1 Tesalonaika 2:2 - Loina Nuahuana

² Wanuwatuhuyahi wete mePilipai mwalo simumuga geyogeyoiyemaiya ta si'abihedeba mwadinemaiya, ma tuwa Yehoba tauna 'i'abihe'ate patuwemaiya ma tetelina bwebwe'ana 'ahepwaileya 'oimiya, bwagana tomota silolo'alehemai, ma 'alologuguya 'oimiya,

1 Tesalonaika 2:2 ပူးပေါင်းရင်းမြစ်များ

Paihowa 14:3

Ma 'iyamo tuta dudulena Paulo ma Banaba simiyamiya tupwaina 'oina ta ma'idi 'atepatu silologuguya Bada weyahina. Ma Badaina 'ina waiwaiyega paihowa 'ebe henainaida ta hedehedede sipaihowediya, ma 'oidiyega Badaina 'ina helau wasana 'ana moisa tauna 'ihe'itediya tomota 'oidiya.

Paihowa 14:5

Coinega taudi ganamuli, geya meYudiya, ta meYudiya wete ma'idi babadao siloina hegogona ma Paulo ma Banaba sida gihemuyadi, ta da'uleyega sida lohe'amasidi.

Paihowa 16:12

ma Niyapoli 'oinega 'atauya Pilipai, tauna 'asa madouna tupwa Masidoniya 'alona, ma gogoina 'alona meLoma taumana baibaiwadi simiyamiya, nage 'oina 'amiya hila sabwelo tupwana 'oidiya.

Paihowa 16:19

Ma gumalaulauina 'ina babadao sigamwasowalemaiya, weyahina 'idi mane madouna 'ana 'ebeloba tauna gumalaulauina, ta Paulo 'i'abihe bwebwe'aneya. Coinega Paulo ma Sailasa si'abiyahidiya ma silisi dadanediya, ta sitauyediya 'ebehegimwane 'oina, ma sitoediya toloinao 'oidiya sabi yatalaedi,

Paihowa 16:37

Ma Paulo 'ilogwahata, 'igwaeya, “Sahena 'atautau. Weyahina geya 'aigeda 'ima puimo yatala 'oina siloba, ma boda matadiya sihunu dadanemaiya, ta deliya silagu luhuwemaiya, ma tauma hesi mwalo 'ahe Loma. To'aha weyahina 'abehega silihasimai ma sitoe latuhemai dahwanega? Ma 'ilobwainediya hesi taudi tuwa sinaoma ma sitoe hapwesemai.”

Paihowa 17:1

Eeta sitauya Amipipoli ma Apoloniya 'oidiya, ma Tesalonaika 'oina silatuwa, ta Tesalonaika 'oina meYudiya 'idi hada tapwalolo 'imiyamiya.

Paihowa 17:17

Coinega ba'idanao sihe'ohe'ohe nuwatuhu bewa weyahina, meYudiya ma tupwadi Yehoba 'ana tohemisao wete ba'idadiyao sigwaegwae, meYudiya 'idi hada tapwalolo 'oina, ma wete toni'asa, 'eguma 'ihalobadi 'ebe gimwane 'oina, ba'idadiyao sigwaegwae sabwelo 'aigeda 'aigeda 'oidiya.

Paihowa 19:8

Ma wai'ena 'etoi 'oidiya meYudiya 'idi hada tapwalolo 'alona Paulo 'iluhuluhu, ma Yehoba 'ina hetoloina weyahina ma'ina 'atepatu 'igwaegwae, ta 'i'ohe'ohe 'i'i'i'imidi.

Paihowa 4:13

Ma toloinaowedi si'iteya Pita ma Yoni 'idi 'atepatu, ma sisanapuya 'abehega taudi tuwa tomiya 'asa, ma 'ebe se'ulu madouna 'oidiya geya siluhuluhu, 'oinega nuwadi sihepwanopwanowa ma sinuwatuhuya 'abehega mwalo Yesu ba'idadiu simiyamiya.

Paihowa 4:20

Ma tauma hesi geya sowasowahima ma 'ima gwae 'alolagu ginauledi 'a'itediya ma 'ahesagohediya weyahidi.”

Paihowa 4:31

Cidi 'ahwanoi bewa silosalohiya, ma hadaina 'oina simiyamiya 'ilonihuwa, ma mabwaiyadi Yaluyaluwa Tabuna 'ina waiwai 'oinega si'atepatu, ma Yehoba 'ina gwae sigwae latuheya.

Paihowa 5:41

Ma silihasidiya ma sihapwesa, ma sitauya taudi 'idi boda 'oidiya ma'idi yaliyaya, weyahina sowasowahidi ma muyaedi silobadi Yesu sanina weyahina.

Loma 1:1

Taugu Paulo, Yesu Keliso weyahina yahetopaihowa. Yehoba 'ihesinuwegauwa 'abehega tetelina bwebwe'ana weyahina yahetohepwaila.

2 Kolinita 3:12

Tanuwatuhu yahiya 'abehega loina hauhauna 'oinega tabwebwe'ana hataya, ma weyahina ta'atepatu,

Kolose 2:1

Nuwanuwagu ma wanuwa sabwalena 'abehega taugu yahetahetapewa madouna 'omi weyahimi, ma wete Leodisiya weyahidi, ma wete taudi 'abwa geya si'itegau weyahidi.

1 Tesalonaika 1:5

Coinega tutaina tetela bwebwe'ana ya'ebwaegomiya, geya 'abehega gwae namo, ma hesi Yaluyaluwa Tabuna gwaeina 'i'abihe pa'aliya 'oimiya, ma 'ane gwaeina wa'ahwa moisae, ta tauma wete 'ima paihowa weyahimi wa'iteya, beno paihowa dumwaluna.

2 Timoti 1:12

Bewa weyahina 'igu miyamwau yalobeya, ma hesi geya weyahina yadeba mwadina, weyahina 'ida Cinapwanaina yahemiseya tauna yasanapuya, ma to'aha 'i'ebwaegauwa sowasowana 'i'itayahiya nimanega, eema sabweloina madouna 'inaonaoma 'oina.

Yude 1:3

Ciyagwao, nuwanuwagu ma 'ada 'abihetenaina weyahina yaleleyawa, ma hesi geya sawasawahina, weyahina 'aigeda mwau 'ihapwesa pwaiya 'oimiya, 'oinega 'ilobwaineya ma leta bewa 'oinega yalohatotogomi ma 'abehega geya'abwa 'ida tapwalolo dumwadumwaluna walologwahate, ma hesi wahetapewa weyahina. Weyahina 'ida tapwaloloina tauda Yehoba 'ana tohemisao 'i'ebwae pwaigita.