1 Pita 5:9 - Loina Nuahuana

⁹ Ma geya'abwa wamatamatauta, ma hesi 'imi hemisa 'oina watoholo pa'ala, weyahina wasanapuya 'abehega 'iyadao taudi Yesu 'ana tohemisao mwauwedi silobalobadi tupwa mabwaiyana 'oidiya.

1 Pita 5:9 ပူးပေါင်းရင်းမြစ်များ

Luke 22:32

ma sahena 'ebetohoina 'oina 'uwe'awe'a, weyahina weyahiu ya'ahwanoi waiwaiya 'ino toholo pa'ala weyahina. Coinega 'eguma to tuta ma 'unuwahilama 'eda 'ausalana 'oina, tasimwao wete 'u'abihe waiwaiyedi.”

Yoni 16:33

Gwae bewa ya'inanediwa 'oimiya ma 'oiguwega wanuwa daumwala. Ma hesiyage 'imi miya gogo gabulena 'oina nata 'igala. Ma hesiyage wa'atepatu, weyahina taugu gogo gabulena 'ana loina mabwaiyana yahewaiwai sinediya.”

Paihowa 14:22

Ta 'idi lohihilaina 'oina Yesu 'ana tohemisao sigihe pa'alidiya 'asa 'aigeda 'aigeda 'oidiya, ta siguguyediya ma gesowana 'idi hemisa 'ida we'awe'a, ma sigwaeya, “Moisa 'abwa 'ida muya baibaiwadi 'oidiyega taluhu Yehoba 'ina 'ebeloina 'oina.”

1 Kolinita 10:13

Weyahina 'ebe tohowedi 'oidiyega Seitani 'itohotohogomi, mabwaiyada wete 'itohotohogita, ta hesi Yehoba tahemisaeya weyahina 'ina loina 'ilaguya ma sahena Seitani 'itohotoho hedadegita. Eema 'eguma tahe'alama'i'itana nata 'eda bwebwe'ana 'ihe'itegita ma 'oinega 'ebe tohowedi tahewaiwai sinedi.

Epeso 4:27

ma geya'abwa Tomudulele 'ina tuta wa'ebwa'ebwae ma 'ihetoloina 'oimiya.

Epeso 6:16

Ma wete 'imi hemisa gide 'imi lobodaboda 'oinega wa'ausigomi, beno sawasawahina Tomudulele 'ina 'aliliya waiwaidi 'ihabodebodedi.

Kolose 2:5

Sauga bewa wahigu 'imiya bwaga 'oimiyega, ta 'igu nuwatuhu 'oimiya 'imiyamiya, 'oinega yayaliyaliyaya 'imi miya bwebwe'ana ma'imi hemisa waiwai Keliso 'oina weyahina.

1 Tesalonaika 3:3

ma 'ane sahena 'ami mwauwao 'oidiyega wawe'awe'a. Weyahina miyamwauwedi wasanapudiya 'abehega mabwaiyada talobalobadi.

1 Timoti 6:12

Ma wete tapwalolo 'ana paihowa bwebwe'adi 'oidiya 'utoho ma 'uhewaiwai, ma yawasiu miyamiya hatayana wete 'u'abiyahi, weyahina mwalo Yehoba 'ihesinuwegowa, beno tutaina 'ino hemisa 'uhepwaila latuwa tomota mabwaiyadi matadiya.

2 Timoti 3:12

Moisa, 'eguma Yesu Keliso tahemisae, ma tatagwalegita 'ina 'eda bwebwe'adi 'oina, nata miyamwau tomota 'oidiyega taloba.

2 Timoti 4:7

Yalo'aleha pwaiya Yehoba weyahina, ta 'igu hepili yalohe gumwaliya, ta tuta baibaiwana Keliso yahemisaeya.

Ibeliu 11:33

Taudi 'idi hemisega sihewaiwaiya 'adi 'alehao 'oidiyega, ma wete 'idi tomotao siloina dumwaluwediya, ma wete Yehoba 'ina gwae hemisa huwaina silobediya, ma wete laiyoni lolosasaidi si'abi hedaumwalidiya, ta wete

Ibeliu 12:8

Coinega Yehoba wete mabwaiyada 'isapigita, ma 'eguma taiya 'owa Yehoba geya 'isapigo, beno weyahina 'owa geya natuna moisa, ta 'abehega 'owa 'aigeda tamabudabuda.

Yemesa 4:7

Coinega Yehoba 'oina watagwalegomi, ma Tomudulele walogwahate ma tauna 'i'ebesinegomi.

1 Pita 1:6

Coinega wayaliyaya madouna, mane gide tuta to'uto'upana tuwa bewa 'oina tupwana 'ebetohonao mwaudi walobalobadi.

1 Pita 2:21

Ma 'eda bewa weyahina Yehoba 'ibwau pwaigita, weyahina Keliso tauna weyahida 'i'emuyamuya eeta 'ebe'ita 'ilaguya 'oida ma 'abehega leleyana tamuliyedi.

1 Pita 3:14

Ma geya'abwa tomota wamatamatautedi bo nuwana wanuwanuwa mwau 'oidiya, ma hesi wayaliyaya, 'eguma ginaula bwebwe'ana wapaipaihowa ma si'ehe'ehe muyegomi,

1 Pita 4:13

ma hesi wayaliyaya, ma wete wanuwatuhu 'abehega Yesu Keliso muya 'ilobeya, eeta 'omi gidemusa tuwa waloba 'ese, ma muliyetega tutaina 'ina wasawasa 'ihapwesama wayaliyaya madou hedada.

Heꞌitaꞌita 1:9

Taugu tasimiu Yoni. Taheboda 'aigeda pwaiya Yesu ba'idada, ta 'ina 'ebeloina 'alona 'omi ma taugu tahe'alama'i'itanegita, muyamuya ma mwau 'oidiya. Taugu mwalo sipaigauwa ma silagugauwa bwanabwana Patimo 'oina, weyahina yaguguya Yehoba 'ina gwae ma Yesu 'ina tetela.

Heꞌitaꞌita 6:11

Coinega yaluyaluwaedi 'adi 'ale'o wa'ewa'e'edi 'i'ebwaediya, ta 'ihegwaediya ma tuta 'i'iunamo si'aiyawasi, 'ana siga tupwadi wete 'iyadiyao mebale'u silohe'amasidi, gide tuwa mwalo taudi silohe'amasidiya Yehoba 'ina paihowa weyahina, ma 'eguma 'adi hasihasila sawasawahina, 'oinega Yehoba mebale'u tolohe'amasaedi 'iloinaedi.

Heꞌitaꞌita 7:14

Ma 'oina yagwaeya, “Bada 'owa 'usanasanapudi. Taugu geya.” Ta 'ihegwaegauwa, 'igwae, “Bewa bodaedi bale'u 'ana muyamuyao 'oidiyega situpwa, ma 'adi 'ale'owedi Lamiina bweyahinega 'ideulidiya ta siwa'e'eya.