1 Pita 2:1 - Loina Nuahuana

¹ Eeta 'imi galao ma 'imi 'e'abo'abowao gwaeyega bo paihowega ma 'imi he'ipi'ipiyao ma 'imi 'ahwa galagalao waguipailedi,

1 Pita 2:1 ပူးပေါင်းရင်းမြစ်များ

Madiu 15:7

“Bewa 'imi 'abo. Mwalo hene Aiseya palopita weyahimi 'ihepwaila nugeta, tutaina Yehoba 'ina gwae 'ihepwaileya, 'igwae,

Madiu 23:28

Comi 'ami 'ita tomota matadiya 'abehega tohanugetao 'ausalami, ma 'alomiya 'abo ma gala baibaiwana simiyamiya.

Madiu 24:51

nata hadega 'ipa'i ma maisa galana 'i'ebwae to'abowao 'idi tupwa, nage 'oina sidou ma sihesala'i'ita, muya 'oinega”.

Madiu 7:5

Cowa hede 'aigeda to'abo, 'awa? Ma hesi 'etupwa matauwega 'u'ewayahule nugete, ma 'oinega 'u'ebubuna bwaibwaina ma muliyetega tasiu matanega 'aiwe tupwatupwana 'u'ewayahule.

Maki 12:15

Sowasowana takesiina tahemaisa Kini 'oina, bo sahena?” Ma Yesu 'idi 'abo 'isanapu pwaiya, 'oinega 'ihegwaediya, 'igwae, “To'aha weyahina watohotohogau? Hana maneina wa'eweyama, ma ya'ita.”

Luke 11:44

“Ma hesi tuwa 'atemuyamuyaimi, weyahina 'atemi gide galiha bisubisulidi, tomota 'oidiyega sitautau ma geya sisanasanapu 'abehega galiha.”

Luke 12:1

Boda madou hedada si'eto'autama ma sihetupa duidui, ma Yesu 'igwae nugeta 'ana tomuliyao 'oidiya, 'igwaeya, “Wa'ita yahigomi ma Palisiyao 'idi paihowa 'abo'abo sahena wapaipaihowadi, weyahina 'idi paihowa gide tuwa pwalawa 'ana 'ebe'abi heseseha. Cebe'abi hesesehaina 'eguma to'aha gide 'i'iuna, nata 'i'abi hemadou,

Luke 6:42

Coinega sahena haletau 'uhehegwae ma 'ugwae, ‘Haletagu, 'ilobwainegau ma 'aiwe tupwatupwana matauwega ya'ewayahule,’ weyahina 'owa wete 'etupwa madouna matauwa 'imiyamiya geya 'u'ita. Moisa 'owa 'aigeda to'abo, 'awa? Ma hesi 'etupwa matauwa 'u'ewayahule nugeta, ma 'oinega 'u'ebubuna bwaibwaina, ma muliyetega haletau matanega 'aiwe tupwatupwana 'u'ewayahule.

Yoni 1:47

Sitautauya, ma Yesu Nataniyela 'i'iteya, ma Nataniyelaina weyahina 'ihegwaegwaeya 'igwae, “Loheya nage gwama Isileli moisa, ma mumugana 'ausalana mabwaiyana.”

Loma 1:29

Ta gala mabwaiyana 'ilohemahediya, gide tobwatobwa 'ana henuhenuwa, ma mumuga galagala ma he'ipi'ipi ma lohe'amasa ma he'alagwaegwae ma 'e'abo'abo ma sosomane ma hetalapili,

1 Kolinita 14:20

Ciyagwao, sahena 'imi nuwatuhu gwagwama gidemusa, ma hesi wanuwanuwa loheya madouna gide. Ta sahena mumuga galana weyahina wanuwanuwatuhu ma 'abehega wasanapudi.

1 Kolinita 5:8

Eeta 'ida guyai tapaihowa, geya ma'ida 'eda'eda miyamiyana galana 'oinega, ta hesi 'eda'eda bwebwe'ana ma dumwadumwaluna 'oidiyega.

2 Kolinita 12:20

Moisa, ya'ateyohowa, ta geya nuwagu yatauyawa ma 'imi mumuga ya'ita lobeya 'abehega geya bwebwe'ana, ma 'igu tauyawa weyahina wanuwagala, 'eguma taumimo wahe'ohe'ohena ma wahe'ipi'ipi ma wagamwasowala, nuwana walotobwatobwa hedade, ma 'iyamiyao wa'ahwa galagalaedi, ma wanuwahane, nuwana wapaihowa bwagabwaga.

Epeso 4:31

Ma wete galaedi bewa gide walogwahatedi: he'ipi'ipi, gamwasowala, 'asona, 'ahwa galagala, ma wete gwae sinala,

1 Tesalonaika 2:3

sahena 'abowega, wete sahena gwae galana 'oinega, ma hesi gwae moisa 'oinega.

1 Timoti 3:11

Mwanediyao wete gide ma'idi nuwatuhu dumwadumwaluna, ma sahena 'iyadiyao si'ahwa'ahwa galagalaedi, sahena bwasi galana sinumanuma hedade, ma hesi siguibiga moisa.

Taito 2:3

Cai'aihaleyao wete 'uhegwaedi ma mumugadi ma'idi he'asisi, ta sahena tomota si'ahwa'ahwa galagalaedi, ma wete sahena waini sinumanuma hedade, ta 'ilobwainediya mumuga 'ausalana sihehe'ita wahiwahine hauhaudi 'oidiya,

Ibeliu 12:1

Ma tohemisao baibaiwadi galewega si'e'ebubugita, ta sawasawahida ginaula mwaudi 'oidiyega ta'aisinedi, ma 'oinega tapili waiwai 'ebepiliina 'ana 'eda 'oinega, ta wete mumuga galadiyedi sipaipaigita ta'aisinedi.

Yemesa 1:21

Coinega 'imi mumuga bi'ibi'idi ta 'imi puiyao mabwaiyadi wa'ebesinedi, ma watagwalegomi Yehoba 'oina, ta wete gwaeina 'atemiya Yehoba 'ibeguliya wahemisae, ma wahematamatane, ta 'oinega 'i'abihetegomi.

Yemesa 3:14

Ma 'eguma wahe'ipi'ipi ma wagamwasowala hali tomota 'oidiya, ta wete waboi 'imi nuwatuhuwao 'igihe gagasigomi, nata he'ita dumwadumwaluna wagihegaladi.

Yemesa 4:11

Tasigwao, sahena tasimiyao wa'ahwa galaedi, weyahina 'eguma taiya tauna tasina 'i'ahwagalae, nuwana 'iloinae, tauna geya Yehoba 'ina loina 'imuliye, ta hesi loinaina 'i'ahwa galaeya.

Yemesa 4:5

Coinega sahena Buki He'asisi 'ina hepwaila wa'ahwa'ahwa muhemuheye tutaina 'igwae, “Yaluyaluwaina Yehoba 'ilaguya 'oida nuwanuwana madouna tauda.”

Yemesa 5:9

Tasigwao, sahena waboi walomugi hilegomi, nata gide 'ida Bada 'ibwa'omategomi, ma tauna Toloinaina 'i'iunamo ma 'ilatuma.

1 Pita 2:16

Ma 'omi hesi Yehoba 'ilihasi pwaigomiya ma 'abehega waboi waloinaegomi, ma hesi geya'abwa paihowa galadi 'oidiya watautauya, ma wapaihowa tuwa gidemusa 'omi Yehoba 'ina topaihowao.

1 Pita 2:22

Weyahina tauna geya 'ina galamo ma wete geya 'eta 'abo 'ahwanega 'ida latuwa.

1 Pita 3:10

Gidemusa Buki He'asisi 'oina 'ihepwaila, 'igwaeya, “Ceguma taiya tauna nuwanuwana ma 'iyaliyaya sabwelo mabwaiyana 'oidiya, 'ilobwaineya ma gwae besobeso ta 'abo 'ilolagu.

1 Pita 4:2

Coinega 'ida tuta mabwaiyana bale'uwa tamiyamiya tatagwalegita Yehoba 'oina ma tauna 'iloinaegita ma hesi 'ida nuwa'ubuna geya'abwa 'iloloinaegita.

1 Pita 4:4

Ma tomiya ganamuliyedi sinuwa henainaida 'eguma 'omi geya mahetemiyao ginaulaedi galadi wapaipaihowadi, 'oinega si'ahwa galagalaegomi.

Heꞌitaꞌita 14:5

Taudi geya 'eta 'abo 'oidiya, ta geya wete 'idi puimo.