1 Pita 4:7 - Loina Nuahuana

⁷ Muhemuhena ginaula mabwaiyana sigumwala. Coinega wa'itayahigomi ma 'imi nuwatuhuwao wagihepa'alidi, ma tuta baibaiwana wa'ahwa'ahwanoi Yehoba 'oina.

1 Pita 4:7 ပူးပေါင်းရင်းမြစ်များ

Madiu 24:42

“Coinega wa'itayahi bwaibwaini, weyahina 'igu hilama 'ana tuta geya wasanapu.

Madiu 25:13

“Coinega sawasawahimi wa'itayahi, weyahina sabweloina, nuwana tutaina yalohihilama, geya wasanapu.

Luke 21:34

“Ma wa'itayahigomi ma sahena 'e'ahai ta numa we'aha waiwaidi 'oidiya watautauya hedade, ma wete sahena 'imi miya bale'uwa weyahina wanuwanuwatuhu hedade, 'amuge ma sabweloina 'oina Yehoba 'ilohe'ateyohogomi ta gide gomana 'oinega si'onegomi.

Luke 21:36

“Coinega wa'atububu hataya, ma tuta baibaiwana wa'ahwa'ahwanoi 'abehega ma'imi 'atepatu ginaulaedi 'oidiyega wahewaiwai, ma sowasowana watoholo taugu Loheyaiguina mataguwa.”

Luke 22:46

eeta 'ihegwaediya, 'igwaeya, “Sahena wa'eno'eno! Watoholo ma wa'ahwa'ahwanoi, sahena Seitani 'itohotohogemi.”

Loma 12:12

Ma wanuwatuhuyahi 'abehega tuta 'inaonaoma Yehoba 'ina 'abihetena 'ilatuma, ma weyahina wayaliyaya, 'oinega 'imi miyamwau 'oidiyega wa'ahwa'ahwanoi Yehoba 'oina, ma'imi 'alama'i'ita.

1 Kolinita 15:24

Ma muliyetega Kelisoina nata toloinao mabwaiyadi 'ihewaiwai sinedi gide welabana ma hi'ahi'a ma yaluyaluwa galadi mabwaiyadi 'ihewaiwai sinedi, ma tuta 'ana 'ebe losaloha 'oina Keliso 'ina 'ebeloina 'i'ebwae Tamana 'oina.

1 Kolinita 7:29

Weyahina tuta mwauna bale'u 'ihahoho pwaiya, ma 'omi mehaihai 'ilobwainegomiya mumugami gidemusa taudi geya sihai.

Epeso 6:18

Tuta mabwaiyana Yaluyaluwa Tabuna 'ina lema 'oinega 'ahwanoi baibaiwadi 'oidiyega wa'ahwa'ahwanoi Yehoba 'oina. Sahena wawe'awe'a ma hesi ma'imi toholopa'ala wa'itayahigomi ma wa'ahwanoi tohekalesiyao mabwaiyadi weyahidi,

Pilipai 4:5

Cilobwainegomiya ma tomota mabwaiyadi 'imi he'alama'i'ita sida sanasanapu, weyahina 'i'iunamo 'ida Badaina 'ina sauga hilama.

Kolose 4:2

Wa'itayahigomi ma sahena 'imi 'ahwanoi siwe'awe'a, ma hesi waloyauwedo Yehoba 'oina, ma wahe'alama'i'itana 'imi 'ahwanoi 'oidiya.

2 Timoti 4:5

Ma 'owa sahena gide taudi. Sauga mabwaiyana 'utoholo pa'ala, ta 'ino miyamwau 'oidiyega 'u'alama'i'ita, ma wasa bwebwe'ana 'uhehepwaile. Bewa 'oinega ma 'ane 'owa topaihowa waiwaina Yehoba 'ina paihowa 'oina.

Taito 2:12

ta 'ihe'itaegita ma mumuga besobeso ma nuwatuhu galadi talogwahatedi, ma hesi tamiya mumuga bwebwe'adi ma dumwaludi 'oidiya.

Ibeliu 10:25

Tupwadi 'iyadao tapwalolo 'ana 'eto'autao sinuwanaideya, ta sahena gide 'omi, ma hesi tuta mabwaiyana wa'abihe pa'aligomi, ma 'eguma to tuta wasanapuya 'abehega Yesu 'ina tuta hilama 'ihahoho nata wahe'abi 'abihetena hilegomi moisa.

Ibeliu 9:26

Moisa, 'eguma Keliso 'ina paihowa taudi topwaoli madoudi gide, 'ida 'amasa hilahila bale'u 'ana gihehemasalaha 'oinega ta tuta nige. Ta hesi ma'aigedamo tuwa, tuta 'ana 'ebelosaloha bewa 'oina, wahina tauna 'ipwaoliyeya, mumuga galadi 'adi nuwasam weyahina.

1 Pita 1:13

Coinega ginaula bewa weyahina 'imi nuwatuhu mabwaiyana wagihepa'alidi, ma wete 'imi hemisa walagu bwaibwainidi 'abehega tutaina Yesu Keliso 'ihapwesama 'ebe yaliyaya waloba Yehoba 'oinega.

1 Pita 3:7

Ma 'omi wete tohai meloheyami mamwanemiyao wamiyamiya, wanuwatuhuyahi 'abehega taudi we'awe'adi, 'oinega wahe'asisiyanedi ma wa'itayahidi, weyahina 'omi mamwanemiyao mahetemiyao yawasimi Yehoba 'i'ebwaegomiya. Bewa gidemusa wamumuga 'esa ma 'oinega geya'abwa to'aha galana 'imi 'ahwanoiyao 'i'abihewe'adi.

1 Pita 5:8

Coinega walomata yahigomi bwaibwaini 'ami 'aleha Tomudulele 'oinega. Weyahina Tomudulele tauna gidemusa totopwatula, tuta mabwaiyana 'isakosakowasi ma 'i'ebe'ebesa 'abehega 'ana tai 'iloba, ma 'i'ai.

Heꞌitaꞌita 16:15

“Wahesagoha, 'abwa 'igu hapwesama gide toyagaha 'idi hapwesama tuwa, ma 'eguma 'owa taiya 'ulomatayahi ma 'a 'ale'o 'u'otemomosi, 'uyaliyaya, 'ane geya'abwa 'umwadina 'ino bugewa weyahina.”