1 Pita 5:8 - Loina Nuahuana

⁸ Coinega walomata yahigomi bwaibwaini 'ami 'aleha Tomudulele 'oinega. Weyahina Tomudulele tauna gidemusa totopwatula, tuta mabwaiyana 'isakosakowasi ma 'i'ebe'ebesa 'abehega 'ana tai 'iloba, ma 'i'ai.

1 Pita 5:8 ပူးပေါင်းရင်းမြစ်များ

Madiu 13:39

ma 'awata 'ana tosaweyana beno tauna Seitani, ma tuta 'eli'eli beno tuta 'ana 'ebelosaloha, ma to'eli'eli taudi anelose,

Madiu 24:42

“Coinega wa'itayahi bwaibwaini, weyahina 'igu hilama 'ana tuta geya wasanapu.

Madiu 25:41

“Ma taudi 'igu 'adigeyageya simiyamiya yahegwaedi, ‘Comi togala wa'ebesinegau, ma watauya 'aiwe ninima hatayana 'oina, tauna Yehoba 'i'atububuya Tomudulele ma 'ina bodao weyahidi.

Madiu 4:1

Bewa 'oinega Yehoba Yaluyaluwana Yesu 'itoeya ma 'itauyeya tupwa balabala 'awawa ma 'abehega 'ana tohona Seitani 'oinega 'iloba.

Madiu 4:11

Ma Seitani Yesu 'i'ebesineya, ma muliyega aneloseyao silatuwa ma silemeya.

Maki 4:15

Tupwadi patuwedi sibe'uwa 'edai, gide tomotaedi Yehoba 'ina gwae sihesagoheya, ma Seitani 'inaoma eema gwaeina 'oidiyega 'i'ewa yahulediya.

Luke 21:34

“Ma wa'itayahigomi ma sahena 'e'ahai ta numa we'aha waiwaidi 'oidiya watautauya hedade, ma wete sahena 'imi miya bale'uwa weyahina wanuwanuwatuhu hedade, 'amuge ma sabweloina 'oina Yehoba 'ilohe'ateyohogomi ta gide gomana 'oinega si'onegomi.

Luke 21:36

“Coinega wa'atububu hataya, ma tuta baibaiwana wa'ahwa'ahwanoi 'abehega ma'imi 'atepatu ginaulaedi 'oidiyega wahewaiwai, ma sowasowana watoholo taugu Loheyaiguina mataguwa.”

Luke 22:31

Ma wete Yesu 'igwaeya, “Saimoni gwae bewa 'uhesagohe, weyahina Seitani tagwala 'i'ewa pwaiya ma mabwaiyami 'itohogomi, gide tuwa tobegula 'ina witiyao 'i'ahu hutuhutu tohodiya,

Yoni 8:44

Comi hesiyage Seitani tamamiu, 'oinega nuwanuwami ma tamamiuina 'ina nuwatuhuwedi wapaihowadi. Weyahina sauga 'ebe hegaina hauhau 'oinega 'itauyama, tauna tolohe'amasa moisa. Geya 'eta wete 'eda dumwadumwaluna 'oinega 'ida tauya. Weyahina geya 'eta wete gwae moisa 'oina 'ida miyana. Tuta mabwaiyana 'oidiya 'e'abo'abo 'oidiyega 'ihehegwaegwae, weyahina tauna tuwa beno gidemusa mumugana, ma wete tauna to'e'abo'abowao mabwaiyadi tamadiu.

2 Kolinita 2:11

'amuge ma Seitani 'ihewaiwai 'oida, weyahina 'ina nuwatuhu galana tasanapu pwaiya.

Epeso 4:27

ma geya'abwa Tomudulele 'ina tuta wa'ebwa'ebwae ma 'ihetoloina 'oimiya.

Epeso 6:11

ma Yehoba 'ina tobwatobwa 'aleha mabwaiyana 'oidiyega wa'otena, ma 'oinega geya'abwa wawe'awe'a tutaina 'eguma Tomudulele 'i'abowegomi.

1 Timoti 2:15

Ma bewa tutaina 'oina wahiwahine 'idi tuta henatuna 'oina, Yehoba sawasawahina 'i'abihetedi, 'eguma ma'idi hemisa, ma wete ma'idi helau, ma mumugadi 'ehauna, ta dumwaluna.

1 Timoti 2:9

Wahiwahine wete nuwanuwagu siboi sihepasadi mumuga bwebwe'adi 'oidiyega weyahina beno totapwalolo 'ilobwaineya, ma sahena wahidi sipasa hedadedi ma 'oina 'idi tuta siuleule, ma sida pasa moisa, ma sahena sigagagagasa.

1 Timoti 3:11

Mwanediyao wete gide ma'idi nuwatuhu dumwadumwaluna, ma sahena 'iyadiyao si'ahwa'ahwa galagalaedi, sahena bwasi galana sinumanuma hedade, ma hesi siguibiga moisa.

1 Timoti 3:2

ma 'ana loina bewa: mumugana bwebwe'ana, mwanena 'aigeda tuwa, totoholo pa'ala ma'ina sanapu ta ma'ina he'asisi, ma tauna wete taumanao 'adi to'itayahi, ma wete tohe'ita bwebwe'ana,

2 Timoti 4:17

Ta 'igu yatalaina 'oina Yehoba 'i'abihetegauwa ta waiwai 'i'ebwaegauwa, ma tetelina mabwaiyana yahepwaileya tomiya ganamuli baibaiwadi 'oidiya, ma Yehoba 'ina 'abihetena 'oinega geya laiyoni 'oidiya siulegau.

Taito 1:8

Ma hesi 'adi lobwaina ma taumanao si'itayahidi, ma mumugadi tuwa 'ausaladi, ta 'idi nuwatuhu matuhadi. Ma wete mumugadi dumwaludi, ma 'ehaudi, ta taudi to'alama'i'itana.

Taito 2:12

ta 'ihe'itaegita ma mumuga besobeso ma nuwatuhu galadi talogwahatedi, ma hesi tamiya mumuga bwebwe'adi ma dumwaludi 'oidiya.

Taito 2:2

Ma babadaedi 'uhegwaedi sahena sinumanuma yauyaule we'aha galana, ma sahena wete siyaliyaliyaya besobeso, ma hesi Yehoba sihemisa moisa, ma helau ta 'alama'i'ita 'oidiyega simaha.

Taito 2:4

ma 'ane mwanediyao ta natudiyao sihelau bwaibwainidi.

Taito 2:6

Loheloheya hauhaudi 'uguguyadi ma mumugadi si'itayahidi.

Yemesa 4:7

Coinega Yehoba 'oina watagwalegomi, ma Tomudulele walogwahate ma tauna 'i'ebesinegomi.

1 Pita 1:13

Coinega ginaula bewa weyahina 'imi nuwatuhu mabwaiyana wagihepa'alidi, ma wete 'imi hemisa walagu bwaibwainidi 'abehega tutaina Yesu Keliso 'ihapwesama 'ebe yaliyaya waloba Yehoba 'oinega.

1 Pita 4:7

Muhemuhena ginaula mabwaiyana sigumwala. Coinega wa'itayahigomi ma 'imi nuwatuhuwao wagihepa'alidi, ma tuta baibaiwana wa'ahwa'ahwanoi Yehoba 'oina.

Heꞌitaꞌita 12:10

Muliyetega galewega 'enana madouna yahesagoheya, 'igwaeya, “Bewa tuwa Yehoba 'ina waiwaiyega 'iloinegita, ma 'i'abihetegita. Ta wete 'ada To'abihetenaina 'ihetoloina 'oida. Weyahina tasidao 'adi tohe'ewa, tauna mwalo nihuwana ma sabwelowa Yehoba matana 'itotoholo ta 'ihehe'ewediya, tauna galewega siula latuheya.

Heꞌitaꞌita 12:12

Ee 'oinega tomiya galewa mabwaiyami wayaliyaya, ma hesi 'omi bale'u ma hola 'ana tomiyao mwau madouna 'oimiya, weyahina Seitani 'isulu pwaiya 'oimiya ta ma'ina gamwasowala, weyahina 'isanasanapu 'abehega 'ina tuta to'uto'upana tuwa 'imiyamiya.”

Heꞌitaꞌita 12:9

Hebaiina bwehabwehalina ma madouna, tauna mwata nugenugetaina sanina Seitani, gide Tomudulele, tauna bale'u 'ana to'abo. Tauna ma'ina aneloseyao mabwaiyadi bale'uwa siula suluhediya.

Heꞌitaꞌita 20:10

Coinega 'adi to'abo Seitaniina si'eweya, 'asa 'ala'alata 'alona siuleya. Yahiyahiina 'alona mwalohene hebaiina ma palopita 'abo'aboina siula pwaidiya, ma tupwaina 'oina sitetoiyedi simuyamuya sabwelo ma nihuwana 'oidiya, ta geya'abwa 'igumwagumwala.

Heꞌitaꞌita 20:2

ta hebai bwehabwehalina 'i'abiyahiya, tauna mwata nugenugetana ma Tomuduleleina, beno Seitani, ta 'ipaiya ta 'ana siga bolime tausani sigumwala.