1 Timoti 4:10 - Loina Nuahuana

¹⁰ Weyahina tuta bewa 'oina ma'ida hetapewa ma ma'ida guibiga, Yehoba tahehemise tauna 'iboimo miyamiya hatayana, tomota mabwaiyadi 'adi To'abihetena, 'eguma sihemisae. Eeta 'ida nuwatuhuyahina 'oina talaguya ma 'ane 'i'abihetegita.

1 Timoti 4:10 ပူးပေါင်းရင်းမြစ်များ

Madiu 16:16

Coinega Saimoni Pita 'ihemaiseya 'igwae. “Cowa To'abihetena, Yehoba mayawasina Natuna.”

Madiu 27:43

Tauna 'abehega Yehoba 'ana tohemisa ma 'igwaeya, ‘Taugu Yehoba Natuna.’ Ceguma Yehoba nuwanuwana tauna, 'ida 'etolihasi, 'awa?”

Yoni 1:29

Ci'adaleya, Yoni Yesu 'i'iteya 'itautauyama 'oina. Ma Yoni boda 'ihegwaediya 'igwae, “Loheya nage 'itautauyama Yehoba 'ina lami, tauna 'abwa mebale'u weyahida 'i'amasa, ma 'ida puiyao 'i'ewa yahuledi.

Yoni 4:42

Eeta wahineina sihegwaeya sigwae, “Moisa tuwa 'ino gwaeina geya 'u'abo. Ta geya 'abehega 'ino gwaemo 'oidiyega ma 'ahemiseya, weyahina tauma 'aboi wete 'ina gwae 'ahesagohediya ma 'asanapuya 'abehega moisa tauna tuwa Tolemaina gogo gabulena mabwaiyada weyahida.”

Yoni 5:24

“Coinega yahegwae bwaibwainigomi 'eguma taiyawedi 'omi 'igu gwae wahesagohedi ma wete 'agu Tohesumaneina wahemisae, nata yawasi miyamiya hatayaina waloba. Ma 'oinega heyatala 'ana tuta 'oina 'omi geya'abwa loina walobaloba. Weyahina 'omi 'amasa 'ina tupwa wa'ebesineya ma wahabala yawasi hauhauna 'ina tupwa.

1 Kolinita 15:10

Ma hesi Yehoba 'i'atemuya muyaegauwa ta 'ilemegauwa. Coinega geya 'i'abihete daidaisigau, weyahina yahemisa bwaibwaina ma tohepwailao mabwaiyadi 'idi paihowa ya'ebesineya, geya taugu 'igu waiwaiyega, ta Yehoba 'ina helau 'oinega.

2 Kolinita 1:10

Ma 'i'abihete pwaimaiya 'ebe hesilaeina 'oinega, ma wete 'anuwatuhu yahiya 'abehega 'abwa 'i'abihetemai tuta mabwaiyana 'oidiya.

1 Timoti 2:3

Cada to'abihetenaina Yehoba nuwanuwana bewa gide ta'ahwanoi 'esa,

1 Timoti 2:4

weyahina Yehoba 'ina nuwatuhuina 'abehega tomota mabwaiyadi 'idi pui 'oidiyega 'i'abihetedi, ma he'ita moisa sisanapu.

1 Timoti 2:6

Weyahina Keliso 'itagwaleya ta 'iboi 'ipwaoliyeya mabwaiyada weyahida, ta wasaina bewa tuta 'ana lobwaina moisa 'oina, Yehoba 'i'ebwaegita.

1 Timoti 3:15

ma 'eguma yaheheboi, leta bewa 'oinega 'usanapu to mumuga tauda totapwalolo 'ilobwainegita, beno tauda 'ida Yehoba mayawasina 'ina boda 'alona, weyahina tauda tohekalesiyao 'ina he'ita moisa 'ana to'ita'ita yahinao.

1 Timoti 6:17

Ma bale'u 'ana wasawasao 'uhemataluwedi, ma sahena sinuwanuwahane 'idi wasawasa weyahidi, ma wete sahena sihehemisa 'abehega nata 'abwa 'ebe 'abihetena siloba 'idi wasawasaedi 'oidiyega, weyahina wasawasaedi gumwagumwalidi. Ma hesi tuwa Yehoba 'iboi 'oina sihemisa, weyahina Yehoba 'iboi to'ebwaya bwebwe'ana, ta 'ida 'ebe yaliyaya mabwaiyana tauna 'oinega silatulatuma.

Ibeliu 11:26

Weyahina geya nuwana wasawasa bale'uwedi Itipita 'alona, ma hesi muyamuya Keliso weyahina 'ihesinuweya, weyahina 'isanapuya 'abehega 'abwa maisa bwebwe'ana 'iloba.

Ibeliu 13:13

Tauda wete sowasowana tatauya 'asa tuluhana Yesu 'oina, ma 'ebe mwadina taloba tauna gide.

1 Pita 1:21

Eeta tauna Kelisoina 'oinega Yehoba wahemisaeya 'abehega tauna 'amasega 'igihetoholo hileya eeta 'ebemiya wasawasa 'oina 'ilaguya, 'oinega 'imi hemisa ma 'imi nuwatuhu walagu bwaibwainidi Yehoba 'oina.

1 Yoni 2:2

ma 'ida puiyao 'inuwasamudi, weyahina Yesu tauna wahina 'ipwaoliyeya 'ida puiyao weyahidi, ma wete mebale'u mabwaiyadi weyahidi.

1 Yoni 4:14

Ma tauma matamega Yehoba Natuna 'a'iteya, ta weyahina 'ahehepwaila 'abehega Tamana 'ihetuneyama bale'uwa 'abehega 'ada To'abihetena.