2 Kolinita 11:20 - Loina Nuahuana

²⁰ 'eguma paihowa mwaudi si'ebwaegomi, ma 'oinega 'oimiyega siyagayagaha, ma si'abowegomiya, ma ma'idi nuwahane manimiya sisapi.

2 Kolinita 11:20 ပူးပေါင်းရင်းမြစ်များ

Maki 12:40

Ta wete tuta mabwaiyana tomota matadiya si'ahwa'ahwanoi dudulena Yehoba 'oina, ma hesi 'idi 'ahwanoiina geya bwebwe'ana, weyahina 'atediya sinuwanuwatuhu togidega nata hiwahiwape si'abo 'esedi ma 'idi tobwatobwao si'ewadi. Coinega nata Yehoba maisa galana 'i'ebwaedi.”

Luke 6:29

Ma 'eguma taiya 'ase'aseu 'isapi, sahena 'uhehenima hile, ma hesi hali 'ase'aseu wete 'utagwale ma 'isapi. Ma 'eguma taiya 'ino sita 'i'eweya, 'a 'ale'o wete 'utagwale 'oina.

1 Kolinita 4:11

Tuta baibaiwana ma'ama gomale ta ma'ama tani'o yahala, ta geya 'ama 'ale'omo, ma wete geya 'ima hadamo, 'oinega 'ama 'ita gide tomiya nanaewa.

2 Kolinita 1:24

Geya 'abehega 'ahetoloina pa'alina 'oimiya 'imi hemisa ta 'imi tapwalolo weyahidi, weyahina 'imi hemisega watoholo pa'ala pwaiya, ma hesi sabi lemegomi 'imi yaliyaya weyahina.

2 Kolinita 10:5

Cida tobwatobwaedi 'oidiyega sowasowahida tahewaiwaisine mumuga galana, he'ohe'ohe, ma gwae hane, beno ginaulaedi Yehoba 'ana hemisa si'etobodeya, ma hesi tomota 'idi nuwatuhuwao tagibuidi ma Keliso 'ina gwae sida hematamatanedi.

2 Kolinita 11:3

Ma hesi ya'ateyohowa weyahimi, 'amuge ma 'imi nuwatuhu si'wani ma 'imi 'atetagwala Keliso 'oina wa'ebesine, gide mwalo mwata Ibe 'i'aboweya 'ina gwae hotohoto 'oinega, ta Ibeina 'iwe'a.

2 Kolinita 12:16

Ma tupwami wagwae, “Paulo 'ima tobwatobwa geya 'ida 'ewediya, ma hesi 'ina sanapu madouna 'oinega 'i'abowemaiya.”

Galetiya 2:4

Ma 'iyadao tupwadi 'abo'abodi silugu pwaima, nuwanuwadi si'ita 'ida miya bwebwe'ana Yesu Keliso mahetemai, ta taudi geya tohemisa moisa, weyahina nuwanuwadi ma loina mwauna si'ebwaemai.

Galetiya 4:25

ta 'idi 'asa Alebiya 'alona, 'oya 'aigeda, sanina Sainai, ta Sainai 'ana sanapu 'abehega gide taudi meYelusalema sauga bewa, weyahina taudi paipaidi Mosese 'ina loinao 'oidiyega.

Galetiya 4:3

Tauda gidemusa, weyahina mwalo 'ida 'ebe hemisao nugenugetaidi weyahidi tapaipaihowa,

Galetiya 4:9

Ma bewa tuwa Yehoba wasanapuya, nuwana tagwae Yehoba 'isanapugomiya. Coinega to'aha weyahina Yehobaina walogwahateya ma wanuwahila 'imi 'ebe hemisaowedi belubeluidi 'oidiya, ta nuwanuwami weyahidi wapaihowa hila.

Galetiya 5:1

Tamiya bwebwe'ana weyahina Keliso 'ilihasigita 'ada paiyao 'oidiyega, 'oinega watoholo pa'ala ma geya'abwa watagwatagwala hilegomi Mosese 'ina loina paipaina 'oina.

Galetiya 5:10

Taugu Bada yahemisaeya ma 'igihenuwa sabwalenigomi, ma 'igu loinamo wamuliya, ma 'eguma loheyaina 'ami tolohe'wadalele 'ana maisa galana 'abwa Yehoba 'oinega 'iloba.

Galetiya 6:12

MeYudiya 'idi 'ila'ilala 'wapidiya 'ana to'upwao geya nuwadi 'igu loguguyaina bewa: 'ada 'abihebwebwe'ana taloba Keliso 'ina 'amasamo 'oinega, ma geya 'wapi 'upwa 'oinega. Coinega sihe'i'imigomiya ma 'idi 'wapi 'upwaina wa'ewa, ta 'adi boda 'ida hemadou, ma wete lo'aleha Keliso 'ina 'amasa kelose 'oina weyahina 'igumwala.

Pilipai 3:19

Taudi nata 'abwa 'ebelosaloha 'oina sihesilae, weyahina 'idi hemisa gamwa seseha weyahina, ma nuwatuhu 'ebe debamwadinao sihehepwatuwedi, weyahina nuwatuhu bale'umo nuwanuwadi.

1 Tesalonaika 2:5

Ma wasanapuya mwalo 'atauyawa 'oimiya, geya 'ima gwae hotohotodi, ma wete Yehoba 'isanapuya geya 'abehega 'agwaegwae 'abo'abo ma 'abehega 'imi tobwatobwa 'a'ewadi.