1 Pita 2:22 - Loina Nuahuana

²² Weyahina tauna geya 'ina galamo ma wete geya 'eta 'abo 'ahwanega 'ida latuwa.

1 Pita 2:22 ပူးပေါင်းရင်းမြစ်များ

Madiu 27:19

Ma wete tutaina 'abwa Pailato yatala 'ipaipaihowa, ma mwanena wasa 'ihetuneyama ma 'igwaeya, “Sahena wete to'aha 'uloinae loheya beno bwebwe'ana. Weyahina nige yanihiyeya, ta 'ebe matauta madouna 'oiguwa.”

Madiu 27:4

ta 'igwae, “Yalopuiya, weyahina loheya bwebwe'ana 'oimiya yatebaeya.” Ma sigwaeya, “Beno geya 'aigeda to'aha 'oima, ma 'owa tuwa weyahiu 'unuwanuwatuhu.”

Luke 23:41

ma loinaina 'owa ma taugu 'ilobwainegita, weyahina tauda togala, ma loheya bewa geya 'eta 'ina puimo.”

Luke 23:47

Nage 'oina tolo'alehao 'adi tohanugeta 'i'iteya Yesu yawasina 'igumwala, 'oinega Yehoba 'ihepwatuweya 'igwaeya, “Moisa, loheya bewa loheya bwebwe'ana.”

Yoni 1:47

Sitautauya, ma Yesu Nataniyela 'i'iteya, ma Nataniyelaina weyahina 'ihegwaegwaeya 'igwae, “Loheya nage gwama Isileli moisa, ma mumugana 'ausalana mabwaiyana.”

Yoni 8:46

“Ma togidega? Sowasowahimi ma 'eta taiya 'oimiyega 'igu 'eda galadi 'ihepwailedi? Nuwana geya sowasowahimi, 'awa? Coinega 'eguma gwae moisa 'oidiyega yahehegwaegwae, to'aha weyahina geya wada hemisaegauwa?

2 Kolinita 5:21

Yehobaina tauda weyahida Keliso 'iloineya, tauna geya 'eta 'ina pui, ma hesi Yehoba 'itagwaleya ma Kelisoina weyahida 'ihetogala, ma 'ane tauna ba'idadai Yehoba 'ina mumuga bwebwe'ana ta'ewa.

Ibeliu 4:15

Tupwadi topwaoliyao geya sida 'atemuyamuyaegita 'ida we'a weyahidi, ta hesi Yesu 'ida miyamwau 'inuwa sabwalenidiya ta 'i'atemuyemuyegita, weyahina mwalo bale'uwa Tomudulele 'ina 'ebetoho mabwaiyana 'ilobediya gide tauda talobaloba 'esedi, ta Yesu geya 'eta wete 'ina pui.

Ibeliu 9:28

Wete gide Keliso 'ina 'amasega tauna 'ipwaoliyeya ma'aigedamo tuwa, ma baibaiwada mumugada galadi 'i'ewa yahulediya, ma 'abwa 'ihilama, ma geya 'abehega mumuga galadi 'i'ewayahule hiladi, ta hesi sabi 'abihetegita, 'eguma ma'ida nuwa'ewa tayamwayamwa.

1 Yoni 2:1

Cae natugwao, 'imi leta bewa yaleleyawa ma 'oinega geya sowana pui wapaipaihowa. Ma 'eguma tapui, Yesu Keliso tauna todumwadumwalu 'i'ahwanoi weyahida, Tamada 'oina,

1 Yoni 3:5

Ma wete tasanapuya, 'abehega Kelisoina 'itauyama 'ida mumuga galaedi sabi 'ewayahuledi, ma tauna geya 'eta wete 'ina puimo.

Heꞌitaꞌita 14:5

Taudi geya 'eta 'abo 'oidiya, ta geya wete 'idi puimo.