1 Pita 4:3 - Loina Nuahuana

³ Mwalo 'imi mumuga galana gidemusa taudi tomiya ganamuli, ma mumugaedi bewa walogwahatedi, gidemusa sogala ma nuwa'ubuna ma bwasi waiwaidi 'adi numa yauyaule, ma he'iya'iyagu paihowa galadi weyahidi, ma wete hemisa 'abo'abodi hali ginaulao 'oidiya.

1 Pita 4:3 ပူးပေါင်းရင်းမြစ်များ

Maki 7:22

lomata tobwatobwa, gamwasowala, 'abo, ganawala, he'ipi'ipi, sinala, nuwahane, ma heyauyaule.

Paihowa 17:30

“Tutaina mwalo tomota Yehoba sihemwage mwageyeya, 'oinega geya 'ida gamwasowalediya, ma hesi bewa tuwa tauda tomota tupwa mabwaiyana 'oidiya 'iloinaegita ma 'ida pui 'oidiyega tanuwabui.

Loma 13:13

Coinega ta'ita yahigita ma sahena we'aha waiwaina tanumanuma ma taheyauyaule, sahena wete talologwali, ma sahena wete tahe'ahwa panapanawa, nuwana tahe'upwa besobeso.

1 Kolinita 12:2

Weyahina mwalo tupwa guguyou 'oina wamiyamiya ta hali 'ebe hemisao 'oidiya watagwalegomiya, taudi geya sawasawahidi ma sigwae, ma hesi si'abowegomiya.

1 Kolinita 6:11

Weyahina tupwami mwalona mumugami gidemusa, ta hesi tuwa Yehoba 'ideuli pwaigomiya, ta wa'ehauwa, weyahina 'ida Bada Yesu Keliso saninega ma Yaluyaluwa Tabuna 'ina paihowa 'oinega 'i'abihedumwalu pwaigomiya.

2 Kolinita 12:21

Cigu 'ateyohoina 'abehega 'eguma yatauya hilawa 'oimiya ma Yehoba 'ebedeba mwadina 'i'ebwaegau matamiya, ma taudi mwalo sipuiya, ma 'idi mumuga bi'ibi'ina ta pui ta ganawala 'oidiyega geya wanuwabui, taudi si'abihenuwa mwauwegau, ma weyahidi yada dou.

Galetiya 5:19

Wahida 'ina paihowa tasanapudiya, beno pui, ma loyawe, ganawala,

Galetiya 5:21

lohesohesoi, ma wete 'ebe yaliyaya galana bwasi waiwai 'ana numa 'oinega, ma wete tupwana mumuga galadi. Mumuga bewa mwalo yahemataluwegomiya, ma nige yahemataluwe hilegomi 'abehega 'adi topaihowao geya'abwa Yehoba 'ina 'ebeloina 'oina siluhuluhu.

Epeso 5:18

Geya'abwa bwasi waiwaina 'oinega wanumanuma yauyaule, beno ginaula 'ebe hesilae, ma hesi Yaluyaluwa Tabuna 'ida lohemahegomi ma

1 Tesalonaika 4:5

ma sahena nuwadahwana, gide ganamuli taudi Yehoba 'ana tohenainaidao.

Taito 3:3

Moisa tauda mwalo yauyauleida ta tologwahata hedada, 'oinega henuhenuwa ma yaliyaya besobeso nuwada si'ewa'ewa ma 'eda bwebwe'ana ta'ebesineya. Ma wete nuwanuwada lo'aleha ma he'ipi'ipi, 'oinega tomota tupwadi silo'alehegita, ma wete tauda talo'alehediya.

1 Pita 1:14

Yehoba 'oina wahematamatana, ma geya'abwa 'imi nuwa'ubunao siloiloinaegomi gidemusa mwalo 'imi tuta hemwagemwage 'oina.

Yude 1:4

Mwauina 'ihapwesa pwaiya 'oimiya, beno tupwadi togala si'abowegomiya ma 'imi boda 'oina siluguwa, 'oinega Yehoba 'ina helau 'oida taudi 'idi he'itega sibuiya ma ganawala, ma wete 'ida Yehoba ma Bada Yesu Keliso silogwahatediya. Taudi 'idi galao weyahidi 'adi loina mwauna mwalohene Yehoba 'ina buki 'oina silele pwaiya.