1 Timoti 3:3 - Loina Nuahuana

³ ma sahena bwasi galana 'inumanuma yauyaule, ma wete sahena 'ihehegamwagamwagu, ma hesi mumugana nuhana, ma geya 'ida 'ahwa panapanawa, wete sahena wasawasa nuwana 'i'ewa'ewa.

1 Timoti 3:3 ပူးပေါင်းရင်းမြစ်များ

Madiu 21:13

ma 'ihegwaediya, 'igwae, “Buki He'asisi 'oina Yehoba 'ina gwae sileleya, 'igwae, ‘Cigu Hada nata sanina sibwauwe hada 'ebe 'ahwanoi,’ ma 'omi wabui lohihiliya ma 'abehega 'imi 'ebe yagaha.”

Paihowa 20:33

“Mwalo taugu ba'idamiu tamiyamiya, geya nuwanuwagu 'imi wasawasao, nuwana mane, nuwana 'ale'o 'ausaladi,

Loma 16:18

Ceguma taiyawedi 'idi paihowa bewa gidemusa taudi geya 'ida Bada Yesu Keliso weyahina sida paihowa, ma beno siboi tuwa 'idi nuwatuhu si'e'epaihowadi, weyahina 'idi gwaeyao hoto hedada, ma tomota we'awe'adi si'e'e'abo'abowedi ma silisilisi hiledi.

Epeso 5:18

Geya'abwa bwasi waiwaina 'oinega wanumanuma yauyaule, beno ginaula 'ebe hesilae, ma hesi Yaluyaluwa Tabuna 'ida lohemahegomi ma

1 Tesalonaika 5:14

Ma 'iyamayao, sowasowana wete tolowahi'watao walohatotodi, wete to'ateyoho wa'abihe 'atepatuwedi, ma wete towe'a wa'abihetedi, bewa ginaulaedi 'alama'i'itega wapaipaihowadi.

1 Timoti 3:8

Dikoniyao wete 'ilobwainediya ma mumugadi 'ausalana ma'idi nuwatuhu dumwaludi, ma sahena bwasi galana sinumanuma hedada, ma sahena wasawasa 'oina sihehemisa.

2 Timoti 3:2

Weyahina tutaedi 'oidiya nata tomota taudimo weyahidi sinuwanuwatuhu, ma wasawasa 'ana hamwa nata 'imadou 'oidiya, ta sinuwa hanehane ta sigagasa ma wete siheliya. Ma sinadiyao ma tamadiyao 'enadi nata geya sihematamatana, ta tomota 'idi paihowa bwebwe'adi weyahidi nata geya siloyauwedo.

Taito 1:11

Coinega 'idi 'ahwa'abo'abo weyahina 'u'etobodedi, weyahina hali susu ma hali susu si'abihepuidi, ta 'idi he'ita 'abo'aboina 'oinega nuwanuwadi mane siloba.

Taito 1:7

Weyahina tohanugetao Yehoba weyahina sipaipaihowa, 'ilobwainediya ma mumugadi bwebwe'ana, ma sahena sidebadeba pa'ala nana sihehe gamwagamwagu, nuwana bwasi galana sinumanuma yauyaule, nuwana loheya 'ana to'ehunuwa, nuwana wasawasa 'ana tohamwa.

Taito 2:3

Cai'aihaleyao wete 'uhegwaedi ma mumugadi ma'idi he'asisi, ta sahena tomota si'ahwa'ahwa galagalaedi, ma wete sahena waini sinumanuma hedade, ta 'ilobwainediya mumuga 'ausalana sihehe'ita wahiwahine hauhaudi 'oidiya,

Taito 3:2

Ta sahena 'ahwayali ma he'ahwa panapanawa, ma hesi tomota 'oidiya simumuga wahinuhega ma'idi he'asisi.

Ibeliu 13:5

Sahena wasawasa bale'uwa nuwami 'i'ewa'ewa, ta hesi wayaliyaya to'aha waloba pwaidiya weyahidi, ma sahena hali ginaula ma hali ginaula weyahidi wahehetapewa, weyahina Yehoba 'igwaeya, “Geya'abwa yanuwanuwa naidego. Geya'abwa ya'ebe'ebesinego. Geya!”

Yemesa 4:1

To'aha weyahina 'aleha ma he'ahupanapanawa silatulatu 'oimiya? Nuwana waboi 'imi nuwa'ubuna 'oidiyega, weyahina tuta mabwaiyana hali mumuga ma hali mumuga 'alomiya sipaipaihowa.

1 Pita 5:2

Coinega wete yahenuwa lagugomi 'abehega 'imi bodaowedi wa'itayahidi, taudi beno Yehoba 'ina tomotaiyao. Ma wa'itayahidi 'imi 'atetagwalega tuwa gidemusa Yehoba 'ina nuwatuhu, ma geya'abwa ma'imi logwahata. Ma 'imi paihowa wapaihowadi, geya 'ami maisa madouna weyahina, ma hesi 'ate tagwalega wapaihowa.

2 Pita 2:3

Ma togalaedi tobwatobwa nuwadi 'i'eweya, 'oinega 'idi gwae hotohotowega 'abwa si'abowegomi ma 'imi tobwatobwa si'ewadi. Mwalo hene 'adi maisa Yehoba 'ilaguya eema 'iyamwayamwa namo, ma geya 'ida buiya.

Yude 1:11

Nuwa'ole'oledi weyahina Keni 'ina 'eda galana 'oinega sitautauya, ma 'oinega 'idi wasawasa weyahina simumuga galana, gidemusa wete Balami mwalo mumugana. Coinega sihesilae, weyahina loina bwebwe'ana silogwahateya, mwalo gidemusa Kola tauna loina 'ilogwahateya.

Heꞌitaꞌita 1:9

Taugu tasimiu Yoni. Taheboda 'aigeda pwaiya Yesu ba'idada, ta 'ina 'ebeloina 'alona 'omi ma taugu tahe'alama'i'itanegita, muyamuya ma mwau 'oidiya. Taugu mwalo sipaigauwa ma silagugauwa bwanabwana Patimo 'oina, weyahina yaguguya Yehoba 'ina gwae ma Yesu 'ina tetela.