1 Pita 4:14 - Loina Nuahuana

¹⁴ Ma 'eguma tomota si'ahwa galagalaegomi 'imi hemisa Keliso 'oina weyahina, wayaliyaya tuwa, weyahina Yehoba yaluyaluwana 'asi'asilalaina 'oimiya 'imiyamiya.

1 Pita 4:14 ပူးပေါင်းရင်းမြစ်များ

Madiu 5:11

Ma 'eguma weyahigu tomota siloloheliwegomi, si'ale'alehegomi, ma 'idi 'abowega si'ahwa galegalegomi, wayaliyaya tuwa.

Madiu 5:16

Comi wete gide, 'ilobwainegomiya ma 'imi 'asilala wa'abi he'asilala tomota 'oidiya, ma 'oinega 'imi paihowa bwebwe'ana si'ita ma Tamamiu galewa sihepwatuwe.

Luke 6:22

Taugu Loheyaiguina, ma sowasowana wayaliyaya 'eguma weyahigu tomota silolo'alehegomi, nuwana siguipailegomi, nuwana si'ahwa yaliyegomi, nuwana si'ahwa galegalegomi.

Yoni 15:21

Ginaulaedi galadi bewa nata 'oimiya sipaihowadi weyahina 'omi 'igu bodao, ma wete tauna 'ihesumanegauma geya sisanapu.

Yoni 8:48

MeYudiyaedi 'idi 'inapwanao Yesu 'ina gwaeina sihemisaeya, sigwae, “Mwalona 'ima gwae weyahiu, 'ana moisa 'ilatu pwaima. Weyahina 'agwaeya 'abehega 'owa Sameliya loheyaina, ma wete hi'ahi'a* 'oiuwa 'imiyamiya.”

Yoni 9:28

Ma hesi taudi siheliyeya sigwae, “Cowa tuwa 'ana tomuliyaina, taiya hedeyage. Ma tauma Mosese 'ana tomuliyao,

Yoni 9:34

Ta Palisiyedi loheyaina sihegwaeya sigwae, “Cino li'u hauhau 'oinega 'itauyama 'owa 'aigeda topui. Ma bewa 'abehega 'utohotoho ma 'uhe'itemai, 'awa? Taiya 'owa nigeyage?” Coinega loheyaina hada tapwalolo 'oinega sipa'iya ma 'ilatuwa.

Paihowa 13:45

Ma hesi meYudiya, boda madouna si'iteya, 'oinega sihe'ipi'ipiyeya, ma Paulo 'ina guguya si'ahwa 'abo'aboweya, ma si'ahwa galagalaeya.

Paihowa 18:6

Taudi hesi sihe'ohe'oheya, ta si'ahwa 'abo'aboweya, ta 'oinega Paulo 'ana 'ale'o 'ilohutuhutuiya matadiya, beno 'idi logwahata 'ana 'ebe'ita 'ipaihoweya, ma 'ihegwaediya, “Comi 'abwa wahesilae 'imi logwahata bewa weyahina, ta beno waboi 'imi loinega, ta geya taugu 'igu loinega. Coinega ya'ebesinegomi ma tetela yatauye tomiya ganamuli 'oidiya.”

Paihowa 28:22

Ta hesi nuwanuwama 'ahesagohamo 'oiuwega to'aha 'ino nuwatuhuwedi, weyahina tupwa baibaiwadi tomota 'ino boda hekalesiya si'ahwa galegaleya.”

Paihowa 5:41

Ma silihasidiya ma sihapwesa, ma sitauya taudi 'idi boda 'oidiya ma'idi yaliyaya, weyahina sowasowahidi ma muyaedi silobadi Yesu sanina weyahina.

2 Kolinita 12:10

Coinega Keliso weyahina yatagwatagwala mwau baibaiwana 'oidiya, gide we'a 'ahwa galagala, tuta mwau, 'aleha, hesilae. Weyahina 'eguma yawe'a bewa 'igu 'ebehewaiwai!

2 Kolinita 4:10

Tuta mabwaiyana 'oidiya 'ana 'ita gide wahima si'ama'amasa, gidemusa Yesu 'i'amasa, ma 'oinega tomota si'ita Yesu yawasina 'oima 'ipaipaihowa.

2 Kolinita 4:16

Coinega geya 'awe'a. Bwagana wahida siwe'awe'a, ma hesi tuwa 'aloda tahehe'ehau sabwelo 'aigeda 'aigeda 'oidiya.

Galetiya 1:24

Coinega tohekalesiyaowedi Yehoba sihepwatuweya 'igu nuwabui weyahina.

Ibeliu 11:26

Weyahina geya nuwana wasawasa bale'uwedi Itipita 'alona, ma hesi muyamuya Keliso weyahina 'ihesinuweya, weyahina 'isanapuya 'abehega 'abwa maisa bwebwe'ana 'iloba.

Yemesa 1:12

Ceguma taiya 'owa 'ebetohonao 'oidiyega 'utoholo pa'ala, 'uyaliyaya, weyahina 'a maisa bwebwe'ana Yehoba 'oinega 'abwa 'uloba, beno yawasi hataya. Bewa Yehoba 'ina gwaehemisa mabwaiyada 'oida, 'eguma tahelauwe.

Yemesa 5:11

Ta 'eguma taiyawedi taudi gidemusa tahesaniyedi toyaliyaya, weyahina mwauwedi 'oidiyega sitoholo pa'ala. Ma bewa wete 'aigeda 'ebe'ita Yobi 'ina 'alama'i'ita weyahina wasanapu pwaiya, 'abehega Yobiina 'ina miya mwau 'ana 'ebe losaloha 'oina 'ana 'abihetena 'ilobeya 'ida Bada 'oinega, weyahina tauna Badaina helau ta 'atemuyamuya lamuna.

1 Pita 2:12

Ma wamumuga bwebwe'ana taudi geya meYudiya 'oidiya. Weyahina bewa tuwa 'abwa si'ahwa'ahwa galagalaegomi, ma tuta muliyetega 'imi paihowa bwebwe'ana si'ita, ma 'oinega tutaina Yehoba 'ilatuma Yehobaina sihepwatuwe.

1 Pita 3:14

Ma geya'abwa tomota wamatamatautedi bo nuwana wanuwanuwa mwau 'oidiya, ma hesi wayaliyaya, 'eguma ginaula bwebwe'ana wapaipaihowa ma si'ehe'ehe muyegomi,

1 Pita 3:16

Ma to'aha wanuwatuhuya bwebwe'ana, tuta mabwaiyana gidemusa wapaipaihowa 'esa, 'oinega 'eguma taiyawedi si'ahwa galaegomi weyahina 'abehega 'omi Keliso 'ana tomuliyao, 'abwa sideba mwadina, 'eguma 'imi mumuga bwebwe'ana wahe'itedi.

1 Pita 4:16

Ma ginaula bwebwe'ana hesi 'eguma 'omi Keliso 'ina bodao ma muya waloba. Beno geya 'ebe debamwadina, ma hesi Yehoba wahepwatuwe, weyahina 'omi Keliso 'ina bodao moisa.

2 Pita 2:2

Ma tomota baibaiwa hedade 'idi paihowa galana gidemusa pui 'ebe debamwadina sihe'au'aunaowedi, beno Yesu 'ina 'eda moisa 'ana 'ebe 'ahwa galagala.