2 Kolinita 11:2 - Loina Nuahuana

² Weyahina nuwanuwagu 'omi, gidemusa Yehoba nuwanuwana tauda, 'oinega yagwae hemisaegomiya Keliso 'oina, 'omi gidemusa gumalaulau 'aigeda 'ina mumuga bwebwe'ana mabwaiyana, ma loheya ba'idana sihai.

2 Kolinita 11:2 ပူးပေါင်းရင်းမြစ်များ

Yoni 3:29

Loheyainaina tauna gidemusa haihai meloheyana ma taugu tuwa 'ana tohayahina. Tuwa gidemusa 'eguma haihai loheyana mwanena 'iloba ma 'oinega 'iyana 'aigeda haihai loheyainaina 'enana 'ihesagohe ma weyahina 'iyaliyaya. Coinega taugu wete gide Yesu wasana yahesagoheya ma weyahina yayaliyaya sinabwana.

Loma 7:4

Ciyagwao, he'ita bewa 'ilobwainegomiya, weyahina Keliso 'ilihasigomiya Mosese 'ina loina 'oinega. Weyahina Kelisoina wahina mahetemiu wa'amasa, ta mahetemiu wete watoholo hila 'amasega. Ma tauna totoholo hilamaina beno 'ida Bada 'ehauna, ma 'ane mahetedai Yehoba 'ina paihowa 'oina taguibiga bwaibwaina.

1 Kolinita 4:15

Moisa, 'imi tohe'itao boda hedada Keliso 'ina 'eda'edao weyahina, ma yaboigumo tuwa tamamiu, weyahina tetela bwebwe'ana 'ana guguya 'oinega ya'ewegomiya Yesu Keliso 'oina.

2 Kolinita 4:14

ma Yehoba 'asanapuya 'abehega 'ida Bada Yesu 'amasega 'i'abihe toholo hileya, ma tauma wete Yesu ba'idamai 'i'abihe toholo hilemai, ma 'omi wete ba'idamayao 'itoegita tauna matana.

Galetiya 4:11

Bewa weyahina ya'ateyohowa, nata gide 'igu paihowaedi 'oimiya waheginaula besobesowedi.

Pilipai 1:8

Yehoba wete 'isanasanapugau 'abehega Yesu Keliso 'ina helauwega nuwanuwagu 'omi,

Kolose 1:28

Tauna Kelisoina 'ahehepwaile, ma'ima sanapu moisa 'aloguguya ta 'ahehe'ita tomota mabwaiyami 'oimiya, ma 'abehega Keliso 'ana tohemisao 'omi ma 'a'abilatuhegomi mamumugami mabwaiyana bwebwe'ana ta matuwana.

1 Tesalonaika 2:11

Weyahina mabwaiyami 'a'itayahigomiya, gide tuwa loheya natunao 'i'ita'itayahi 'esedi.

Heꞌitaꞌita 14:4

Ma taudi loheloheyaedi geya sipui wahiwahine mahetediyao 'idi tuta sedasedega ma 'itautauya, ma hesi lami simuliya bwaibwaini 'eguma ta'eha 'itauya. Taudi Yehoba 'igimwane nugetediya tomota 'oidiyega, beno Yehoba ma lami 'idi 'etahi nugenugetana.