2 Kolinita 11:10 - Loina Nuahuana

¹⁰ Cigu gwae hane bewa gwae moisa Keliso 'oinega, ma sahena 'aigeda taiya 'igu gwae bewa 'i'eto'etobode Akaya tupwanao mabwaiyadi 'oidiya.

2 Kolinita 11:10 ပူးပေါင်းရင်းမြစ်များ

Paihowa 18:12

Eeta muliyetega Galiyo 'ihetoloina madouna tupwaina Akaya 'oina, 'oinega meYudiyaedi siloina ta Paulo si'abiyahiya sitauyeya sabi yatala Galiyoina matana,

Paihowa 18:27

Muliyetega Apolosa nuwanuwana ma 'ihabala Akaya, ta tohekalesiyao silemeya, ta Yesu 'ana tohemisao Akaya 'oina 'idi leta sileleya, ma Apolosa si'ebwaeya ta 'eguma to tuta Akaya 'oina 'ilatu 'idi leta 'i'ebwaedi ma sitoe 'idi hada. Coinega Apolosa 'ihabala ta 'iluhuwa Akaya 'oina, ma taudi meAkaya, mwalo Yehoba 'ina helauwega Yesu sihemisaeya, ma 'iyamo Apolosaina 'ina guguyega 'ilemedi madouna,

Loma 1:9

Yehoba 'isanapugauwa, tuta mabwaiyana yanuwanuwa tuhugomi 'igu 'ahwanoi 'oidiya. Yehobaina 'ina paihowa 'oina yaguibiga hedada, Natuna tetelina 'ana hepwaila weyahina.

Loma 16:5

Ta 'igu helau wete wahepwaile tohekalesiyaedi si'eto'eto'auta Akuila 'ina hada. Ma 'iyagu Epinito weteyage 'oina yahelauwa, tauna Yesu Keliso 'ana tohemisa nugenugetaina Esiya 'ina 'ebeloina 'oina.

Loma 9:1

Ciyagwao, geya ya'abo, nuwagu 'igala moisa 'igu susuwao meIsileli weyahidi, ma tuta mabwaiyana 'ategu 'imuyamuya weyahidi, weyahina Keliso geya sida hemisaeya. Cigu gwae bewa Keliso ma Yaluyaluwana Tabuna sisanasanapu 'abehega yagwaegwae moisa.

1 Kolinita 16:15

Sitipana 'ina bodao wasanapudiya 'abehega taudi Keliso 'ana tohemisa nugenugetadi tupwa Akaya 'oina, ma sitagwala pwaidiya Yehoba 'ina tomota 'adi 'abihetena weyahina,

2 Kolinita 1:1

Yauwedo meKolinita 'omi Yehoba 'ina tohekalesiyao ma 'omi wete Yehoba 'ana tohemisao tupwa Akaya mabwaiyana 'alona, 'imi leta bewa tasidai Timoti 'i'abihetegauwa ma 'aleleyawa, taugu Paulo 'oiguwega, weyahina Yehoba 'ina hesinuwega yahetohepwaila Yesu Keliso weyahina.

2 Kolinita 1:23

Bewa Yehoba 'isanapuya yagwaegwae moisa 'abehega mwalo geya yabo'enegomi 'imi tupwa Kolinita 'oina weyahina geya nuwagu ma yaloina pa'alegomi 'imi mumuga galana weyahina.

2 Kolinita 10:15

Geya 'abehega hali tomota 'idi paihowa 'oimiya weyahina yagwae hane, taugu tuwa 'igu paihowa weyahina, ma yanuwatuhu yahiya 'abehega 'eguma 'imi hemisa 'imadou, nata 'igu paihowa 'oimiya wete 'imadou hedade,

2 Kolinita 11:12

Wete 'igu paihowa weyahimi tuwa 'abwa yada paipaihowa, ma 'oinega ya'abihe lolagudi taudi togwae gagasa sigwaeya 'abehega 'idi paihowa 'oimiya gide taugu 'igu paihowa.

2 Kolinita 11:31

Yehoba tauna 'ida Bada Yesu tamana tada hepwatuwe hataya, ma tauna 'isanasanapugau 'abehega 'igu he'ote'otetela bewa gwae moisa.

2 Kolinita 12:19

Ciyagwao, sahena wanuwanuwatuhu 'abehega 'igu gwae bewa 'oidiyega ya'ahwa bwebwe'anegau matamiya. Geya, ma hesi mabwaiyana Yehoba matana Keliso 'ina gwae yagwaegwaeneyawa sabi 'abihe waiwaiyegomi.

2 Kolinita 9:2

ma wete yasanapugomiya 'abehega 'eheleina weyahina wayaliyaya, 'oinega 'omi ya'ahwa bwebwe'anegomiya meMasidoniya 'oidiya, yagwaeya, “Tupwa Akaya 'oina taudi meKolinita sihetapewa pwaiya ta 'idi helau si'atububuya bolime 'igumwala 'oina.” Coinega baibaiwadi 'oidiyega wete gide sipaipaihowa 'ese.

Galetiya 1:20

Cigu gwae bewa Tamada matana yaleleyawa, geya 'aigeda wete 'abo.

Galetiya 2:20

Moisa, Keliso mahetegu si'abihe kelose pwaimaiya, 'oinega 'ama'amasigu, ma geya taugu yawasiguwega ma hesi Keliso yawasina 'oiguwa 'imiyamiya. Beno tuwa yamiyamiya, yawasiguina lamuna beno 'igu hemisa Yehoba Natuna 'oina. Weyahina Yesuina 'ina helauwega tauna 'itagwaleya ta weyahigu 'i'amasa.

1 Tesalonaika 2:10

Comi Keliso 'ana tohemisao, ma tauma mumugama 'oimiya wasanapuya, ma Yehoba wete 'isanapumaiya 'abehega 'ehauma, ma wete dumwaluma, ma bwebwe'ama.

1 Tesalonaika 2:5

Ma wasanapuya mwalo 'atauyawa 'oimiya, geya 'ima gwae hotohotodi, ma wete Yehoba 'isanapuya geya 'abehega 'agwaegwae 'abo'abo ma 'abehega 'imi tobwatobwa 'a'ewadi.

1 Timoti 2:7

Coinega 'igu paihowa 'i'ebwaegauwa ma wasaina bewa yahehepwaili ma yaguguguyae ma yahehe'ita taudi tomiya ganamuli 'oidiya, ma 'ane sanapu moisa Yehoba 'oina sihemisae. Bewa gwae moisa, geya 'abo.