1 Pita 5:14 - Loina Nuahuana

¹⁴ Coinega wahelau hilegomi 'aigeda 'aigeda 'oina, ma wa'atusapwali hilegomi helau moisega. Ma 'omi Keliso 'ina tomotaiyao wamiya yaliyaya. Taugu Pita.

1 Pita 5:14 ပူးပေါင်းရင်းမြစ်များ

Madiu 5:47

Wete 'eguma tasimiyaomo wahe'iya'iyaguwedi geya mumugami hali tomota mumugadi 'ibwebwe'ana sine, weyahina taudi ganamuli 'iyadiyaomo sihehelabinidi, 'oinega taudi ma 'omi tuwa mumugami mahemahetena.

Yoni 14:27

“Ma hesi taugu sauga 'i'iunamo ma ya'ebesinegomi, 'oinega taugu tuwa 'igu nuwadaumwala 'oinega nuwadaumwala ya'ebwaegomi. Nuwadaumwala bewa geya gidemusa mebale'u 'oidiyega, 'oinega sahena nuwami sihehelahalaha bo 'atemi siyohoyoho.

Yoni 16:33

Gwae bewa ya'inanediwa 'oimiya ma 'oiguwega wanuwa daumwala. Ma hesiyage 'imi miya gogo gabulena 'oina nata 'igala. Ma hesiyage wa'atepatu, weyahina taugu gogo gabulena 'ana loina mabwaiyana yahewaiwai sinediya.”

Yoni 20:19

Ma wete wiki 'ana sabwelo nugenugetaina lahilahiyega Yesu 'ana tomuliyaowedi 'oidiya 'ilatuwa. Tutaina 'oina, 'ana tomuliyaedi hada 'aigeda 'oina siluhuwa ma si'eda gudu su'wasu'wana ma solana simiyamiya, weyahina meYudiya simatautediya. Coinega Yesu 'oidiya 'ilatuwa ma gamwagamwanidiya 'itoholowa ma 'ihegwaediya 'igwae, “Sahena wa'ate'ate yoho.”

Yoni 20:26

Coinega wiki 'aigeda 'igumwala ma tomuliyaedi wete simiya 'autahila, hada 'aigeda solana si'edagudu hila simiyamiya, ma Yesuina 'oidiya 'ilatu hila. Tuta bewa 'oina Tomasi mahetediu. Coinega Yesu 'oidiya 'ilatuwa ma gamwagamwanidiya 'itoholowa ma 'ihegwaediya 'igwae, “Sahena 'ateyoho.”

Loma 1:7

Tamadai Yehoba ma 'ida Bada Yesu Keliso 'idi helauwega tuwa wamiya daumwala.

Loma 16:16

Caigeda 'aigeda 'iyamiyaowedi mahetemiyao he'iya'iyagu 'ana moisega wa'atusapwalidi. Ta wete tohekalesiyao mabwaiyadi tupwa baibaiwana 'oidiyega, 'idi helau tohekalesiyao tupwa Loma 'oimiya.

Loma 8:1

Coinega 'eguma Yesu Keliso mahetedai, nata geya 'eta taiya 'ina gwae mwauna 'oida 'ilagulagu.

1 Kolinita 1:30

Weyahina Yehoba tauna 'ina paihowega Yesu Keliso mahetedai tahe'aigeda, 'oinega Yehoba 'ina sanapu Yesuina 'ilagu balaheya 'oida, weyahina Yesu tauna wahina 'ipwaoliyeya weyahida, ta 'oinega 'i'abihe 'ehaugita ma 'i'abihe dumwalugita.

1 Kolinita 16:20

Tohekalesiyao mabwaiyadi wete 'idi helau 'oimiya. Ciyamiyao helauwega wa'atusapwalidi.

2 Kolinita 13:12

Ciyamiyao ba'idamiyao wa'atusapwaligomi lotohona bwebwe'ana 'oinega.

2 Kolinita 5:17

ma hesi wanuwatuhuyahi 'abehega taiya Keliso 'oina 'imiyamiya, tauna 'ihetomota hauhauna. Cina mumuga miyamiyaina 'igumwala pwaiya, ma hauhauna 'ilatuwa.

Epeso 6:23

Helau ma hemisa ma yaliyaya Tamada Yehoba ma Bada Yesu Keliso 'oidiyega, 'omi 'iyagwao moisa 'oimiya.

1 Tesalonaika 5:26

Ma wete tohekalesiyao mabwaiyadi helauwega wa'atusapwala hiledi.

1 Pita 1:2

Comi mwalo Yehoba 'inuwatuhugomiya ma 'ane 'ihesinuwegomi 'ina tomotaiyao, eeta 'ina Yaluyaluwa Tabuna bo'i 'igihe'ehau hilegomiya, beno Natuna bweyahinega, ma 'abehega Yesu Kelisoina 'enana wahematamatane. Sowasowana helau ma nuwadaumwala simadou 'oimiya.

3 Yoni 1:14

ma tuwa, weyahina yanuwatuhu yahiya 'abehega 'abwa yatauyawa ma 'owa mahetegu tahegwaegwae.