1 Timoti 6:9 - Loina Nuahuana

⁹ Ma taudi wasawasa 'ana tohemisao nata Seitani 'ina 'ebetohona 'oina sisi'wa, ma siboi 'idi nuwatuhu besobesowedi 'oidiyega si'abihegala hiledi, ta 'abwa taudi beno hesilae moisa siloba.

1 Timoti 6:9 ပူးပေါင်းရင်းမြစ်များ

Madiu 13:22

“Ma patuwedi talitali 'oidiya sibe'uwa, taudi tetela bwebwe'ana sihesagoheya, ma hesi 'idi nuwatuhu bale'u weyahina ma wete wasawasa 'ana nuwatuhuwao, ma nuwatuhuwedi tetela bwebwe'ana silohe'amasiya, ta geya sawasawahina ma sihuwa.

Madiu 19:22

Loheyaina Yesu 'ina gwae bewa 'ihesagoheya, ta ma'ina nuwagala 'ihila. Tauna 'ana bolime geya baibaiwana, ta 'ina tobwatobwa baibaiwa hedade 'inuwahidiya.

Madiu 26:15

ma 'ihegwaediya 'igwae, “Cehisa maisa nata wa'ebwaegau, 'eguma Yesu 'oimiya yatebaeyawa?” Ta mane siliba 'ana baibaiwa teti si'ebwaeya.

Madiu 6:19

Sahena 'imi wasawasa bale'uwa wahehe'autedi, weyahina sohusohu ma mwahulu wasawasa bale'uwa si'abi'abi hegaladi ma wete toyagaha siluhuluhu 'imi hada 'oidiya sabi yagaha,

Maki 4:19

ma hesi 'idi nuwatuhu bale'u ma wasawasa weyahidi, 'oidiyega Yehoba 'ina gwae silohe'amasiya, ma geya sowasowahina huwaidi silagu.

Luke 12:21

Ma Yesu 'ina gwae 'ana 'ebelolagu 'oina 'igwaeya, “Moisa, 'eguma taiya wasawasa weyahina 'ipaihowa, ma 'imiya wasawasa tobwatobwa bale'uwa 'oidiyega, ma geya galewa 'ana wasawasa 'oidiyega, tauna yauyauleina!”

Luke 21:35

Weyahina sabweloina 'oina mebale'u mabwaiyadi 'ilohe'ateyohodi 'ina bwa'omatana 'oinega.

Paihowa 8:20

Ma Pita Saimoni 'iheliyeya 'igwae, “Cino mane ba'idau wahesilae hataya, weyahina 'abehega Yehoba 'ina 'ehele 'ino maneyega 'ugimwane.

Epeso 4:22

Coinega mumuga miyamiyana walogwahatedi, beno paihowaedi mwalo wapaipaihowadi tutaina nuwatuhu dahwana sigihe galegomiya,

1 Timoti 1:9

Weyahina loinaedi geya Yehoba 'ilagudi todumwalu weyahidi, ma hesi taudi loina 'ana toligehao weyahidi ma todeba pa'ala weyahidi, taudi geya Yehoba sihe'asisiyane, ma togala, ma bi'ibi'idi, ma toheliya, ma taudi sinadiyao ma tamadiyao ma hali tomota wete 'adi tolohe'amasao,

1 Timoti 3:7

Tohanugetaowedi 'ilobwainediya 'adi 'ahwa bwebwe'ana siloba taudi geya totapwalolo 'oidiyega, ma hesi 'eguma tomota tohanugetao si'ahwa galagalaedi mumugadi weyahina, beno gide Seitani 'ina si'wa 'oina tohanugetaowedi sisi'wa.

1 Timoti 6:10

Weyahina wasawasa 'ana nuwa'ewa beno puiyao huhudi, ma wete 'iyadao tupwadi wasawasa si'ebesa hedadeya, 'oinega tapwalolo moisa si'ebesineya, ma 'ebenuwagala mabwaiyana silobeya.

1 Timoti 6:17

Ma bale'u 'ana wasawasao 'uhemataluwedi, ma sahena sinuwanuwahane 'idi wasawasa weyahidi, ma wete sahena sihehemisa 'abehega nata 'abwa 'ebe 'abihetena siloba 'idi wasawasaedi 'oidiyega, weyahina wasawasaedi gumwagumwalidi. Ma hesi tuwa Yehoba 'iboi 'oina sihemisa, weyahina Yehoba 'iboi to'ebwaya bwebwe'ana, ta 'ida 'ebe yaliyaya mabwaiyana tauna 'oinega silatulatuma.

2 Timoti 2:26

ta wete Seitani 'ina si'wa 'oinega sidena, weyahina taudi mwalo Seitani 'isi'wediya, ma 'oina sihetopaihowa 'ina nuwatuhu weyahina.

Taito 2:12

ta 'ihe'itaegita ma mumuga besobeso ma nuwatuhu galadi talogwahatedi, ma hesi tamiya mumuga bwebwe'adi ma dumwaludi 'oidiya.

2 Pita 2:3

Ma togalaedi tobwatobwa nuwadi 'i'eweya, 'oinega 'idi gwae hotohotowega 'abwa si'abowegomi ma 'imi tobwatobwa si'ewadi. Mwalo hene 'adi maisa Yehoba 'ilaguya eema 'iyamwayamwa namo, ma geya 'ida buiya.

Yude 1:11

Nuwa'ole'oledi weyahina Keni 'ina 'eda galana 'oinega sitautauya, ma 'oinega 'idi wasawasa weyahina simumuga galana, gidemusa wete Balami mwalo mumugana. Coinega sihesilae, weyahina loina bwebwe'ana silogwahateya, mwalo gidemusa Kola tauna loina 'ilogwahateya.