1 Timoti 1:12 - Loina Nuahuana

¹² Ma wete 'ida Bada Yesu Keliso 'i'abihewaiwai yegauwa 'igu paihowa bewa weyahina, 'oinega yaloyauwedo, weyahina 'ihemisaegauwa, ma paihowaina 'i'ebwaegauwa.

1 Timoti 1:12 ပူးပေါင်းရင်းမြစ်များ

Madiu 20:4

Coinega 'ibwauwedima ta 'igwaeya, ‘Comi wete watauya 'igu tanoha wapaihowa, ma 'imi paihowa 'ana maisa dumwaluna ya'ebwaegomi.’ Coinega sitauya tanoha.

Yoni 5:23

ma 'oinega mabwaiyami wahe'asisiyanegau gide Tamagu wahehe'asisiyana 'ese. Ma 'eguma taiyawedi geya wahe'asisiyanegau, beno wete Tamagu tauna 'ihesumanegauma geya wahe'asisiyane.

Paihowa 16:15

ma tauna ma'ina susuwao 'i'abihe babitaisowediya. Ta muliyetega 'i'ahwanoiyemaiya, 'igwae, “Babadao, wasanapugauwa 'abehega Yesu yahemisaeya moisa, 'oinega sowasowahina wanaoma ma wahetaumana 'igu hada?” Ta 'i'ohenemaiya, ma 'oinega 'atauya 'ina hada.

Paihowa 9:15

Ma Badaina 'ihegwaeya, “Tuwa, ma 'utauya 'oina. Weyahina Sauloina yahesinuwa pwaiya ma teteligu 'ihepwaile tomiya ganamuli 'oidiya, ma toloinao madoudi matadiya ma meIsileli wete 'oidiya.

Paihowa 9:22

Ma Saulo 'ina guguya nage 'oina 'ihewaiwai hedadeya, ma meYudiyaedi Damasiko 'oina simiyamiya 'ihe'itediya 'abehega Yesu tauna To'abihetenaina, ma geya wete 'idi 'ebe gwaemo.

1 Kolinita 15:10

Ma hesi Yehoba 'i'atemuya muyaegauwa ta 'ilemegauwa. Coinega geya 'i'abihete daidaisigau, weyahina yahemisa bwaibwaina ma tohepwailao mabwaiyadi 'idi paihowa ya'ebesineya, geya taugu 'igu waiwaiyega, ta Yehoba 'ina helau 'oinega.

1 Kolinita 3:5

Togidega taugu ma Apolosa weyahima wahehe'ohe'ohe? Tauma topaihowa tuwa, 'ida Bada weyahina. Cida Badaina 'ima paihowa 'i'ebwaemaiya hagadi ma hagadi 'apaipaihowadi, ma 'oinega 'omi Keliso wahemisaeya.

1 Kolinita 7:25

Geya 'aigeda wete loina Yehoba 'i'ebwaegauwa gumalaulau taudi geya sihai weyahidi, ta hesiyage 'ihelauwegauwa ma nuwatuhu dumwalunega 'i'ebwaegauwa loinaina weyahina.

2 Kolinita 4:1

Cima paihowa bewa Yehoba 'ina 'atemuyemuyega 'i'ebwaemaiya, 'oinega sahena 'awe'awe'a.

Galetiya 3:26

ma hesi 'ida hemisega Yehoba mabwaiyada 'i'ahwa natunegita, Yesu Keliso mahetedai.

Galetiya 3:28

Weyahina mabwaiyada Keliso mahetedai, ma geya 'eta wete wataha solada 'imiyamiya. Coinega meYudiya ma hali bodao mahemahetena, ma babadao ma 'idi topaihowao mahemahetena, ma wete meloheyadi ma mewahinedi mahemahetena, weyahina mabwaiyada Yesu Keliso 'oina taheboda 'aigeda,

Pilipai 2:11

ma ta'ahwa moisae 'abehega Yesu Keliso tauna Badaina, ta wete Tamada Yehoba tahepwatuwe.

Pilipai 4:13

sawasawahigu miya mabwaiyana 'oidiya yada yaliyaya tuwa, weyahina tauna mahetegu 'igihe waiwaiyegauwa.

Kolose 1:25

Eeta tohekalesiyao 'omi weyahimi taugu wete Yehoba 'ina loinega yahetopaihowa, ma 'oinega Yehoba 'ina gwae yahehepwaila latuhe.

1 Timoti 1:1

Yauwedo Timoti, 'ino leta bewa 'oiguwega 'itautauyawa. Taugu Paulo, Keliso weyahina yahetohepwaila 'ada To'abiheteina Yehoba ma Yesu Keliso 'idi loinega, weyahina Keliso 'oina tahehemisa 'ida 'abihetena 'abwa weyahina.

1 Timoti 1:11

He'ita dumwalunaina Yehoba 'oinega, tauna 'iboi 'asilala ma yaliyaya huhuna, ma 'igu paihowa 'i'ebwaegauwa wasana yaguguyae tomota 'oidiya.

1 Timoti 1:2

Cowa mwalo Keliso 'uhemisaeya, 'oinega ya'ahwa natunegowa moisa. Tamada Yehoba ma 'ida Bada Yesu Keliso sihelauwego, ma wete si'atemuyemuyego, ma 'umiya yaliyaya.

1 Timoti 6:13

Cowa Timoti yaloinaego Yehoba matana, tauna ginaula mabwaiyana yawasidi 'ana to'ebwaya, ma wete Yesu Keliso matana, tauna mwalo Ponitio Pailato 'oina gwae moisega 'igwaeya.

2 Timoti 2:2

wasana 'u'itayahi, wasaina 'oiguwega 'uhesagoheya tomota mabwaiyadi matadiya, 'oinega taudi ma'adi hemisa 'oidiya 'u'ebwaedi, ma taudi wete hali boda sihe'itadi.

2 Timoti 4:17

Ta 'igu yatalaina 'oina Yehoba 'i'abihetegauwa ta waiwai 'i'ebwaegauwa, ma tetelina mabwaiyana yahepwaileya tomiya ganamuli baibaiwadi 'oidiya, ma Yehoba 'ina 'abihetena 'oinega geya laiyoni 'oidiya siulegau.

Taito 1:4

Taito, 'owa ya'ahwa natunegowa moisa 'ida hemisa 'aigeda, 'oinega Tamada Yehoba ma 'ada to'abihetena Yesu Keliso 'idi helauwega si'abihetego ma 'umiya daumwala.