1 Pita 4:17 - Loina Nuahuana

¹⁷ Ma tuta 'ilatu pwaima ma 'ane bwa'omatana 'ihegaina, ma 'oinega Yehoba 'ina tomotaiyao 'ida bwa'omatana nugetedi, eema muliyetega taudi wasana bwebwe'ana geya sihemihemise, 'idi galao 'ana maisa mwau hedada siloba.

1 Pita 4:17 ပူးပေါင်းရင်းမြစ်များ

Luke 23:31

Moisa, taugu nata yahesilae, ma 'omi 'abwa wahesilae geyogeyoi. Weyahina taugu gide 'aiwe 'idahigu, ma 'omi tuwa gide 'aiwe 'ama'amasidi.”

Loma 1:1

Taugu Paulo, Yesu Keliso weyahina yahetopaihowa. Yehoba 'ihesinuwegauwa 'abehega tetelina bwebwe'ana weyahina yahetohepwaila.

Loma 2:9

Coinega taiyewedi sipaipaihowa galagala, loina mwauna ta muya madouna silobadi, meYudiya nata 'ihenugetedi ee 'abwa 'asa ganamuli.

Galetiya 3:1

Comi meGaletiya yauyauleimi! Taiya hede 'obega 'i'abihe 'wanigemiya? Mwalo 'ahe'itegomiya ta nuwami 'isabwalena moisa Yesu Keliso weyahina, 'abehega keloseya 'i'amasa, ma 'iyamo wanuwanaideya! Coinega wanuwanuwatuhu 'abehega Mosese 'ina loina 'ana hematamatanega 'abihetena waloba?

Galetiya 5:7

Comi mwalo wapili waiwaiya hemisa 'ina 'eda moisa 'oinega, ma taiya 'ilagu bodegomiya?

Galetiya 6:10

Coinega 'ilobwainegita ma tuta mabwaiyana 'oidiya tomota baibaiwadi talemedi, ma hesi Yehoba 'ana tohemisao talemedi madouna.

2 Tesalonaika 1:8

Ma taudi 'ida Bada Yesu Keliso tetelina silogwahateya, ta Yehoba sihenainaideya, 'adi maisa mwauna 'i'ebwaedi.

1 Timoti 3:15

ma 'eguma yaheheboi, leta bewa 'oinega 'usanapu to mumuga tauda totapwalolo 'ilobwainegita, beno tauda 'ida Yehoba mayawasina 'ina boda 'alona, weyahina tauda tohekalesiyao 'ina he'ita moisa 'ana to'ita'ita yahinao.

Ibeliu 11:8

Ebalahamo wete 'ina hemisega Yehoba 'ina bwau 'imuliyeya ta 'abehega 'ina 'asa 'i'ebesine ma 'ina 'asa 'ehauna hali tupwa 'iloba, 'oinega 'itoholowa ta 'itauya, ta geya 'isanapu to tupwa 'oina 'itautauya.

Ibeliu 2:2

Mwalo aneloseyao Yehoba 'ina gwae sihepwaileya tomota 'oidiya, ma gwaeina gwae moisa, 'eguma tomota geya sida muliyediya, beno 'idi pui, ta 'ana maisa silobeya.

Ibeliu 2:4

Ma Yehoba wete 'ihe'ita 'abehega gwaeina gwae moisa, beno 'ila'ilala ma hedehedede ma paihowa waiwaidi 'oidiyega, ta wete Yaluyaluwa Tabuna 'ina heguyai 'oida 'oinega. Ma 'ina 'eheleyedi Yehoba 'ina nuwatuhu gide, ta Yaluyaluwa Tabuna ginaulaedi 'oida 'iheguyaiyediya.

Ibeliu 3:6

Ma 'iyamo Keliso Yehoba 'ina hada 'ihetapewa, geya topaihowa gide, ta hesi tauna natuna moisa. Tauda taboi Yehoba 'ina hadaina tuwa, 'eguma tahemisa hataya ma'ida 'atepatu ta ma'ida yaliyaya.

Ibeliu 5:9

ta 'oinega 'ina mumuga mabwaiyana dumwaluna. Tauda wete 'eguma tahematamatane 'abihetena hataya Yesuina 'oinega taloba,

1 Pita 2:5

Coinega 'omi wete gide yowayowana mayawasina, yaluyaluwami watagwaledi, ma 'oimiyega Yehoba 'ina Hada 'ida 'abi, ma nage 'oina wahetopwaoli 'ehaumi, ma Yesu Keliso 'ilemegomi ma yaluyaluwamiyega wahetopwaoli bwebwe'ana Yehoba 'oina.

1 Pita 2:8

Ma wete 'igwae, “Logidi bewa tomota 'idi 'ebetupa, 'abwa 'oina situpa ma sibe'u.” Ma situpa 'oina weyahina gwae geya sihemisae. Bewa gide Yehobaina 'ina loina nugenugetana taudi weyahidi.