1 Pita 2:6 - Loina Nuahuana

⁶ Gidemusa wete Buki He'asisi 'oina 'igwaeya, “Wa'ita logidi bewa bwebwe'ana ma hesihesinuwaina yalagulagu nugete hada 'ana 'abi weyahina 'asa Saiyoni 'oina. Ceguma taiyawedi sihemisa tauna 'oina geya'abwa sideba mwadina.”

1 Pita 2:6 ပူးပေါင်းရင်းမြစ်များ

Madiu 12:18

“Wa'ita 'igu topaihowa bewa hesihesinuwaina, ma 'ateguwega yahelauweya ma'igu yaliyaya. Yaluyaluwagu yalagu 'oina ma loina dumwaludi 'ihepwailedi taudi ganamuli 'oidiya.

Maki 12:10

Wete Yesu gwae hegehegedi Buki He'asisi 'oinega 'ihepwaileya, 'igwae, “Wanuwatuhuya Buki He'asisi 'ina hepwaila bewa gide: Logidiina mwalo tohada'abi siguipaileya, ta bewa sihetoholo nugeteya hada mata 'ahwaina ma logidi mabwaiyadi 'iloinaedi.

Luke 20:17

Ma Yesu 'i'ebubudiya ta wete 'oidiya 'igwaeya, “Togidega 'ana sanapu Buki He'asisi 'ina hepwailaina, 'igwaeya, ‘Logidiina mwalo tohada'abi silogwahateya, ta tuta bewa sihetoholo nugeteya hada mata'ahwanina ma logidi mabwaiyadi 'iloinaedi.’

Luke 23:35

Nage 'oina tomota si'e'ebubuna, ta meYudiya 'adi tohanugetao Yesu silolotuyaneya, sigwaegwae, “Hali tomota 'i'abihetediya, ma hana bewa tuwa tauna 'ida 'abihete, 'eguma tauna To'abihetena Keliso Yehoba 'oinega.”

Yoni 7:38

Weyahina Buki He'asisi 'oina 'ihepwaila 'igwae, ‘Taiyawedi 'agu tohemisaowedi, 'atediyega we'aha 'idaudau tomota yawasidi weyahina.’”

Paihowa 1:16

“Tasigwao, mwalo Yaluyaluwa Tabuna Debida 'ina gwae 'i'ebwaeya Yudasa weyahina, ma Buki He'asisi 'oina 'imiyamiya. Yudasaina mwalo mahetedai tahetohepwaila Yesu weyahina, ma hesi 'ida Bada 'itebaeya ta 'i'ebwayaeya Yesu 'ana 'alehao nimadiya. Ta 'aigeda wali Buki He'asisi 'alona Debida 'ina gwae Yudasa weyahina, bewa gide 'igwaeya, 'Cina gogo 'ibisula ma gesowana 'eta taiya loheya 'oina 'imiya.’ Ma wete 'igwaeya, 'Miyalaena tauna 'ina paihowa 'i'ewa.’ Coinega 'ilobwaineya 'ilatu gide gwae bewa 'igwae 'ese.” Pita 'ina gwae bewa gide, weyahina Yudasa 'i'amasa pwaiya. Tauna mwalo 'ina paihowa galana 'ana maisa 'i'eweya ma 'aigeda bale'u 'igimwaneya, ta bale'uina 'alona 'ibe'u talutalubu'iya, ta gamwana 'ilosabuweya, ma sinaena mabwaiyana 'ilatuwa ta tetelina meYelusalema mabwaiyadi sihesagoheya, ta 'enadiyega bale'uina sibwauweya “Akeladama,” ma 'ana sanapu “Bale'u Bweyaha.”

Loma 10:11

Gide Yehoba 'ina Bukiya 'ihepwaila, 'igwaeya, “Ceguma taiyawedi sihemisa, nata geya'abwa siwe'awe'a.”

Epeso 1:4

Weyahina mwalo hene 'abwa bale'u geya 'ihemasalehe ma 'ihesinuwa nugetegita ma 'abehega taheboda 'aigeda Keliso mahetedai, ta Yehobaina matana mumugada 'ehauna, ma geya 'ada 'ebe he'ewamo.

Epeso 2:20

Comi wete si'abigomiya, 'oinega tauda gide tuwa hada, ma Yesu Keliso tauna 'ida wahuwahu, tauna 'oina logidi madoudi beno Yesu 'ana tohepwailao ma palopitao,

2 Timoti 3:16

Ma weteyage Buki He'asisi 'ina gwae mabwaiyana Yehoba Yaluyaluwanega sitauyama, ta gwaeyedi 'oidiyega 'ada he'ita ma 'ada lohatoto ma 'ada gihedumwalu

1 Pita 2:4

'oinega wanaoma 'oina, tauna logidi mayawasina, mebale'u silososomaneya, ma hesi Yehoba nuwanuwana eeta 'ihesinuweya.

1 Pita 2:8

Ma wete 'igwae, “Logidi bewa tomota 'idi 'ebetupa, 'abwa 'oina situpa ma sibe'u.” Ma situpa 'oina weyahina gwae geya sihemisae. Bewa gide Yehobaina 'ina loina nugenugetana taudi weyahidi.

2 Pita 1:20

Ma ginaula bewa wanuwasabwaleni 'abehega palopitao 'idi gwae Buki He'asisi 'alona geya sawasawahina taboimo 'adi gibui tasanapu,

2 Pita 3:16

Eeta nuwatuhuina weyahina 'ihepwaila 'ina lele nugenugetadi mabwaiyadi 'oidiya. Ma tupwana nuwatuhuwao 'ina letao 'alodiya 'adi sanapu mwauna, 'oinega tohenainaidao ma towe'ao nuwatuhuwedi sigibuidiya, ta Buki He'asisi 'ina leleyao wete sigibuidiya ma si'abo, 'oinega siboidimo sigihe galediya.