimiya, sabwelo ma nihuwana 'oidiya 'apaipaihowa sinabwana, ta 'oinega taumamo 'ahehe'aimai, ma wete Yehoba tetelina 'ahehepwaila 'oimiya, weyahina geya nuwama 'ami mwau 'alagu 'ama 'itayahina weyahina.

2 Tesalonaika 3:8

Gide wete tauma 'aboi 'amega 'ahehe'aimaiya, nihuwana ma sabwelo 'oidiya 'apaipaihowa. Weyahina geya nuwama ma 'ami mwau 'alagulagu, 'e'ahai weyahina.