2 Kolinita 1:23 - Loina Nuahuana

²³ Bewa Yehoba 'isanapuya yagwaegwae moisa 'abehega mwalo geya yabo'enegomi 'imi tupwa Kolinita 'oina weyahina geya nuwagu ma yaloina pa'alegomi 'imi mumuga galana weyahina.

2 Kolinita 1:23 ပူးပေါင်းရင်းမြစ်များ

Paihowa 18:1

Muliyetega Paulo Ateni 'i'ebesineya ta 'inaowa Kolinita 'oina,

Paihowa 18:8

Ma hada tapwalolo 'ana tohanugeta, sanina Kalisipo, ma'ina susuwao, Bada Yesu 'oina sihemisa, ma meKolinita tupwana baibaiwadi wete Paulo 'ina guguya sihesagoheya, ta Yesu 'oina sihemisa, ma sibabitaisowa.

Loma 1:9

Yehoba 'isanapugauwa, tuta mabwaiyana yanuwanuwa tuhugomi 'igu 'ahwanoi 'oidiya. Yehobaina 'ina paihowa 'oina yaguibiga hedada, Natuna tetelina 'ana hepwaila weyahina.

Loma 9:1

Ciyagwao, geya ya'abo, nuwagu 'igala moisa 'igu susuwao meIsileli weyahidi, ma tuta mabwaiyana 'ategu 'imuyamuya weyahidi, weyahina Keliso geya sida hemisaeya. Cigu gwae bewa Keliso ma Yaluyaluwana Tabuna sisanasanapu 'abehega yagwaegwae moisa.

1 Kolinita 4:21

Togidega 'imi nuwatuhu? Ma'igu loina pa'alina yanaowa, bo ma'igu helau ma ma'igu nuwabiga yanaowa? Waboi wahesinuwa.

1 Kolinita 5:5

Topuiina wa'ebwae Seitani 'oina ma 'abehega wahina 'i'abihegala ma 'oinega muliyetega 'ida Bada 'ina sabweloina 'oina loheyaina yaluyaluwana 'ida 'abihete.

2 Kolinita 1:1

Yauwedo meKolinita 'omi Yehoba 'ina tohekalesiyao ma 'omi wete Yehoba 'ana tohemisao tupwa Akaya mabwaiyana 'alona, 'imi leta bewa tasidai Timoti 'i'abihetegauwa ma 'aleleyawa, taugu Paulo 'oiguwega, weyahina Yehoba 'ina hesinuwega yahetohepwaila Yesu Keliso weyahina.

2 Kolinita 1:18

Gide tuwa Yehoba 'ina gwae moisa, taugu wete 'igu gwae 'oimiya gwae moisa, ma sahena yatagwatagwala 'abo'abo.

2 Kolinita 10:2

Coinega ya'ahwanoi 'oimiya ma wamumuga dumwalu, 'amuge ma 'igu tauyawa 'oimiya 'oina yaheliyegomi, gidemusa nata yaheliyedi taudi sigwaeya, “Paulo tauna 'ina nuwatuhu 'ipaipaihowa gide tuwa mebale'u 'idi paihowa.”

2 Kolinita 11:10

Cigu gwae hane bewa gwae moisa Keliso 'oinega, ma sahena 'aigeda taiya 'igu gwae bewa 'i'eto'etobode Akaya tupwanao mabwaiyadi 'oidiya.

2 Kolinita 11:11

Ma to'aha huhuna? Nuwana 'igu gwae bewa weyahina ta yalogwahategomiya? Sahena! Yehoba 'isanapu bwaibwainigauwa yahelauwegomiya.

2 Kolinita 11:31

Yehoba tauna 'ida Bada Yesu tamana tada hepwatuwe hataya, ma tauna 'isanasanapugau 'abehega 'igu he'ote'otetela bewa gwae moisa.

2 Kolinita 12:20

Moisa, ya'ateyohowa, ta geya nuwagu yatauyawa ma 'imi mumuga ya'ita lobeya 'abehega geya bwebwe'ana, ma 'igu tauyawa weyahina wanuwagala, 'eguma taumimo wahe'ohe'ohena ma wahe'ipi'ipi ma wagamwasowala, nuwana walotobwatobwa hedade, ma 'iyamiyao wa'ahwa galagalaedi, ma wanuwahane, nuwana wapaihowa bwagabwaga.

2 Kolinita 13:10

Cimi leta bewa bwagega yalelediwa ma 'eguma tutaina yatauyawa sahena yaloiloina pa'ala 'oimiya, weyahina loinaina 'ida Badaina 'i'ebwaegauwa geya sabi 'abihegalegomi, ma hesi sabi 'abihe waiwaiyegomi.

2 Kolinita 13:2

Mwalo 'igu habo'ena heluwena 'oina 'imi topuiyedi ma baibaiwami yalohatotogomiya, gidemusa tuwa bewa bwaga yamiyamiya ma yahenuwa laguwegomi 'abehega 'eguma yatauya hilawa 'oimiya loina mwauna ya'ebwaedi topuiyedi mwalo ma tupwadi wete ba'idadiyao.

2 Kolinita 6:6

mumuga 'asilalana, sanapu, 'atemuyamuya, he'iya'iyagu, Yaluyaluwa Tabuna 'ateda, ta wete helau moisa,

Galetiya 1:20

Cigu gwae bewa Tamada matana yaleleyawa, geya 'aigeda wete 'abo.

Pilipai 1:8

Yehoba wete 'isanasanapugau 'abehega Yesu Keliso 'ina helauwega nuwanuwagu 'omi,

1 Tesalonaika 2:5

Ma wasanapuya mwalo 'atauyawa 'oimiya, geya 'ima gwae hotohotodi, ma wete Yehoba 'isanapuya geya 'abehega 'agwaegwae 'abo'abo ma 'abehega 'imi tobwatobwa 'a'ewadi.

1 Timoti 1:20

Tobe'uwedi 'aigeda sanina Aimenio, ma wete 'aigeda sanina Alekisana. Siteluwaedi bo'i Seitani 'oina ya'ebwaediya ma 'ihematasabuwedi ma sisanapu ma 'ane sahena 'ida Badaina si'ahwa'ahwa galagalae.