1 Timoti 3:7 - Loina Nuahuana

⁷ Tohanugetaowedi 'ilobwainediya 'adi 'ahwa bwebwe'ana siloba taudi geya totapwalolo 'oidiyega, ma hesi 'eguma tomota tohanugetao si'ahwa galagalaedi mumugadi weyahina, beno gide Seitani 'ina si'wa 'oina tohanugetaowedi sisi'wa.

1 Timoti 3:7 ပူးပေါင်းရင်းမြစ်များ

Maki 4:11

Ma Yesu 'igwaeya, “Comi moisa Yehoba 'oimiya 'itagwala ma 'ina loina huhuna 'ana tosanapuwao, ma hesi tomota baibaiwadi nuwadi 'i'elopota ma gwae hegehegedimo sihehesagohe, ma 'ana nuwasabwalena 'abwa geya sisanapu, ma wete 'ana sanapu si'ebe'ebese ma geya'abwa silobaloba. Coinega wete geya'abwa 'idi puiyao 'oidiyega sinuwanuwabui ma geya'abwa Yehoba 'inuwanuwa samudi.”

Paihowa 10:22

Ma sigwaeya, “Konilio 'ihetunemaiya, tauna tolo'alehao 'adi tohanugeta, ma loheya dumwadumwaluna ma Yehoba 'ana tohe'asisi, ma wete Yudiya mabwaiyadi si'ahwa loheya bwebwe'aneya, ta 'ana hemataluwa 'ihesagoheya Yehoba 'ina anelose 'oinega ma 'abehega 'owa 'ibwauwego tauna 'ina hada ma 'ino gwae 'ida hesagohe.”

Paihowa 22:12

“Ma Damasiko 'oina 'aigeda loheya sanina Ananaiyasi 'imiyamiya. Tauna Yehoba 'ana tohemisa moisa, ma Mosese 'ina loina 'ana tomuliya, ta meYudiya tupwaina 'ana tomiyao si'ahwa bwebwe'aneya.

Paihowa 6:3

Ma 'omi 'oimiyega loheloheya sebeni wahesinuwedi, taiyewedi ma'adi he'asisi, ma sanasanapudi, ma wete 'eguma Yaluyaluwa Tabuna 'ina waiwai 'oidiya, ma paihowa bewa 'e'ahai 'ana heguyai weyahina, 'ada 'ebwaedi.

1 Kolinita 10:32

Sahena hali tomota wa'abi'abi henuwagaladi, nuwana meYudiya, bo tomiya ganamuli, bo nuwana Yehoba 'ina tohekalesiyao.

1 Kolinita 5:12

Ta 'igu 'ebeloina tohekalesiyaomo 'oidiya, ma geya'abwa hali boda 'oidiya.

2 Kolinita 6:3

Cabihetena bewa tomota mabwaiyadi weyahidi, genuwama ma 'aigeda taiya 'ilolomugiyemai 'ima paihowao weyahidi. Geya 'aigeda wete 'ebe'etoboda 'alagulagu,

2 Kolinita 8:21

Ma hesi nuwanuwama tuta baibaiwana 'oidiya 'ada paihowa dumwalu Yehoba matana, ma wete tomota matadiya.

Kolose 4:5

Wete taudi geya Keliso 'ana tohemisao 'oidiya wapaihowa dumwalu, ma sahena 'imi sauga wamudamudali.

1 Tesalonaika 4:12

Bewa 'oinega taudi geya Keliso 'ana tohemisao sihe'asisiyegomi, ma hesi 'omi 'ami lema weyahina sahena tomota hagadi 'oidiya wahehemisa.

1 Tesalonaika 5:22

ma 'eguma galana beno mabwaiyana walogwahate.

1 Timoti 3:6

Ma sahena tohemisa hauhauna wahehesinuwe ma 'ihetohanugeta, nata gide 'ina nuwahane 'oinega 'ibe'u, gide mwalo Seitani 'ina nuwahane 'oinega 'ibe'uwa.

1 Timoti 5:14

Coinega yanuwatuhuya hiwahiwapeyedi taudi geya sihe'ai'aihale moisa sawasawahina ma sihai hila, ma sihenatuna ma si'ita'ita yahidi natudiyao ma wete 'idi hadao, ma 'ane sahena 'ada sahiyao si'ahwa'ahwa galagalaegita hiwahiwapeyedi mumugadi weyahina.

1 Timoti 6:9

Ma taudi wasawasa 'ana tohemisao nata Seitani 'ina 'ebetohona 'oina sisi'wa, ma siboi 'idi nuwatuhu besobesowedi 'oidiyega si'abihegala hiledi, ta 'abwa taudi beno hesilae moisa siloba.

2 Timoti 2:26

ta wete Seitani 'ina si'wa 'oinega sidena, weyahina taudi mwalo Seitani 'isi'wediya, ma 'oina sihetopaihowa 'ina nuwatuhu weyahina.

Taito 2:5

Ma 'ane ma'idi he'asisi, ma mumuga bwebwe'ana 'oidiyega 'idi hada si'itayahidi, ma wete mwanediyao sihelauwedi ta 'enadi sihematamatana, ma bewa 'oinega hali tomota Yehoba 'ina gwae sihe'asisiye, ta sahena si'ahwa'ahwa galagalae.

Taito 2:8

Ma 'ane 'ino he'itao sahena tomota si'ahwa'ahwa 'abo'abowe, ma 'ino gwae bwebwe'adi 'adi hesagoha 'oinega 'a 'alehao sideba mwadina, 'idi 'ahwayali besobeso 'oidiyega.

3 Yoni 1:12

Ma Dimitilo tauna loheya bwebwe'ana. Tomota mabwaiyadi 'idi hepwaila gidemusa, weyahina taudi he'ita moisa 'ana tomuliyao sihehepwaila 'abehega Dimitilo loheya bwebwe'ana, ma taugu wete 'igu hepwaila gidemusa, ma 'igu hepwaila wasanapuya 'abehega gwae moisa.