1 Timoti 3:1 - Loina Nuahuana

¹ Moisa tuwa, 'eguma taiya nuwanuwana ma tapwalolo 'oina 'ihanugeta, beno paihowa bwebwe'ana,

1 Timoti 3:1 ပူးပေါင်းရင်းမြစ်များ

Luke 15:10

Gide wete 'eguma 'aigeda togala 'inuwabui, nata Yehoba 'ina aneloseyao weyahina siyaliyaya madouna.”

Paihowa 20:28

“Coinega tohanugetao 'omi waboi wa'itayahigomi, ta 'imi sipiyao wete wa'itayahidi, weyahina Yaluyaluwa Tabuna 'imi paihowaina 'i'ebwaegomiya ma tohekalesiyao walomata yahidi, weyahina 'ida Bada Yesu tomotaiyedi taudi bweyahinega 'igimwanediya.

Loma 11:13

Cigu hegwaegwae bewa 'omi tomiya ganamuli weyahimi. Taugu Yesu Keliso 'ana tohepwaila mabwaiyami 'oimiya, eeta 'igu paihowaina weyahina yagwae hane,

Epeso 4:12

Ma mabwaiyada 'ida paihowa 'aigeda 'aigeda beno tohekalesiyao 'adi lema ma sihewaiwai, beno Keliso wahina 'ina sinasinabwa weyahina,

Pilipai 1:1

Taugu Paulo ma Timoti mahetegu 'apaipaihowa To'abihetena Yesu weyahina, 'aleleleleyawa 'omi mePilipai, Yesu Keliso 'ina tohekalesiyao, ta wete 'imi tohanugetao ta 'imi dikoniyao mahetemiyao,

1 Tesalonaika 5:14

Ma 'iyamayao, sowasowana wete tolowahi'watao walohatotodi, wete to'ateyoho wa'abihe 'atepatuwedi, ma wete towe'a wa'abihetedi, bewa ginaulaedi 'alama'i'itega wapaipaihowadi.

1 Timoti 1:15

Gwae bewa gwae moisa, ma 'ilobwaineya ma tahemisae, weyahina Yesu Keliso bo'i bale'uwa 'itauyama togalaedi sabi 'abihetedi, ma hesi togalaedi mabwaiyadi 'oidiyega taugu tuwa gala hedada.

1 Timoti 4:9

Gwae bewa gwae moisa, sowasowana tatagwalegita 'oina.

2 Timoti 2:11

Gwae bewa gwae moisa 'abehega: “Ceguma Keliso ba'idada ta'amasa, 'abwa wete ba'idada yawasida bwebwe'ana taloba.

Taito 1:7

Weyahina tohanugetao Yehoba weyahina sipaipaihowa, 'ilobwainediya ma mumugadi bwebwe'ana, ma sahena sidebadeba pa'ala nana sihehe gamwagamwagu, nuwana bwasi galana sinumanuma yauyaule, nuwana loheya 'ana to'ehunuwa, nuwana wasawasa 'ana tohamwa.

Taito 3:8

Gwae bewa mabwaiyana gwae moisa, 'oinega 'uhewaiwai 'adi lohatoto 'oidiya, ma 'ane taudi Yehoba 'ana tohemisao gwaeyedi sihemisedi ma simuliyedi, ma paihowa bwebwe'adi sipaihowadi, bewa ginaula bwebwe'ana ta tomota 'adi 'ebelema.

Ibeliu 12:15

Wa'itayahigomi 'amuge nata 'oimiyega taiya Yehoba 'ina helau geya'abwa 'ilobaloba. Ma sahena 'aigeda taiya 'oimiyega 'ihegaina ma 'imumuga galana, 'amuge ta baibaiwadi simuliye.

1 Pita 2:25

Moisa, 'omi gide sipi hehebe'uina, eeta sipi 'adi to'itayahina 'itoe hilegomima 'oina, tauna yaluyaluwami 'ana to'itayahina.

1 Pita 4:15

Ma hesi geya ginaula bwebwe'adi weyahimi 'eguma walohe'amasa bo wayagaha bo wapui bo wapaihowa besobeso ma weyahidi muya waloba.

1 Pita 5:2

Coinega wete yahenuwa lagugomi 'abehega 'imi bodaowedi wa'itayahidi, taudi beno Yehoba 'ina tomotaiyao. Ma wa'itayahidi 'imi 'atetagwalega tuwa gidemusa Yehoba 'ina nuwatuhu, ma geya'abwa ma'imi logwahata. Ma 'imi paihowa wapaihowadi, geya 'ami maisa madouna weyahina, ma hesi 'ate tagwalega wapaihowa.