1 Pita 2:23 - Loina Nuahuana

²³ Ma tutaina si'ahwa galagalaeya geya wete 'oidiya 'ihe'isa, ma wete si'ehemuyeya, geya wete 'igamwasowaledi, ma hesi Yehoba 'ihemiseya moisa, weyahina tauna Toloina dumwadumwaluna.

1 Pita 2:23 ပူးပေါင်းရင်းမြစ်များ

Luke 23:41

ma loinaina 'owa ma taugu 'ilobwainegita, weyahina tauda togala, ma loheya bewa geya 'eta 'ina puimo.”

Luke 23:46

Coinega Yesu 'enana madounega 'ibwauwa, 'igwaeya, “Tamagu yo, yaluyaluwagu nimauwa yalagulagu.” Cina gwae bewa 'igwaeneya ma yawasina 'igumwala.

Luke 23:9

Coinega Helodi Yesu 'ihesilala hedadeya, ta geya 'aigeda wete 'ida hemaiseya.

Paihowa 17:31

Weyahina 'ida sabwelo bwa'omatana 'abwama 'iupaeya ma mebale'u mabwaiyada 'ada loina dumwadumwaluna 'ida 'ebwaegita loheyaina 'ihesinuweya 'oinega, ma loheyaina 'amasega 'i'abihetoholo hileya ma 'oinega tomota mabwaiyada wasa bewa tada 'ahwa moisae.”

Paihowa 4:29

Bada yo, 'u'ita 'idi heliya tauma 'ino topaihowao 'oima, ma hesi 'uda 'abi hewaiwaiyemai ma ma'ima 'atepatu 'ino gwae 'ada hepwaile latuhe.

Paihowa 7:59

Eema Sitibeni siloloda'uleyeya, ma hesi 'ibwau haneya 'igwae, “Bada Yesu, yaluyaluwagu 'u'eweyawa.”

Paihowa 9:1

Ma Saulo 'abwa tuwa Bada Yesu 'ana tomuliyao 'oidiya 'ilolo'alehedi, nuwanuwana 'ilohe'amasidi. Coinega 'itauya Topwaoli Madouna 'oina,

Loma 2:5

Ma tuwa debami sipa'ala hedada, 'oinega 'eguma tutaina Yehoba 'ina loina dumwaluna 'i'abi hemasalaha, 'igamwasowalegomi tuwa,

Epeso 6:9

Comi babadao wete wamumuga bwaibwaina 'imi topaihowao 'oidiya, ma geya'abwa waheheliyedi, ma wanuwatuhuyahi 'abehega mabwaiyami 'omi ma taudi 'imi Bada galewa 'imiyamiya, eeta 'ina loina 'oimiya mahemahetena mabwaiyami weyahimi, geya hagana ma hagana.

2 Tesalonaika 1:5

Bewa 'ebe'ita ma 'oinega Yehoba 'ina loina dumwaluna tasanapu, weyahina 'ami mwauwedi 'oidiyega 'i'abihe pa'aligomi, ma 'ane 'ina 'ebeloina 'ana lugu 'ilobwainegomi.

2 Timoti 1:12

Bewa weyahina 'igu miyamwau yalobeya, ma hesi geya weyahina yadeba mwadina, weyahina 'ida Cinapwanaina yahemiseya tauna yasanapuya, ma to'aha 'i'ebwaegauwa sowasowana 'i'itayahiya nimanega, eema sabweloina madouna 'inaonaoma 'oina.

2 Timoti 4:8

Coinega 'abwa 'ida Bada 'agu maisa, mumuga dumwaluna weyahina, 'i'ebwaegau. Ta maisaina weyahigu 'igibubu pwaiya ta 'imiyamiya. Badaina 'ina loina dumwaluna, ma 'eguma to sauga 'ilatuma, tauda ma wete taiyawedi 'ina hilama weyahina siyamwayamwana, mabwaiyada nata 'ada maisa 'i'ebwaegita.

Ibeliu 12:3

Yesuina wanuwatuhuyahi 'abehega 'i'alama'i'ita madouna togala 'idi lo'aleha 'oinega, ta 'oinega 'omi wete gide 'abehega sahena wahesabulolo nuwana wawe'awe'a.

1 Pita 3:9

Ma 'eguma tupwadi 'oimiya sipaihowa galana, geya'abwa 'oidiya wahehemaisa, ma 'eguma wete siheliyegomi geya'abwa waheheliyedi. Ma hesi wahemaisedi gwae bwebwe'ana 'oidiyega, weyahina Yehoba 'igwae hemisa pwaiya 'abehega 'ihelauwegomi, 'eguma 'omi gwae bwebwe'anega 'oidiya wahemaisa.

1 Pita 4:19

Coinega 'eguma 'omi Yehoba 'ina nuwatuhu 'oinega muya walobalobadi, yawasimi watagwaledi tauna 'oina, ma 'ane 'i'itayahigomi, weyahina tauna 'ada Topaihowa bwebwe'ana moisa, ma 'omi wete gidemusa wamumuga bwebwe'ana.

Heꞌitaꞌita 19:11

Ta ya'iteya galewa 'i'eso'eya, ma hosi wa'ewa'e'ena 'ihapwesa, ta 'ana togeluina sihesaniyeya Toguibiga Dumwaluna. Ma 'ina loina dumwaluna 'oinega 'iyatala ta wete 'ilolo'aleha.