1 Timoti 5:3 - Loina Nuahuana

³ Hiwahiwapeyedi geya 'idi susumo 'u'abihetedi.

1 Timoti 5:3 ပူးပေါင်းရင်းမြစ်များ

Madiu 15:6

Tubumiyao 'idi loinaina 'oinega Yehoba 'ina loina waheginaula besobesoweya.

Madiu 23:13

“Ma hesi 'omi loina 'ana tohe'itao ma Palisiyao 'atemuyamuyaimi, weyahina 'imi 'abowega tomota wa'ausidiya ma 'oinega Yehoba 'ina 'ebeloina 'oina sahena siluhuluhu. Comi geya'abwa waluhuluhu, ma tomota wete taiyawedi nuwanuwadi ma siluhu wanuwahidiya.

Luke 2:37

Ma mwanena 'i'amasa ta tauna 'ihiwapeya, ma 'imiyamiya 'ana siga 'ana bolime 'eitipowa. Ma wahineina tauna Hada He'asisi geya 'ida 'ebesineya sabwelo ma hinuwana 'oidiya, ma Hada He'asisi 'alona Yehoba 'ihehe'asisiye, ma 'i'ahwa'ahwanoi hegomaleyega.

Luke 7:12

Cinaoma 'asaina deina, ta to'amasa ma 'ana to'ahalao 'ilobediya silatulatuma 'asaina 'oinega. To'amasaina hiwape natuna, 'aigeda tuwa. Coinega hiwapeina boda madouna mahetenao sitautauya sabi lagutaona.

Yoni 1:47

Sitautauya, ma Yesu Nataniyela 'i'iteya, ma Nataniyelaina weyahina 'ihegwaegwaeya 'igwae, “Loheya nage gwama Isileli moisa, ma mumugana 'ausalana mabwaiyana.”

Paihowa 6:1

Tuta nage 'oina Yesu 'ana tohemisao 'idi boda 'ihehemadou, ma 'oidiyega to'ena Gilisi 'idi boda to'ena Yudiya silolomugiyedi, weyahina sabwelo 'aigeda 'aigeda, 'eguma tutaina 'e'ahai siheheguyaiyedi hiwahiwape 'oidiya, taudi to'ena Gilisi 'idi hiwapeyao 'adi 'e'ahai geya sowasowahidi, 'oinega sigomagomale.

Paihowa 9:39

Ma Pita 'igogona ma ba'idanao sitauyama Yopa 'oina, ta tohekalesiyao Pita sitoeya hadaina 'alona. Ma hiwapeyao baibaiwadi Pita sitoholo 'wabu'wabuya ma sidoudou ta 'adi 'ale'o sihe'itaeya, weyahina mwalo Dokasa tutaina mayawasina 'adi 'ale'owedi 'ipaihowediya, ma 'i'ebwaediya, ma sigwae, “Cale'owedi bewa tauna Dokasa 'ana sahisahilao mwalo mayawasina ba'idamai 'amiyamiya.”

Paihowa 9:41

Ta Pita nimana 'i'abiyahiya ma 'i'abihe toholoya. Ci'abihe toholoya ma hiwahiwape ta tohekalesiyaowedi 'ibwauwedima, ma Tabita mayawasina 'ihe'itaeya 'oidiya.

1 Tesalonaika 2:6

Ma wete ginaulaedi 'apaipaihowadi matamiya ma hali tomota matadiya geya tauma 'ama hepwatu weyahina, ma hesi 'omi 'ami lema weyahina.

1 Timoti 5:2

ma wahiwahine madoudi 'oidiya mumugau gide sinamwao, ma gumalaulau 'oidiya ma'ino nuwatuhu bwebwe'ana ma mumuga 'ausalana 'oidiyega 'u'ahwa nuhunedi.

Yemesa 1:27

Ma hesi tapwalolo 'asilalana ma dumwadumwaluna Yehoba Tamada matana bewa 'abehega taudi sinasinagehenidi ma hiwahiwapedi 'idi miyamwau 'oidiyega ta'abihetedi, ta wete geya'abwa mumuga bale'uwega ta'abi'abi hebi'igita.

1 Pita 2:17

Coinega tomota mabwaiyadi wahe'asisiyanedi, ma taudi Yesu 'ana tohemisao wahelauwedi. Yehoba 'oina wahe'asisi madouna, ma wete toloinaina kini wahe'asisiyane.

1 Pita 3:7

Ma 'omi wete tohai meloheyami mamwanemiyao wamiyamiya, wanuwatuhuyahi 'abehega taudi we'awe'adi, 'oinega wahe'asisiyanedi ma wa'itayahidi, weyahina 'omi mamwanemiyao mahetemiyao yawasimi Yehoba 'i'ebwaegomiya. Bewa gidemusa wamumuga 'esa ma 'oinega geya'abwa to'aha galana 'imi 'ahwanoiyao 'i'abihewe'adi.