1 Timoti 2:1 - Loina Nuahuana

¹ Bewa 'igu loina 'imi miya hegogona 'oidiya, nugeta watuluha ma wa'ahwanoi Yehoba 'oina, tomota mabwaiyadi weyahidi, ma'imi loyauwedo Yehoba 'oina.

1 Timoti 2:1 ပူးပေါင်းရင်းမြစ်များ

Paihowa 17:30

“Tutaina mwalo tomota Yehoba sihemwage mwageyeya, 'oinega geya 'ida gamwasowalediya, ma hesi bewa tuwa tauda tomota tupwa mabwaiyana 'oidiya 'iloinaegita ma 'ida pui 'oidiyega tanuwabui.

Loma 1:8

Nugeta, yaloyauwedo Yehoba 'oina Yesu Keliso saninega, weyahina baibaiwami 'omi 'imi hemisa tetelina 'i'edadana 'asa mabwaiyana 'oidiya.

Loma 6:17

Ma 'amo'isamo tuwa, 'omi mwalo mumuga galana 'ana topaihowao, ma tetela bwebwe'ana wahesagoheya, ta 'atemi watagwalediya 'oina, ta 'imi puiyedi 'i'ewa yahulediya. Ma Yesu 'ilihasigomiya ma 'abehega mumuga bwebwe'ana weyahina wahetopaihowa. Coinega 'ilobwainegita taloyauwedo madouna Yehoba 'oina, yaliyaya bewa weyahina.

1 Kolinita 15:3

Tetelaina lamuna ya'ita lobeya 'oinega yahepwaile 'oimiya 'abehega Keliso 'ida puiyao weyahidi 'i'amasa, gidemusa Buki He'asisi 'ina hepwaila,

2 Kolinita 8:6

Coinega Taito 'ahegwaeya, 'agwaeya, “Mwalo 'uhegaina ma meKolinita 'u'abihetediya 'idi 'ehele 'ana paihowa weyahina, 'oinega 'u'abihetedi wete ma silosalohi.”

Epeso 3:13

Coinega 'igu 'emuyamuyao bewa weyahimi sahena weyahidi 'atemi siwe'awe'a, ma hesi wada sanapu 'abehega 'igu 'emuyamuyaowedi 'omi 'imi bwebwe'ana weyahina.

Epeso 5:20

ma tuta mabwaiyana waloyauwedo ginaula mabwaiyadi weyahidi, 'ida Bada Yesu Keliso saninega, Tamada Yehoba 'oina.

Epeso 6:18

Tuta mabwaiyana Yaluyaluwa Tabuna 'ina lema 'oinega 'ahwanoi baibaiwadi 'oidiyega wa'ahwa'ahwanoi Yehoba 'oina. Sahena wawe'awe'a ma hesi ma'imi toholopa'ala wa'itayahigomi ma wa'ahwanoi tohekalesiyao mabwaiyadi weyahidi,

Pilipai 1:3

Tuta mabwaiyana Yehoba 'oina yahelau, 'eguma tutaina yanuwatuhugomi,

Pilipai 4:6

Geya'abwa 'aigeda to'aha weyahina wanuwanuwa, ma hesi ma'imi loyauwedo ginaula mabwaiyadi weyahidi, Yehoba 'oina wa'etuluha, ta 'imi nuwatuhuwao weyahidi wa'ahwanoi,

1 Tesalonaika 3:12

Ta heluwena 'abehega Bada helauwega 'ilohemahegomi ma waboi wahelau hilegomi, ma wete tomota hagadi wahelauwedi moisa, gide tauma 'ahehelau 'esegomi.

2 Tesalonaika 1:3

Ciyamayao, 'ilobwainemaiya tuta mabwaiyana 'aloyauwedo Yehoba 'oina, 'imi hemisao ma 'imi helauwao waboi 'oimiya 'adi madou weyahina.

1 Timoti 2:4

weyahina Yehoba 'ina nuwatuhuina 'abehega tomota mabwaiyadi 'idi pui 'oidiyega 'i'abihetedi, ma he'ita moisa sisanapu.

1 Timoti 5:5

Ma taudi hiwahiwapeyedi geya 'idi susumo 'ulemedi, 'eguma Yehoba taunamo sihemiseya ma 'oina si'ahwa'ahwanoi sabwelo ma nihuwana 'oidiya.

2 Timoti 2:24

Ta he'ahwa panapanawa Cinapwana 'ina topaihowao geya 'ilobwainegita, ma 'atemuyamuya ma he'ita ma 'alama'i'ita hesi.

Taito 2:11

Yehoba 'ina helauina 'ilatu pwaima tomota 'ada 'abihetena weyahina,

Taito 3:2

Ta sahena 'ahwayali ma he'ahwa panapanawa, ma hesi tomota 'oidiya simumuga wahinuhega ma'idi he'asisi.

Ibeliu 6:11

Coinega nuwanuwagu ma 'omi 'aigeda 'aigeda wahetapewa ta 'abehega 'abwa muliyetega 'imi hemisa huwaina mabwaiyana waloba.

Yemesa 5:16

Coinega 'aigeda 'aigeda 'oimiya 'imi galaowedi wahepwailedi, ma weyahina wa'ahwanoi, ma 'oinega 'imi bwebwe'ana waloba. Moisa, tobwebwe'adi 'idi 'ahwanoi waiwai hedade.