1 Timoti 4:16 - Loina Nuahuana

¹⁶ Timoti, 'u'itayahigo, tuta mabwaiyana 'uhe'ita moisa, ma 'ane Yehoba 'owa ma 'ino tohesagohaowedi ba'idamwao 'i'abihetegomi.

1 Timoti 4:16 ပူးပေါင်းရင်းမြစ်များ

Maki 13:9

“Ta 'omi hesi wa'itayahigomi, weyahina tomota 'abwa si'abiyahigomi ma sitauyegomi yatala weyahina, ta Hada Tapwalolo 'oidiya sisapigomi, ta wete 'abwa toloinao ma kiniyao matadiya sitoegomi ma watoholo ma siheyatalaegomi, beno weyahina 'omi 'abehega taugu 'igu bodao, ta saugaina 'oina teteligu wahepwaile 'oidiya.

Luke 21:34

“Ma wa'itayahigomi ma sahena 'e'ahai ta numa we'aha waiwaidi 'oidiya watautauya hedade, ma wete sahena 'imi miya bale'uwa weyahina wanuwanuwatuhu hedade, 'amuge ma sabweloina 'oina Yehoba 'ilohe'ateyohogomi ta gide gomana 'oinega si'onegomi.

Paihowa 26:22

Ma tuta nage 'oina ma 'ana siga nige Yehoba 'ilemelemegau, ma 'ane yatoholo ma yahehepwaila, 'omi toloinao ma tomota mabwaiyami 'oimiya, geya hali nuwatuhu weyahina, ma tuwa tauna 'iboi palopitao ma Mosese sihepwaila nugeteya,

Paihowa 6:4

Ma tauma 'ada hetapewa 'ahwanoi weyahina ta wete Yehoba 'ina gwae 'ana he'ita weyahina.”

Loma 11:14

ma 'omi tomiya ganamuli nata taudi meYudiya sihe'ipi'ipiyegomi, ma 'ane 'idi he'ipi'ipiina weyahina nuwadi sibuidi ma 'etolema siloba Yehoba 'oinega.

Loma 16:17

Tasigwao bewa 'igu 'ahwanoi madouna 'oimiya, beno wa'itayahigomi towatahao 'oidiyega, weyahina he'itaedi wa'ewediya taudi 'adi wahi'wata, 'oinega ta si'ahwa'ahwa galegale ma weteyage tomota 'idi hemisa si'abi'abi hewe'adi.

Loma 2:7

Ma 'eguma tuta mabwaiyana tapaihowa bwebwe'ana ma'ida he'alama'i'ita, ma gide tuwa tapaipaihowa 'esa, ma 'abehega 'ahwa bwebwe'ana ma nata yawasi miyamiya hatayana ta'ewa Yehoba 'oinega, beno moisa tuwa 'abwa yawasida miyamiya hatayana 'i'ebwaegita,

1 Kolinita 1:21

Weyahina sanapu bale'uwa gesowana 'oinega Yehoba tasanapu, ma hesi Yehoba 'ina nuwatuhu ta 'ina tetela 'ana lohatotomo 'oinega 'ana tohemisao tauda 'ilemegita. Tetelinaina mebale'u siheginaula bwagabwagaeya.

1 Kolinita 9:22

Ma wete 'eguma taudi 'idi hemisa we'awe'ana ba'idagwao 'amiyamiya, yamumuga 'esa taudi gidemusa ma 'abehega ya'abihetedi. Coinega tomota mabwaiyadi ba'idagwao weyahidi yatoho waiwai ma yamanasamwedi, ma 'oinega tupwadi 'oidiyega 'abihetena siloba Keliso 'oinega.

1 Kolinita 9:27

Coinega wahigu yaloina pa'ale ma 'oinega sahena yamumuga besobeso, tabu ta 'igu guguya hali tomota 'oidiya mulina taugu yabe'u.

Epeso 4:14

Bewa 'oinega gwama mumugana 'oidega ta'ebesinedi, weyahina mwalo 'ida sanapu we'awe'ana 'oina he'ita hagadi ma hadagi si'abinihu nihuwegita, beno tupwadi to'abowao 'idi he'itao hotohotodi ma galadi 'oidiyega.

Kolose 4:17

Ma Alikipo wahegwae 'abehega, “Paihowaina Badaina 'i'ebwaegowa 'uhetapewa ma 'ulosalohi.”

1 Tesalonaika 2:16

Eeta hali boda wete si'ausidi, ta 'ima hepwaila 'omi 'asa ganamuli 'oimiya sitohotoho ma si'ausimai, weyahina geya nuwadi ma Yehoba 'i'abihetegomi, 'oinega Yudiyaedi 'idi puiyao sisinabwa hedada, ma 'ana maisa beno muya madouna Yehoba 'i'ebwaedi.

1 Timoti 1:3

Mwalo 'ane tutenina ya'ebesinegowa ma yatauya Masidoniya, ma yahenuwa lagugowa, yagwaeya, “Sahena 'utautauya. Cebwa tuwa Epeso 'oina 'umiyamiya, ma 'ane tomota tupwadi 'u'ausidi ma sahena he'itao hagana ma hagana sihehe'itadi.

1 Timoti 4:15

Coinega 'unuwatuhuyahi, ma paihowaina 'oidiya sahena 'ulowahi'wata, eema tomota 'ino hetapewa weyahina 'ane sigwae, “Moisa, Timoti tauna toguibiga.”

1 Timoti 4:6

Bewa loinaedi 'iyadao 'oidiya 'uhe'itaedi, 'oinega 'owa Yesu Keliso 'ina topaihowa bwebwe'ana, weyahina he'ita dumwaluna Yesu 'ana hemisa weyahina 'umulimuliyedi, ma 'oinega yaluyaluwau 'ihewaiwai.

2 Timoti 2:10

Bewa weyahina 'igu miya mwauwedi 'oidiyega ya'alama'i'ita, ma 'abehega Yehoba taudi 'ihesinuwediya yalemedi, ma 'ane Yesu Keliso 'i'abihetedi, ta yaliyaya miyamiya hatayana siloba.

2 Timoti 3:14

Ta 'owa hesi he'itaedi 'uhemisa pwaidiya ta 'usanapudiya. He'itaedi 'uda muliyedi, weyahina tauma 'ino tohe'itao bo'i 'usanapumaiya 'abehega 'ima he'itaowedi wete 'amulimuliyedi.

2 Timoti 4:2

Bewa 'a loinaina: Tuta mabwaiyana 'uhetapewa waiwai ma tetela 'uhehepwaile, tuta mwau ma tuta yaliyaya 'oidiya, ma tomota 'oidiya 'uguguya ma sihemisa, ta wete 'u'abihe dumwaludi, ma 'u'abihe pa'alidi, ma bewa nuwatuhuwedi 'uhe'ita bwaibwainidi ma'ino 'alama'i'ita.

Taito 1:9

Ta wete he'itaedi moisaedi sihesagohediya sihemisaedi, ma sinuwatuhu yahidi, ma 'ane tomota tupwadi silemedi he'ita 'oinega, ta 'eguma taiyawedi sihegwae 'abo'abowedi si'abihe dumwaludi.

Taito 2:15

He'ita bewa 'uhe'itadi tomota 'oidiya, ma loina dumwaluna 'oinega 'ulohatotodi ma simumuga bwaibwaina. Ma sahena 'eta taiya 'igwae sinaligo.

Taito 2:7

Ta 'owa mumugau mabwaiyana 'oidiyega tomota 'uhe'itadi ma taudi wete simumuga bwebwe'ana. Eeta gwae moisega 'uhe'ita, ma 'ane mumugau ta 'ino he'ita 'ilobwaine.

Pilimoni 1:19

Taugu Paulo bewa nimaguwega yalelelele 'abehega mabwaiyana yahemaise hegumwali. Ma hesi sahena 'a haga 'oiguwa weyahina yagwaegwae, beno mwalo taugu 'igu paihowega ta yaluyaluwau 'i'ehau pwaiya.

Ibeliu 12:15

Wa'itayahigomi 'amuge nata 'oimiyega taiya Yehoba 'ina helau geya'abwa 'ilobaloba. Ma sahena 'aigeda taiya 'oimiyega 'ihegaina ma 'imumuga galana, 'amuge ta baibaiwadi simuliye.

Ibeliu 13:9

Coinega sahena loina hauhaudi ma hagahagadi wahehesagohedi, weyahina 'ateda 'ihewaiwai Yehoba 'ina helaumo 'oinega, ma geya 'e'ahai 'oidiyega. Loinaedi 'e'ahai weyahina gesowana si'abihetegita.

Yemesa 5:20

nata togalaina yaluyaluwana 'u'abiheteya 'amasega, weyahina 'ina galaina mabwaiyana sigumwala.