2 Kolinita 1:19 - Loina Nuahuana

¹⁹ Gidemusa Yehoba Natuna Yesu Keliso, tauna weyahina Silibenosi ma Timoti ba'idagwao 'alohatotowa 'oimiya, 'abehega Yesuina geya 'itagwala 'abo'abo, ma hesi tuta mabwaiyana 'itagwala bwaibwaina.

2 Kolinita 1:19 ပူးပေါင်းရင်းမြစ်များ

Madiu 17:5

Pita 'ina gwae 'abwa geya 'ilosalohi ma yaloyaloha 'asilalana 'i'ahuhe taluhidiya, ma yaloyaloha 'oinega 'enana 'aigeda sihesagoheya, 'igwae, “Bewa Natugu bwebwe'ana hedade, tauna weyahina yayaliyaya madouna, 'oinega 'ina gwaeyao wahesagohedi.”

Madiu 24:35

Cabwa galewa ma bale'u sisawala, ma 'igu gwaeyao geya'abwa tuwa sisawasawala.

Madiu 27:40

sigwae “Ca mudala! Cugwaeya 'abehega sawasawahiu ma Hada He'asisi 'uligehi ma sabwelo 'etoi 'oina 'u'abihila. Hana 'uda 'etopelego 'uboi ma keloseyega 'usuluma, 'eguma 'owa Yehoba Natuna.”

Madiu 27:54

Ma tolo'alehaowedi ma'idi tohanugeta saugenina Yesu kelose 'oina si'ita'itayahiya, mwani'ini'i ma ginaula mabwaiyana si'itediya, ta simatauta madouna, sigwaeya, “Moisa, loheya bewa Yehoba Natuna.”

Madiu 3:17

Ma hesi 'aigeda 'enana galewega 'igwaema 'igwae, “Beno natugu moisa. Tauna weyahina yayaliyaya madouna.”

Madiu 4:3

Ma totohoina 'ilatuma ma 'igwaeya, “Ceguma 'owa Yehoba Natuna, dimwa bewa 'uloinaedi ma sihe'e'ahai.”

Maki 1:1

To'abihetena Yesu, tauna Yehoba natuna, wasana bwebwe'ana 'ana 'ebehegaina beno:

Luke 1:35

Ta anelose 'igwaeya, “Yaluyaluwa Tabuna nata 'isuluma 'oiuwa, ma Yehoba 'i'abi hewaiwaiyego, ma natuu bwebwe'ana hedadena ma he'asisina 'uhenatune. Tauna nata sibwauwe Yehoba Natuna.

Yoni 1:34

Coinega Yoni boda 'ihegwaediya 'igwae, “Loheyainaina moisa mataguwega ya'iteya, ma bewa tuwa weyahina 'oimiya yahehewasa tauna moisa Yehoba natuna.”

Yoni 1:49

Coinega Nataniyela Yesu 'ihegwaeya 'igwae, “Cinapwana, 'owa moisa Yehoba natuna. Ma wete 'owa meIsileli 'ima kini.”

Yoni 19:7

Coinega meYudiyaedi sigwae, “Tauma 'ima loina 'abehega bewa tuwa 'ida 'amasa. Weyahina 'i'abowa 'abehega tauna Yehoba natuna.”

Yoni 20:28

Coinega Tomasi 'igwae hila, ma 'igwaeya, “Cowa moisa 'igu Badaina ma wete 'igu Yehobaina.”

Yoni 20:31

Ma hesiyage hisadimo tuwa bewa yalelediya ma 'oinega wahasilidi ma Yesu wasanapu ma wahemisae 'abehega tauna moisa To'abihetena Yehoba natuna. Ma 'oinega Yesu saninega yawasimi miyamiya hatayana waloba.

Yoni 3:16

Comi tomiya bale'u Yehoba 'ihelauwegomiya sinabwana, 'oinega taugu natunaina 'aigeda tuwa 'itagwalegauwa 'oimiya, ma 'oinega taiyawedi 'omi 'eguma wahemisaegau, geya'abwa wahehesilae, ma hesi yawasimi miyamiya hatayana waloba.

Yoni 6:69

Ma wete tauma 'ahemisaegowa 'abehega 'owa To'abihetenaina Yehoba 'oinega 'utauyama.”

Yoni 8:58

Ma Yesu 'ihegwaediya, 'igwae, “Yagwae moisa 'oimiya, taugu nugeta yamiyamiya, 'abwa muliyetega Ebalahamo 'ili'uwa.”

Paihowa 15:22

Coinega Yesu 'ana tohepwailao site tuwelo ma tohanugetao ma tohekalesiyao mabwaiyadi sinuwanuwatuhu mahemahetena, ta tupwadi 'oidiyega sihesinuwanediya ma sihewasediya, ta 'abehega Paulo ma Banaba mahetediyao sitauya Anitioki. Ma 'eluwa tohekalesiyao 'adi tohanugetao 'oidiyega sihesinuwediya, beno Yudasa, tauna sihesaniyeya Basaba, ma wete Sailasa,

Paihowa 16:1

Paulo ma Sailasa 'idi sakowasi 'oina sitauya Debi ma Lisitila, ma Lisitila 'oina Yesu 'ana tomuliya 'aigeda silobeya, sanina Timoti, tauna sinana wahine Yudiya. Sinanaina Yesu 'ana tohemisa, ma tamana hesi gwama Gilisi.

Paihowa 18:5

Ta tutaina Sailasa ma Timoti Masidoniyega sihapwesama, Paulo 'ina loguguya 'oina 'ihetapewa waiwai, ma meYudiya 'oidiya 'ihehepwaila 'abehega To'abihetenaina tauna Yesu.

Paihowa 8:36

Ta 'edaina sitautau ta we'aha si'ita lobeya, ma loheyaina 'igwaeya, “Nage we'aha! Togidega, sowasowahina ma 'u'abihe babitaisogau, 'awa?”

Paihowa 9:20

Ma meYudiya 'idi hada tapwalolo 'oidiya Sauloina 'ihegaina 'iloguguya 'abehega Yesu tauna Yehoba natuna moisa.

2 Kolinita 1:1

Yauwedo meKolinita 'omi Yehoba 'ina tohekalesiyao ma 'omi wete Yehoba 'ana tohemisao tupwa Akaya mabwaiyana 'alona, 'imi leta bewa tasidai Timoti 'i'abihetegauwa ma 'aleleyawa, taugu Paulo 'oiguwega, weyahina Yehoba 'ina hesinuwega yahetohepwaila Yesu Keliso weyahina.

1 Tesalonaika 1:1

Taugu Paulo ma Sailasa ma Timoti ba'idagwao bewa 'imi leta 'aleleyawa, 'omi tohekalesiyao Tesalonaika 'oina, 'omi Tamada Yehoba ma Bada Yesu Keliso 'adi tohemisao. Taudi 'idi helauwega tuwa wamiya daumwala.

2 Tesalonaika 1:1

Taugu Paulo ma Sailasa ma Timoti ba'idagwao 'imi leta bewa 'aleleyawa 'omi tohekalesiyao Tesalonaika 'oimiya, weyahina 'omi Tamada Yehoba ma Bada Yesu Keliso 'adi tohemisao.

1 Timoti 3:16

Moisa tuwa, 'ida tapwalolo 'ana sanapu dahwadahwaina, ma hesi madouna, beno Keliso weyahina: Tauna 'ihetomotai masiha, ma Yaluyaluwana 'oinega 'ihewaiwaiya, ma aneloseyao si'iteya, ma wasana tupwa mabwaiyadi sihesagoheya, ma gogo gabulena tomiyanao sihemiseya, ma 'ihaneya tupwa wasawasa 'oina.

Ibeliu 1:11

Ginaulaedi 'abwa silohesa hesawala ma 'owa 'umiyamiya, ma ginaula mabwaiyadi sihemiyamiya gide 'wama,

Ibeliu 13:8

Yesu Keliso 'ina mumuga mwalohene ta nige, ta tuta 'inaonaoma 'oidiya, geya 'ida 'abihedumedumeya.

1 Pita 5:12

Cimi leta 'i'iuna bewa Sailasa 'ilemegauwa eeta yaleleya weyahimi. Tauna Sailasaina tahesaniyeya 'abehega tauna 'aigeda tasidai ma'ina hemisa. Coinega 'imi leta bewa 'oina nuwanuwagu ma Yehoba 'ina helau moisa yahepwaile 'oimiya, ma 'oina watoholo pa'ala.

2 Pita 1:17

Ma tutaina mwalo mahetemai 'oyai 'amiyamiya Yehoba 'enana galewega 'ahesagoheya, 'igwaeya, “Bewa Natugu moisa, tauna weyahina yayaliyaya madouna.” Ma 'enanaina Tamana 'ina tupwa 'ehauna galewega 'itauyama eeta 'oyaina debana Yehoba hepwatu ta wasawasa 'asi'asilalaina Natuna 'i'ebwaeya.

1 Yoni 1:3

Tauna 'a'iteya ma 'ahesagoheya ma 'oimiya 'ahepwaila, 'oinega 'omi mahetemao tahe'iya'iyagu mahemahetena, ta wete Tamada ma Natuna Yesu Keliso mahetedao ta'ahwa 'iya'iyagu mahemahetena.

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.

2 Yoni 1:9

Ma 'eguma watauya pui ma Keliso 'ina he'ita wa'ebesine, 'omi Yehoba wa'ebe'ebesine, ma hesi 'eguma Keliso 'ina he'itao wa'abiyahi momosidi, Tamadai ma wete Natuna 'oimiya simiyamiya.

Heꞌitaꞌita 1:11

'igwaeya, “Ginauledi 'abwa 'u'itadi weyahidi 'uleledi buki 'oina, ma bukiina 'uhetune boda hekalesiya sebeni 'oidiya, beno Epeso, ma Simulina, ma Peligamo, ma Tayataila, ma Salidisa, ma Piladelipiya, ma wete Leodisiya 'oina.”

Heꞌitaꞌita 1:17

Ya'iteya ma 'ahena yabe'uwa gide tuwa ya'amasa. Coinega nima 'ebeulanega 'oiguwa 'i'abiya ma 'igwaeya, “Sahena 'umatamatauta, weyahina taugu 'ebe hegaina ma 'ebe losaloha.

Heꞌitaꞌita 1:8

Cida Bada 'igwae, “Taugu 'ebe hegaina ma 'ebe losaloha.” Tauna Yehobaina tohewaiwai moisa, mwalo hene, ta tuta bewa, eema tuta sinaonaoma 'oidiya 'imiyamiya.

Heꞌitaꞌita 2:18

Aneloseina totapwalolowedi Tayataila 'oina 'i'ita'itayahidi 'ina leta 'ulele meTayataila weyahidi, ma 'ugwae: Tetela bewa 'itauyama Yehoba Natuna 'oinega, tauna matana 'adi 'ita gide tuwa 'aiwe 'ininininima, ma wete 'ahena namanamalidi gide pwawati hauhauna sigabuya.