2 Kolinita 11:22 - Loina Nuahuana

²² Ceguma taudi meIbeliu, taugu gide. Ceguma taudi Isileli 'ina susuwao, taugu gide. Ceguma taudi Ebalahamo tubunao, taugu gide.

2 Kolinita 11:22 ပူးပေါင်းရင်းမြစ်များ

Madiu 3:9

Ma sahena wanuwanuwa hane 'abehega 'omi Ebalahamo tubunao ma 'oinega Yehoba 'i'atemuyemuyegomi. Hesi geya! Ma wa'ita Yehoba sawasawahina ma dimwa bewa 'oidiyega Ebalahamo tubunao 'ipaihowadi.

Paihowa 22:3

“Taugu gwama Yudiya. Tasisi, Silisiya 'asana 'oina yatoleya, ma 'ebwa Yelusalema 'oina yase'uluwa. Cigu tohe'ita sanina Gameliyela, 'ihe'itegauwa tubudao 'idi loinao ma yasanapu bwaibwainidiya, ma Yehoba 'ina paihowa 'oina yatagwalegauwa moisa, gidemusa bewa tuwa 'omi 'imi tagwala.

Paihowa 6:1

Tuta nage 'oina Yesu 'ana tohemisao 'idi boda 'ihehemadou, ma 'oidiyega to'ena Gilisi 'idi boda to'ena Yudiya silolomugiyedi, weyahina sabwelo 'aigeda 'aigeda, 'eguma tutaina 'e'ahai siheheguyaiyedi hiwahiwape 'oidiya, taudi to'ena Gilisi 'idi hiwapeyao 'adi 'e'ahai geya sowasowahidi, 'oinega sigomagomale.

Loma 11:1

Ta bewa 'igu hesilala, togidega Yehoba 'ina boda meIsileli 'iguipailediya, bo geya? Geya! Weyahina taugu 'aigeda gwama Isileli, susu Beniyamina 'oinega, ma 'ima susu madouna 'ima babadega, sanina Ebalahamo.

Loma 9:4

Ta moisa 'igu bodaedi beno mwalo Yehoba 'ihesinuwa pwaidiya ta 'i'ahwa natunediya. Cina wasawasa ma 'ina gwae hemisao eema 'ina loinao bwebwe'adi 'i'ebwaediya. Ma wete tapwalolo ta ginaula 'ausaladi 'igwae hemisaeya babada nugenugetadi 'oidiya. Taudi gide Ebalahamo ma Aisake ma Yakobo, eeta muliyetega Ebalahamo 'ina susuina 'oinega Keliso 'ilatuma. Tauna Yehobaina tahepwatuwe tuta mabwaiyana 'oidiya, 'iboi 'ihane hedadeya. Emeni.

Galetiya 3:16

Gidemusa wete Yehoba 'ina gwae Ebalahamo ma 'ina susu 'i'ebwaediya 'imiya hataya. Geya 'abehega Buki He'asisi 'igwaeya “Susuwao 'oidiya,” ma hesi 'ina susu 'aigeda tuwamo, beno Keliso.

Pilipai 3:5

weyahina taugu gwama Isileli moisa, 'igu susu Beniyamina, eeta sabwelo 'eit 'igu li'u mulina 'igu 'ebeselolo 'wapina si'upweya, gide meYudiya 'ima 'ila'ilala, eema wete Palisiyao 'idi loinao yamuliyediya moisa.