1 Timoti 4:1 - Loina Nuahuana

¹ Yaluyaluwa Tabuna 'ihepwaila latuwa 'abehega tuta 'ana 'ebe gumwala 'oina tomota tupwadi nata tapwalolo silogwahate ma yaluyaluwa galadi ma Tomudulele 'idi he'ita 'abo'abowedi sihesagohedi.

1 Timoti 4:1 ပူးပေါင်းရင်းမြစ်များ

Madiu 18:7

“Comi mebale'u 'atemuyamuyaimi 'iya, weyahina 'ebe be'u baibaiwadi simiyamiya. Moisa tuwa, 'ilobwaineya ma 'ebe be'uwao bale'uwa simiyamiya, ma hesi 'eguma loheya 'itoho ma 'iyanao 'i'abihebe'udi, 'abwa loheyaina 'ihesilae moisa.

Luke 17:1

Coinega Yesu 'ana tomuliyao 'ihegwaediya, 'igwae, “Tomota tupwadi nata 'ebetoho baibaiwana sipaihowadi 'oimiya ma 'abehega si'abi hebe'ugomi, ma 'eguma taiyawedi taudi 'ebetohowedi sipaihowediya tuwa 'atemuyamuyaidi.

Yoni 16:13

Ma hesiyage 'abwa nata Yaluyaluwa Tabuna 'itauyama 'abwa hesi tauna 'ihanugetegomi ginaula mabwaiyana 'ausaladi 'oidiya. Tauna nata geya'abwa 'ina loina 'oinega 'iloiloina, ma hesiyage to'aha gidemusa Tamagu 'oinega 'ihesagoheya nata 'oidiyega 'iloina. Ma wete nata 'ihegwaegomi to'aha 'abwa sauga sinaonaoma 'oidiya silatu.

Paihowa 13:2

Taudi sitapwatapwalolo ma'idi hudi Yehoba 'oina, ta Yaluyaluwa Tabuna 'ihegwaediya, 'igwae, “Nuwanuwagu Banaba ma Saulo 'igu paihowa 'aigeda weyahina, 'oinega 'omi watagwaledi paihowaina 'oina.”

Paihowa 17:18

Ta tupwadi tosinasinapuwao wete, taudi sihesaniyediya Epikulo, ma tupwadi Sitoike wete, Paulo ba'idadiu sihehegwaegwae ta tupwadi taudimo 'oidiya sihe'ote'otetela, sigwaeya, “Ciya! Toheyauyaule to'aha 'igwaeneya?” Ma tupwadi sigwae, “Nuwana hali Yehoba weyahina 'iloguloguguya,” weyahina sihesagoheya Yesu 'ina toholohila 'amasega weyahina 'ilologuguya.

Paihowa 20:23

Beno tuwa 'asa 'aigeda 'aigeda 'oidiya, Yaluyaluwa Tabuna 'ihehepwaila 'oiguwa 'abehega 'abwa Yelusalema 'oina pai ma muya yalobadi.

Paihowa 21:11

ta 'oima 'inaoma, ta Paulo 'ana gadiwana 'i'eweya, ta 'ahena ma nimana 'iboi 'ipaidiya, ta 'igwae, “Yaluyaluwa Tabuna 'igwae gide: Toni gadiwana bewa meYudiya Yelusalema 'oina nata sipai, ma si'ebwae taudi ganamuli 'oidiya.”

Paihowa 28:25

Weyahina 'idi nuwatuhuwao hagana ma hagana, 'oinega sisawala. Ta Paulo 'ina gwae 'ana 'ebelosaloha 'oidiya 'igwaeya, “Yaluyaluwa Tabuna 'ina gwae tubumiyao weyahidi gwae moisa, beno palopita Aiseya 'ahwanega 'igwaenediya:

1 Kolinita 10:20

Ta wete paihowaedi taudi tomiya ganamuli ginaulaedi weyahidi sipaipaihowa, geya Yehoba weyahina sinuwanuwatuhu, ta hesi Tomudulele ma'iyanao weyahidi. Ma hesi 'omi genuwagu ma hali 'ebe hemisao weyahidi wapaipaihowa, tabu ta Tomudulele 'iyanao mahetemiyao waheboda 'aigeda.

1 Kolinita 11:19

Ta hesi 'imi 'ewatawatahaina 'ana bwebwe'ana beno 'abehega taiyewedi taudi tohekalesiyao moisa ta'inanadi.

1 Kolinita 12:11

Heguheguyaiyedi Yaluyaluwa Tabuna tauna 'ana hesinuwa, ma 'iheguheguyai 'aigeda 'aigeda 'oida, ta 'i'ebwaegita ma gide tapaihowa 'ese.

1 Kolinita 2:10

Ta hesi Yaluyaluwa Tabuna 'oinega Yehoba sanapuina 'i'abilatuheya 'oida, weyahina Yehoba Yaluyaluwana ginaula mabwaiyana 'isanapudiya. Coinega Yehoba 'ina nuwatuhu dahwadahwaidi wete 'isanapudiya.

2 Kolinita 11:3

Ma hesi ya'ateyohowa weyahimi, 'amuge ma 'imi nuwatuhu si'wani ma 'imi 'atetagwala Keliso 'oina wa'ebesine, gide mwalo mwata Ibe 'i'aboweya 'ina gwae hotohoto 'oinega, ta Ibeina 'iwe'a.

Kolose 2:18

Coinega sahena 'eta taiya 'i'ahwa'ahwa galagalaegomi weyahina 'omi geya watapwa tapwalolo ma'imi nuwasulu aneloseyao 'oidiya. Weyahina tomotaedi 'adi sanapu nihiyega weyahidi sigagasa, ma sinuwahane mumuga bale'u 'oidiyega.

2 Timoti 3:13

Ta wete taudi togala, ma tomota 'adi to'abowao 'idi puiyao sihemadou moisa, weyahina Seitani bo'i 'i'abowediya.

2 Timoti 4:4

Ma he'ita hagadi 'adi muliya 'oidiyega he'ita moisa si'ebesine.

Yemesa 3:15

Mumugami bewa bo 'imi sinasinapuwedi bewa geya galewega, ma hesi bale'u mumugaidi Tomudulele 'oinega.

1 Pita 1:20

Yehoba Kelisoina 'ihesinuwa nugeteya 'ina paihowa bewa weyahina, ee muliyetega bale'u 'ipaihoweya, ma tutaina 'ebe gumwala bewa 'oina Kelisoina 'ihapwesama, tauda weyahida.

2 Pita 2:1

Ma hesi mwalo hene tupwana palopita 'abo'abodi tomota gamwagamwanidiya silatuwa. Gidemusa 'abwa tohe'ita 'abo'abowao 'omi gamwagamwanimiya silatulatu, ma 'idi he'ita 'abo'abo 'oinega tomota sigihe galadi 'idi he'ita galana 'oinega. Badaina tauna 'ihegimwaneyegita bweyahinega, ma taudi siuhaleya, 'oinega maisa galana nata siloba.

2 Pita 3:3

Ma nuwatuhu 'aigeda sowasowana wada sanapu nugeta 'abehega tuta 'ana 'ebe losaloha 'oina tupwadi tolotuyeya silatu, ma Bada 'ina 'eda weyahina sigwaegwae besobeso, ma taudi 'idi nuwatuhu galadi simuliyedi,

1 Yoni 2:18

Natugwao, tuta 'ana 'ebelosaloha 'itauya pwaima, ma mwalo wahesagoheya 'abehega Keliso 'ana 'alehaina 'i'iuna 'ihapwesama, sowasowana wanuwatuhuyahi Keliso 'ana 'alehao baibaiwadi bale'uwa simiyamiya, 'oinega tasanapuya tuta 'ana 'ebelosaloha bewa,

1 Yoni 4:6

Ma tauda hesi Yehoba 'oinega tali'uma, 'oinega 'eguma taiyawedi Yehoba 'ana tosanapuwao, 'enada sihesagoheya, ma taudi geya Yehoba 'ana tosanapuwao, 'enada geya'abwa sihehesagohe. Coinega tasanapu 'abehega yaluyaluwa 'abo'abo 'oidiya 'imiyamiya, weyahina 'eguma Yaluyaluwa moisa 'oidiya beno 'enada sihesagohe.

Yude 1:4

Mwauina 'ihapwesa pwaiya 'oimiya, beno tupwadi togala si'abowegomiya ma 'imi boda 'oina siluguwa, 'oinega Yehoba 'ina helau 'oida taudi 'idi he'itega sibuiya ma ganawala, ma wete 'ida Yehoba ma Bada Yesu Keliso silogwahatediya. Taudi 'idi galao weyahidi 'adi loina mwauna mwalohene Yehoba 'ina buki 'oina silele pwaiya.

Heꞌitaꞌita 13:14

Ma tagwala 'iloba pwaiya ta 'oinega hebaiina holega matana 'aniyanaedi 'ipaihowediya, ma nage 'oina mebale'u mabwaiyadi 'i'abowediya. Ma 'ina 'abowedi 'oidiya 'igwae, “Da'ule 'aigeda watagi eema wapaihowa 'ana 'ita gide hebaiina 'elepega 'ihesilaheya ta 'ibwebwe'ana hila.”

Heꞌitaꞌita 16:14

Yaluyaluwa 'etoiyedi beno Tomudulele 'ina 'ali'eyao taudi 'ebe henainaida sipaihowediya, ta sinaowa kiniyao bale'u mabwaiyana 'oina ta 'abehega 'idi bodao sihegogonedima ma taudimo silo'aleha hiladi, beno nata Yehoba Tohewaiwai hedada 'ina sabwelo madouna 'oina.

Heꞌitaꞌita 18:2

ma 'enana madounega 'ibwauwa, “Casa madounaina Babiloni 'ibe'u pwaiya, ma Tomudulele ma'ina bodao ta wete bwasumo galadi ma didigadi sihe'asaeya,

Heꞌitaꞌita 18:23

Eeta mayale 'idi 'asilala 'oina geya'abwa silatulatu. Ma wete geya'abwa tohaiyedi 'enadi 'asaina 'oinega sihehesagohe. “Moisa, bale'u mabwaiyana 'oina bewa 'asaina 'ana towasawasao sihane hedadeya, ta 'idi 'oba 'oidiyega hali tupwa tomotaidi si'abowediya.

Heꞌitaꞌita 19:20

Nage 'oina hebaiina ma'ina palopita 'abo'abo si'abi yahidiya, ta mayawasidi siulediya 'asa 'ala'alata 'alona, beno dimwa hulahulaidi 'oina. Palopita 'abo'aboina tauna mwalo 'ina paihowa waiwaina 'ipaihowediya hebaiina matana, ma 'oinega tomota 'i'abowediya, taudi hebaiina 'ana 'ila'ilala 'oidiya 'imiyamiya, ta 'ina dimwa tagitagina 'ana to'etuluhao.

Heꞌitaꞌita 2:11

“Ceguma taiya 'oimiyega matenana Yaluyaluwa Tabuna 'ina gwae tohekalesiyao 'oidiya 'ihesagohe. Ma wete 'omi taiyawedi 'eguma Seitani wahewaiwai sineya, geya'abwa 'amasa heluwena 'igihegihe galegomi.”

Heꞌitaꞌita 2:17

“Ceguma taiya 'oimiyega matenana, Yaluyaluwa Tabuna 'ina gwae 'ihesagohe. Ma 'eguma 'omi taiyawedi Seitani wahewaiwai sineya 'e'ahai dahwadahwaina ya'ebwaegomi. Ta wete 'aigeda 'aigeda 'oina yaheguyai da'ule wa'ewa'e'edi, ta da'uleyedi 'oidiya sanimiyedi simiyamiya 'ehaudi, beno geya 'eta taiya sawasawahina ma 'isanapudi, beno namo tauna to'ewaina 'isanasanapu.”

Heꞌitaꞌita 2:29

“Ceguma taiya 'oimiyega matenana, Yaluyaluwa Tabuna 'ina gwae hekalesiyao 'oidiya 'ihesagohe.”

Heꞌitaꞌita 2:7

“Ceguma taiya 'oimiyega matenana, 'ihesagohe Yaluyaluwa Tabuna 'ina gwae tohekalesiyao 'oidiya. Ma 'eguma taiya 'oimiyega 'ihewaiwai, 'oina yatagwala ma yawasida 'ana 'aiwe huwaina 'i'ai, 'aiweina Yehoba 'ina tanoha 'itotoholo.”

Heꞌitaꞌita 20:10

Coinega 'adi to'abo Seitaniina si'eweya, 'asa 'ala'alata 'alona siuleya. Yahiyahiina 'alona mwalohene hebaiina ma palopita 'abo'aboina siula pwaidiya, ma tupwaina 'oina sitetoiyedi simuyamuya sabwelo ma nihuwana 'oidiya, ta geya'abwa 'igumwagumwala.

Heꞌitaꞌita 20:8

ma 'itauya bale'u mabwaiyana 'oidiya sabi 'abowedi, tupwaina gide Gogi ma Magogi 'oidiya. Coinega Seitani taudi mabwaiyadi tolo'aleha 'ihe'autediya sabi 'aleha, tahasila 'asae, gide namonamo holai.

Heꞌitaꞌita 3:13

“Ceguma 'oimiyega taiya matenana Yaluyaluwa Tabuna 'ina gwae boda hekalesiyao 'oidiya 'ihesagohe.”

Heꞌitaꞌita 3:22

“Ceguma taiya 'oimiyega matenana Yaluyaluwa Tabuna 'ina gwae boda hekalesiyao 'oidiya 'ihesagohe.”

Heꞌitaꞌita 3:6

“Ceguma taiya 'oimiyega matenana, Yaluyaluwa Tabuna 'ina gwae boda hekalesiyao 'oidiya 'ihesagohe.”

Heꞌitaꞌita 9:20

Ta tomotaedi mabwaiyadi, taudi geya sida 'amasa ginaulaedi galadi 'oidiyega, geya sinuwabui ma 'abehega 'idi 'ebe hemisa 'abo'abowedi siguipailedi. Ma hesi si'abiyahi pa'alidi ta si'e'etuluha 'oidiya. Ginaulaedi gide Tomudulele ma welabanao, ma wete ginaulaedi siboimo nimadiyega sipaihowediya, gide dimwa leleleleina beno goula ta siliba ta kopa ta dimwa ta 'aiwe. Dimwa leleleidiyedi beno geya sawasawahidi ma si'ebubuna, bo nuwana sihesagoha, nuwana siyawala dadana.