1 Tesalonaika 3:2 - Loina Nuahuana

² Coinega 'iyadaina Timoti yahesumaneyawa, weyahina tauna wete 'aigeda 'ima boda Yehoba 'ina paihowa Keliso tetelina weyahina, 'iyadaina yahesumaneyawa ma 'ane 'i'abihe waiwaiyegomi ma Keliso 'oina wahemisa moisa,

1 Tesalonaika 3:2 ပူးပေါင်းရင်းမြစ်များ

Paihowa 16:1

Paulo ma Sailasa 'idi sakowasi 'oina sitauya Debi ma Lisitila, ma Lisitila 'oina Yesu 'ana tomuliya 'aigeda silobeya, sanina Timoti, tauna sinana wahine Yudiya. Sinanaina Yesu 'ana tohemisa, ma tamana hesi gwama Gilisi.

Paihowa 16:5

Coinega tohekalesiyao 'idi hemisa 'ihewaiwaiya, ma sabwelo 'aigeda 'aigeda 'oidiya 'adi boda 'imadomadou.

Paihowa 18:5

Ta tutaina Sailasa ma Timoti Masidoniyega sihapwesama, Paulo 'ina loguguya 'oina 'ihetapewa waiwai, ma meYudiya 'oidiya 'ihehepwaila 'abehega To'abihetenaina tauna Yesu.

Loma 16:21

Bewa Timoti ma taugu 'ima helau 'oimiya, Timoti tauna mahetegu 'apaipaihowa, ma tupwana wete 'iyamayao meYudiya taudi Lukiyo ta Yesoni, ta Sosipateli.

1 Kolinita 3:10

Weyahina Yehobaina 'ihelauwegauwa ma 'ihesumanegauwa ma 'abehega 'ina to'abi hada, 'oinega 'ohola yalagu bwaibwainidiya ma 'oinega tupwadi topaihowa 'oholaedi 'oidiya ma si'abi, 'ilobwainediya ma sida 'abi bwaibwaina.

1 Kolinita 4:17

Ma natugu Timoti yahewasaeyawa ma 'ane 'ihepwaile 'oimiya, 'igu hemisa Keliso 'oina weyahina, gidemusa tohekalesiyao yahe'itediya 'asa mabwaiyana 'oidiya, ta 'oinega sahena wanuwanuwa naidedi. Timotiina yahelauweya ma yahemiseya, weyahina 'ida Bada 'ina paihowa 'oina 'ihetapewa hedada, ma bewa tuwa 'inaonaowa 'oimiya.

2 Kolinita 1:1

Yauwedo meKolinita 'omi Yehoba 'ina tohekalesiyao ma 'omi wete Yehoba 'ana tohemisao tupwa Akaya mabwaiyana 'alona, 'imi leta bewa tasidai Timoti 'i'abihetegauwa ma 'aleleyawa, taugu Paulo 'oiguwega, weyahina Yehoba 'ina hesinuwega yahetohepwaila Yesu Keliso weyahina.

2 Kolinita 1:19

Gidemusa Yehoba Natuna Yesu Keliso, tauna weyahina Silibenosi ma Timoti ba'idagwao 'alohatotowa 'oimiya, 'abehega Yesuina geya 'itagwala 'abo'abo, ma hesi tuta mabwaiyana 'itagwala bwaibwaina.

2 Kolinita 2:12

Mwalo yatauya Tilowasi, Keliso tetelina sabi lohatotoina, ma Yehoba 'eda bwebwe'ana 'iso'eya, 'igu lohatotoina weyahina,

2 Kolinita 2:13

ma hesi yanuwatuhuya madouna weyahina tasigu Taito geya yaloba. Coinega meTilowasi ya'ebesinediya ma yatauya Masidoniya.

2 Kolinita 8:23

Taito wasanapuya 'abehega ba'idagu 'apaihowa mahemahetena 'ami lema weyahina, ma tasidaowedi taudi tohekalesiyao weyahidi sipaipaihowa, ta weyahina tomota Keliso sihepwatuweya.

Pilipai 1:25

Coinega yasanapu bwaibwainiya 'abehega 'omi mahetegwao tamiyamiya, ma yalemelemegomi eema wayaliyaya 'imi hemisa Keliso 'oina weyahina.

Kolose 1:1

Taugu Paulo, ma Yehoba 'ina hesinuwega yahetohepwaila Yesu Keliso weyahina, ta tasidai Timoti 'i'abihetegauwa, 'oinega 'imi leta bewa yaleleyawa,

Kolose 1:7

Moisa, 'iyada Epapilaina loheya bwebwe'ana, 'oinega wasaina 'ihe'ita nugetegomiya. Weyahina tauma 'ihemiyalaemaiya ta 'ihehetapewa Keliso weyahina 'oimiya.

Kolose 4:12

Epapila wete 'ina loyauwedo 'oimiya, tauna 'aigeda 'imi boda 'oimiyega. Ta 'ipaipaihowa To'abihetena Yesu weyahina, ma wete 'ina 'ahwanoi 'oidiya 'i'ahwa'ahwanoi waiwai ma 'ane watoholo pa'ala, ma'imi mumuga mabwaiyana bwebwe'ana, gide Yehoba nuwanuwana.

Kolose 4:9

Ma tasidai Onesimo Tikiko ba'idana sitautauyawa, ta Onesimoina tauna tuwa 'imi 'asa loheyaina, ta loheya bwebwe'ana, ma'ana hemisa. Ma taudi to'aha 'ebwa silatulatuwa sihegwaegwae 'oimiya.

1 Tesalonaika 3:13

Ma 'ane 'abwa tutaina 'ida Bada Yesu, ma 'ana tohemisao silatuma, 'omi ma'imi waiwai ta nuwami 'ehaudi, Tamada Yehoba matana watoholo.

1 Tesalonaika 3:5

Bewa huhuna 'oinega yanuwanuwatuhu hedade, ma Timoti yahewasaeyawa ma 'imi hemisa 'i'ita, ma tetelimi 'i'eweyama, weyahina ya'ateyohowa Seitani 'oina, nata gide 'ebetoho madouna 'i'ebwaegomi ma wawe'a, ma nata gide 'ima paihowa mwalo 'oimiya 'i'abihegala.

2 Tesalonaika 2:17

Yehoba tauna ta 'ida Bada Yesu Keliso sida 'abihe yaliyayegomi, ma sida 'abihe waiwaiyegomi, ma 'ane waguibiga 'imi paihowa 'oidiya, ta tuta mabwaiyana 'imi hegwaegwae sibwebwe'ana.